🛑 स्वातंत्र्य हक्क अधिकारावर महिलांची गगन भरारी…

🛑 स्वातंत्र्य हक्क अधिकारावर महिलांची गगन भरारी…

शिवगर्जना न्यूज, 

सांगली { प्रतिनिधी डॉ. शाम जाधव } 

उषाताई कांबळे आज अनेक भारतीय महिलानी गगन ही लाजेल अशी उंच भरारी घेतली आहे. त्यासाठी अनेक महापुरुषाने रक्त आठवल आहे. त्यांच्या अनंत उपकारामुळे आज भारतिय स्त्री स्वातंत्र्य, हक्क अधिकार आणि स्वता:च्या पायावर उभी आहे.

स्वराज्याचे दोन कर्तृत्ववान छत्रपती घडवणारी राज माता जिजाऊ. सर्व स्त्रियांना माते समान माणुन आजन्म आदर करणारे अखंड भारताचे आराध्य दैवत छत्रपती शिवाजी महाराज, 

आरक्षणचे जनक छत्रपती शाहू महाराज, सती प्रथा बंद करणारे. राजाराम मोहन रॉय, स्त्री शिक्षणाची सुरुवात करणारे क्रांतीसूर्य महात्मा ज्योतिबा फुले, भारतातील समस्त मानवी समाजाला जाती प्रथेच्या जीर्ण रूढीचा अंधारमय खाईतून समतेच्या आणि समृद्धीच्या प्रकाश मय वाटेवर नेणारे भारताचे संविधान लिहून भारतीय स्त्रीला तिचे संविधनीक हक्क मिळवून देणारे संविधान निर्माते डॉ. बाबासाहेब आंबेडकर 

स्त्री शिक्षणासाठी लोकांच्या शिव्या दगड शेणाचा मार सोसनाऱ्या भारतातील पहिला महिला शिक्षिका क्रांतीज्योती सवित्रीबाई फुले, डॉ. बाबासाहेब आंबेडकराच्या कर्तुत्वाला, जीवनाला आकार आणि प्रेरणा देणाऱ्या माता रमाबाई 

नवऱ्याच्या मृत्यूला खचून न जाता स्वराज्याची खंबीर पणे सांभाळ कळणारी राजमाता अहिल्याबाई यांच्या केलेल्या कार्यामुळे आज प्रत्येक भारतिय स्त्रीने यांचे आभार मानायला पाहिजे.

मी सुरवातीला या सर्व थोर व्यक्तीचा उल्लेख केला कारण अजूनही आपल्यातील काही महिलाना हे माहित नाही आज आपण मोकळे पणाने व सन्मानाने वावरतो व सुखी जीवन जगतो कोणामुळे, जर हे समाज सुधारक नसते तर आज हि आपण जीर्ण रूढी परंपरेच्या चिखलात रुतून बसलेलो असतो. अपल्याला आज जि वागणूक मिळते ती फक्त या थोर व्यक्तीच्या मुळे.

 प्रत्येक महापुरुषाची प्रेरणा हि एक स्त्री आहे. प्रत्येक पुरुषाच्या मागे स्त्रीचा हात असतो हे तर संपुर्ण जगानेच मान्य केलं आहे. आपण हि आपल्यातील शक्ती ओळखून आदर्श समाज निर्मितित आपला हात भार लावू शकतो आता तुम्ही म्हणाल तर कसे ? छत्रपती शिवाजी महाराज व संभाजी महाराज घडले ते जिजाऊंच्या संस्कारामुळे

डॉ. बाबासाहेब आंबेडकर घडले ते माता रमाईच्या त्याग, कष्ट आणि प्रबळ इच्छाशक्तीमुळे तुम्ही हि तुमच्या मुलांना मातेच्या रूपाने संस्कार देऊन, पत्नीच्या रूपाने पतीला कामात हात भर लावून, बहीण म्हणून भावाच्या पाठीशी खंबीर पणे उभा राहून, एक आदर्श समाज निर्मितित सहभागी होऊ शकता.   

जागतिक स्तरावर महिलांनी स्वतःच्या हक्कासाठी दिलेल्या लढ्याच्या स्मरणार्थ ८ मार्च हा जागतिक महिला दिवस म्हणुन साजरा केला जातो. पंण एक दिवस साजरा केल्यानेच सर्व ठिक होईल हे आता अशक्य वाटत आहे. कारण आज महिला अत्याचाराने डोके वर काढले आहे. देशात रोज हजारो स्त्री, मुलीची आब्रु लूटली जात आहे. खरच आपण २१ शतकाच्या प्रगती पथावर आहोत काय असा प्रश्न निर्माण झाला आहे.

‘महिलाच्या’ वाटय़ाला आलेले अर्धे आभाळ हे अजूनही ढगाळ आणि अंधकारम आहे. हे हटवण्यासाठी तिचा निकराचा लढा सुरूच आहे. अनेक क्षेत्रात तळपती समशेर बनून ती आपल्या शत्रूंशी लढत आहे. हे शत्रू किती आहेत याची गिनती करणे सोपे आहे, पण ते कोण आहेत हे ओळखणे अवघड आहे. जगातल्या सर्वात सुरक्षित जागेत म्हणजे आईच्या पोटात तिच्या गळला नख लावण्याचे दुष्टकार्य केले जाते तेही ‘जन्मदात’ आईबापाच्या संमतीने आणि आजी-आजोबा, आत्या, मामा यांच्या साक्षीने. कदाचित आईच्या मनाविरूद्ध ते घडत असेल. आपल्या गर्भाच्या मृत्यूबरोबर (की हत्या?) मातृप्रेमाच, वात्सल्याच्याही चिंधडय़ा उडवल्या जाताना तिला पाहावे लागते.

महिलांचा सर्वात मोठा शत्रू म्हणजे पुरूषी मानसिकता. अशा अनेक शत्रूंना रिचवत, पचवत ‘स्त्री’ तिची लढाई लढत आहे. ती समाजाच्या नीतीमत्तेचा कणा आहे. बेहिशोबी संपत्ती गोळा करणार्‍या नवर्‍याचा हात तिने थांबवला वा मुलींशी बेताल वर्तन करणार्‍या आपल्या मुलाच्या श्रीमुखात भडकावली तर चित्र बदलण्यास वेळ लागणार नाही. निसर्गाने तिला ‘प्रेम’ नावाची विलक्षण देणगी दिली आहे. ते तिचे शस्त्र आहे. या शस्त्राने ती अनेक अवघड शल्यकर्मे सहजरित्या पार पाडते. तिच्या शब्दात मंत्राचे सामर्थ्य आहे. या मंत्राने ती अग्नी फुलवूही शकते व विझवूही शकते. त्या मंत्राचा ती कसा उपयोग करते, यावर समाजाचे अस्तित्व अवलंबून आहे.

तिच्या डोळतल अंगाराला कायद्याचे कवच लाभले तर दुष्कर्मे करणारे क्रूरकर्मा निश्चितच पुढे येण्यास कचरतील. स्त्री-पुरूष समानता याच्यापेक्षा सोप्या व वेगळ्या शब्दात सांगता येणार नाही. अर्थात हा विचार समाजात रूजायला आणखी किती दिवस लागतील, हे सांगता येत नाही.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)