🛑 मध्यवर्ती सहकारी बँक इमारत लोकार्पण सोहळा निमित्त आढावा बैठक संपन्न

🔴 मध्यवर्ती सहकारी बँक इमारत लोकार्पण सोहळ्याच्या २४ तारखेला होणाऱ्या निमित्ताने आढावा बैठक भोकर येथे मा.खा.भास्करराव पाटील खतगावकर यांच्या उपस्थितीत संपन्न. 

शिवगर्जना न्यूज, 

उपसंपादक निळकंठ पाटील जाधव

नांदेड जिल्ह्यातील भोकर येथे आज एक महत्त्वपूर्ण आढावा बैठक राज्याचे माजी मंत्री तथा माजी खासदार आणि जिल्हा मध्यवर्ती सहकारी बँकेचे अध्यक्ष मा.भास्करराव पाटील खतगावकर साहेब यांच्या प्रमुख उपस्थितीत उत्साहपूर्ण वातावरणात संपन्न झाली. येत्या २४ तारखेस आयोजित करण्यात आलेल्या नांदेड जिल्हा मध्यवर्ती सहकारी बँक, भोकर शाखेच्या नव्या इमारतीच्या लोकार्पण सोहळ्याच्या पार्श्वभूमीवर ही बैठक अत्यंत महत्त्वाची ठरली.

या बैठकीत लोकार्पण सोहळ्याची तयारी, नियोजन, विविध जबाबदाऱ्या आणि कार्यक्रमाची रूपरेषा यावर सखोल चर्चा करण्यात आली. राज्याचे सहकार मंत्री ना. बाबासाहेब पाटील यांच्या प्रमुख उपस्थितीत होणारा हा सोहळा भव्य आणि संस्मरणीय करण्यासाठी सर्वांनी एकजुटीने काम करण्याचे आवाहन करण्यात आले.

मा. खतगावकर आपल्या मार्गदर्शनातून बँकेच्या प्रगतीचा आढावा घेत, आगामी कार्यक्रम यशस्वी करण्यासाठी कार्यकर्त्यांना दिशा दिली. त्यांनी सांगितले की, हा लोकार्पण सोहळा केवळ इमारतीचे उद्घाटन नसून बँकेच्या विकासाचा आणि विश्वासाचा नवा टप्पा आहे.

बैठकीत उपस्थित सर्व पदाधिकारी, कर्मचारी व कार्यकर्त्यांनी सक्रिय सहभाग नोंदवत कार्यक्रम यशस्वी करण्यासाठी पूर्ण ताकदीने काम करण्याचा निर्धार व्यक्त केला. भोकरमध्ये होणारा हा सोहळा जिल्ह्यासाठी अभिमानाचा क्षण ठरणार असून सहकार क्षेत्रातील एक नवा आदर्श निर्माण करणार आहे.

सदरील बैठकीला माजी आमदार ओमप्रकाश पोकर्णा, दिला बँकेचे संचालक तथा राष्ट्रवादी काँग्रेस पार्टी जिल्हाध्यक्ष बाळासाहेब रावणगावकर, जिल्हा बँकेचे संचालक गोविंदराव पा. शिंदे नागेलीकर, संचालक प्र.रामचंद्र मुसळे, भोकर नगर परिषद नगराध्यक्ष भगवानराव दंडवे, कृषी उत्पन्न बाजार समिती सभापती जगदीश पा. भोसीकर, उपनगराध्यक्ष सोनवडे दिलीपराव, नागनाथराव घीसेवाड, कृषी उत्पन्न बाजार समितीचे संचालक सुभाष पा. किनाळकर, राष्ट्रवादी काँग्रेस पार्टी तालुकाध्यक्ष शिवाजी पा. लघळूदकर, नगरसेवक पप्पू गोले, जवादवार बरबडेकर, केशव पोमनाळकर, नगरसेवक घोगरीकर, गणेश राठोड माजी उपसभापती, गुत्तेदार चितळकर, जिल्हा बँकेचे मुख्य कार्यकारी अधिकारी डॉ.अजय कदम,तपासणी अधिकारी आनंद मोरे, शाखाधिकारी रमेश सोळंके आदी सह तालुक्यातील बहुसंख्य कार्यकर्ते पदाधिकारी उपस्थित होते.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)