🛑 नांदेड जिल्ह्याचे प्रगल्भ महिला नेतृत्व सौ. प्रणिताताई देवरे-चिखलीकर

🔴 नांदेड जिल्ह्याचे प्रगल्भ महिला नेतृत्व/ सौ. प्रणिताताई देवरे-चिखलीकर.

 शिवगर्जना न्यूज,

मूख्य संपादक : श्री शहाजी ना. वरखिंडे {9923072242}

“स्वामी तिन्ही जगाचा । आई विना भिकारी।“

 “जीच्या हाती पाळण्याची दोरी, ती जगाते उद्धारी” 

किंबहुना, “मुलापेक्षा मुलगी बरी, दिवा लावते दोन्ही घरी…”

अशा नानाविध उपमा आणि संबोधनांनी पुरातन काळा पासूनच नारी शक्तीचा गौरव करण्यात आला आहे. कोणी नारी ही संसाराची दामिनी, कोणी स्त्रीला सर्जनाची कर्ता तर कोणी शक्ती म्हणाले. परंतु असे असतानाही महिलांना बहुतांश वेळा समाजामध्ये दुय्यम स्थान देण्यात आले होते ही परिस्थिती नाकारणे जमत नाही. परंतु आजच्या आधुनिक आणि अत्याधुनिक संबोधल्या जाणाऱ्या कंप्यूटर च्या जगात महिलांना अनन्य साधारण कर्तुत्वाच्या संधी प्राप्त होताना आपण पाहत आहोत. अनेक महापुरुषांची महाराष्ट्राच्या जडणघडणीत महत्त्वाची भूमिका होती आणि त्यांच्या बरोबरीने महिलांच्या कर्तृत्वाला देखील नाकारता येणार नाही. स्वतंत्र स्वराज्याची निर्मिती करण्याचे श्रेय राजमाता जिजाऊ यांना जातं आणि तेव्हापासूनच महाराष्ट्राची मुहूर्तमेढ रोवली गेली. महाराष्ट्राच्या जडणघडणीत प्राचीन, अर्वाचीन, मध्य युगापासून आजपर्यंत महिलांचे योगदान महत्त्वपूर्ण राहिले आहे. येथील महिला आंदोलक, क्रांतिकारक, समाजसेवक, शिक्षणतज्ञ म्हणून पुढे आल्या व त्यांनी राज्याच्या निर्मितीसाठी उल्लेखनीय कार्य केले.

नांदेड जिल्हा महाराष्ट्रातील- मराठवाड्यातील एक अग्रगणी आणी सांस्कृतिक जिल्हा म्हणून ओळखला जात असताना, या नांदेड जिल्ह्यामध्ये विविध कर्तृत्ववान महिलांचा इतिहास आपणास पाहावयास मिळतो. किंबहुना माई कुरुंदकर यांसारख्या व्यक्तिमत्त्वांपर्यंत विविध व्यक्तींच्या जडण घडणीमध्ये महिला नेतृत्व अग्रस्थानी असलेले आपण पाहिलेले आहेत. सद्य परिस्थिती मध्ये सामाजिक, राजकीय आणि जनसामान्यांचे अतिशय समाजशील राजकीय नेतृत्व म्हणून उदयोन्मुख व्यक्तिमत्व म्हणून, सौ. प्रणिताताई देवरे-चिखलीकर यांचा अभिमानाने उल्लेख करावा लागेल. सुसंस्कृत- स्वाभिमानी आणि शेतकरी कुटुंब वत्सल असणारे श्री गोविंदराव पाटील चिखलीकर यांचे सुपुत्र खासदार प्रतापराव पाटील चिखलीकर यांच्या सुकन्या सौ.प्रणिताताई देवरे-चिखलीकर यांचा जन्म एका समाजशील असणाऱ्या परिवारामध्ये झाला. बालपणापासून च अतिशय व्यासंगी आणि शिक्षणाबरोबरच समाजाची अभिरुची असणारी अष्टपैलु व्यक्ति म्हणून प्रणिताताई यांची ओळख आहे.

आयुष्य म्हणजे चैनीची गोष्ट असून कर्तव्याची रणभूमी आहे, अशी भूमिका घेत राजकारणामध्ये वडेपुरी जिल्हा परिषदेच्या गटापासून पदार्पण झालेल्या सौ. प्रणिताताई यांनी विविध सामाजिक प्रश्न, लोकांशी असलेली जिव्हाळ्याची नाळ तसेच चिखलीकर कुटुंबीयांचा जन सामान्यातील असलेला परिचय आणि जन सामान्यांच्या बाबतीतील अस्थेवाईकपणा यांचा धागा धरून राजकारणामध्ये प्रवेश केला. आणि त्यांनी आपल्या कर्तृत्वाच्या बळावर एक राजकीय आणि सामाजिक व्यक्तिमत्त्व म्हणून ठसा उमटवलेला आहे.

सर्वसामान्य व्यक्तीच्या जीवनाच्या बाबतीतील त्यांना नियमितपणे येणाऱ्या अडी अडचणी, समजावून घेऊन त्यांना सर्वतोपरी मदतीचे प्रयत्न करणे किंबहुना त्या सर्वांच्या सुख दुःखा मध्ये सहभागी होणे, इत्यादी बाबतीतील चिखलीकर यांची जनतेच्या बाबतीतील असलेला अस्थेवाईकपणा त्यांनी अतिशय सहजपणाने जोपासला आहे.

त्यांच्या व्यक्तिमत्त्वाचे एक अंग म्हणजे त्या ऊच्च शिक्षीत असुन, सधन कुटुंबात राहूनही आणि सामान्य गरीब कुटुंबातील व्यक्तींबद्दल असणारा त्यांचा जिव्हाळा हा होय. खरंच एखाद्या महिला नेतृत्वाने आपल्या वयाच्या मानाने जिल्ह्याच्या किंबहुना राज्याच्याही राजकारणा मध्ये आपला वेगळेपणाने ठसा उमटवावा, असे त्यांचे घरंदाज आणि सुस्वभावी व्यक्तिमत्व निराळे वाटते. महिला दिनाच्या निमित्ताने आपण ज्या काही कर्तृत्ववान अष्टपैलू व्यक्तिमत्त्वांचा उल्लेख करावा त्याबाबतीमध्ये सौ. प्रणिताताई देवरे-चिखलीकर यांचे व्यक्तिमत्व अगदी अशाच प्रकारचे आहे.

वडेपुरी-जिल्हा परिषदेच्या गटाच्या निवडणुकी पासून ते सध्याच्या महाराष्ट्रातील भारतीय जनता पक्षाच्या सुसंस्कृत राजकारणा पर्यंत मजल मारणाऱ्या जिल्ह्यातील अग्रगणी महिला नेत्या म्हणून सौ. प्रणिताताई यांचा उल्लेख होत आहे. ग्रामीण भागातील रस्त्यांचा विकास झाला पाहिजे, पाण्याची सुविधा मूबलक प्रमाणात झाली पाहिजे आणि महिलांपासून आबाल वृद्धांपर्यंत सर्वांना राजकीय आणि समाजाच्या माध्यमातून सामाजिक समानता मिळून त्यांचे जीवन उंचावले पाहिजेत, याबाबतीत त्यांचा ध्यास आहे. त्या विविध समाज पातळीवर काम करत असताना, त्यांना सामाजिक कार्यकर्ता/ जल प्रणेत्या आणि राजकीय नेत्या अशा विविध उपमांने संबोधले जाते. त्यांच्यासारखी झंजावाती आणि जनताभिमुख कन्या मिळाली याबद्दल संपूर्ण चिखलीकर कुटुंबीयांना अतिशय आनंद वाटतो. तसेच कंधार-लोहा तालुक्यातील जनतेस याचा विशेष अभिमान वाटतो. नांदेड जिल्ह्यातील त्या एक अग्रणी नेत्या समजल्या जातात, याबद्दल सर्वसामान्य महिलांनाही आदर वाटतो.

पाणी फाउंडेशन च्या मार्फत त्यांनी स्वतः निवासी प्रशिक्षण केलेले आहे. नांदेड जिल्हा आणि कंधार लोहा तालुका पाणीदार व्हावा यासाठी त्यांचे विशेष प्रयत्न झालेले आहेत. जिल्हा परिषदेच्या माध्यमातून जिल्हा परिषदेच्या सदस्या म्हणून काम करत असताना महिला बालविकास आणि प्राधान्याने शेतकरी, सर्वसामान्य जनता यांच्या बाबतीतील त्यांचा अभ्यास पूर्वक कळवळा पाहावयास मिळतो. त्यांनी भारतीय जनता पार्टी महिला मोर्चाचे राज्य उपाध्यक्ष त्याच प्रमाणे भारतीय जनता पक्षातील राज्यांतर्गत आणि देशातील इतरही राज्यामध्ये आपले योगदान दिलेले आहे. राजकीय क्षेत्रातील विविध मान्यवर आणि समाजातील विविध जनतेचे त्यांच्याशी असलेले कार्य करून घेण्याची त्यांची चांगली हातोटी, नांदेड जिल्ह्याचे लोकप्रिय नेते माजी खासदार आणि लोहा मतदार संघाचे विद्यमान आमदार श्री प्रतापराव पाटील चिखलीकर, राजकारणात सर्वदा सक्रिय असलेले युवा नेतृत्व तथा नांदेड जिल्हा परिषदेचे माजी सभापती- मा. प्रवीण पाटील चिखलीकर यांचा जनतेच्या बाबतीतील असणारा कळवळा आणि समाजाच्या बाबतीतील असलेला त्यांचा आदर आणि आपलेपणा ही भावना सौ. प्रणिताताई देवरे या कायम स्वरूपी जपत असतात.

सौ प्रणिताताई देवरे-चिखलीकर या उच्च शिक्षित असून प्रशासकीय सेवेतील अधिकारी/ अप्पर जिल्हाधिकारी श्री पंकजजी देवरे साहेब यांच्या अर्धांगिनी आहेत. एका सधन, सामंजस्य आणि मोठ्या कुटुंबात राहून ही प्रणिताताई यांची समाजसेवेची आवड, राजकारणातील सर्व सामान्यांपर्यंत सत्ता पोहोचावी- हा त्यांचा विचार आणि एकंदरीत शेतकरी महिला/ बालकुटुंब आणि त्यांच्या चिखलीकर परिवाराचे जनतेशी असलेले नाते त्यांनी अतिशय दृढ करण्याचा प्रयत्न केलेला आहे.

नांदेड जिल्ह्याचे नेते, माजी खासदार व विद्यमान आमदार श्री प्रतापराव पाटील चिखलीकर साहेब यांच्या सारखेच काम करण्याची हातोटी आणि जनमानसात असणारी लोकप्रियता तसेच विविध प्रसंगी जनतेच्या हाकेला ओ देऊन काम करण्याची पद्धती. या त्यांच्या गुण वैशिष्ट्यांमुळे आणि काम करण्याची सकारात्मक शैली तसेच अविरत प्रवास आणि अथक परिश्रम हे त्यांचे स्वभाव वैशिष्ट्ये म्हणावे लागेल.

राजकीय क्षेत्रातून कामे करीत असताना प्रशासनावर त्यांची मजबूत पकड आहे. त्या विविध सामाजिक चळवळी मधून काम करीत असतात. महिलांसाठी मेळावे, महिलांसाठी आरोग्य जनजागृती, वृक्षारोपण, पाणी फाउंडेशन आणि आधुनिक शेती यामध्ये महिलांचा वाढता सहभाग, ई. बरोबर प्रशासकीय योजनांच्या माध्यमातून आणि विविध प्रशासकीय विभागांच्या कल्याणकारी योजनांच्या माध्यमातून त्या सतत जनतेचे कामे करीत सर्वसामान्यांचा विकास व्हावा यासाठी ध्येयरत राहणाऱ्या नेत्या आहेत.

नांदेड जिल्ह्यातील सर्वांना सद्भावनेने वागणूक देणाऱ्या महिला नेत्या म्हणून त्यांचा विशेष नावलौकिक आहे. समाज, प्रशासन, राजकारण, आप्त नातेवाईक आणि समाजशील घटकांशी त्यांचे असणारे सौदाह्य पूर्ण वागणे यातून नांदेड जिल्ह्यातील अतिशय सोज्वळ -घरंदाज- सुसंयमी आणि एक वैभवी महिला नेतृत्व म्हणून त्या उदयास आलेल्या आहेत. जिल्ह्यातील एक महिला नेतृत्व म्हणून सर्व बाबतीत केलेले कार्य, कोरोणा च्या वैश्विक महामारीत केलेले कार्य आणि विविध सामाजिक आणि शैक्षणिक आघाड्यावरील त्यांनी केलेले कार्य अतिशय उल्लेखनीय आहे. नांदेड जिल्ह्यातील एक प्रतिभासंपन्न आणि समाजाभिमुख महिला नेतृत्व म्हणून सौ. प्रणिताताई देवरे-चिखलीकर यांचे सामाजिक कार्य दिवसेंदिवस असेच वृद्धिंगत होत राहो. जागतिक महिला दिवसानिमित्त जिल्ह्यातील सर्व कार्यमग्न आणि स्त्री शक्ती यांना वंदन करून अतिशय मनःपूर्वक शुभेच्छा.

स्त्री शक्ती कायमच उदात्त भावनेने सामाजिक आणि सर्वार्थाने या सृष्टीची सृजनात्मक शक्ती म्हणून आजपर्यंत अस्तित्वात आहे, आणि येत्या काळातही विविध आव्हानात्मक भूमिकेमध्ये स्त्री शक्तीचा जागर सर्वतोपरी ऊजागर आहे. जागतिक महिला दिनानिमित्त सर्व क्षेत्रातील आघाडीवर आणि कार्यरत सर्व महिलांना शुभेच्छा….!

शिवगर्जना न्यूज {9923072242}

🔴 बातम्या व जाहिराती वरील नंबर वर स्वीकारले जातील…