🔴 दहावीच्या विद्यार्थ्यांचा निरोप समारंभ संपन्न.

🔴 कै.रामलू शाळेत दहावीच्या विद्यार्थ्यांचा निरोप समारंभ संपन्न. 

शिवगर्जना न्यूज, 

कुंडलवाडी (सिध्दार्थ कांबळे)

येथील के. रामलु पब्लिक स्कूल या शाळेत वर्ग नववीच्या विद्यार्थ्यांकडून वर्ग दहावीच्या विद्यार्थ्यांना निरोप देण्यात आले. 

या कार्यक्रमाचे अध्यक्ष ठक्करवाड जिल्हा परिषद सदस्य तथा भाजपा जिल्हा सरचिटणीस, साईनाथ उत्तरवार सामाजिक कार्यकर्ते तथा प्रतिष्ठित व्यापारी, एन.जी.वाघमोडे जेष्ठ पत्रकार मा. मुख्याध्यापक मिलिंद विद्यालय कुंडलवाडी, पत्रकार प्रा.डॉ.माधव हळदेकर, पत्रकार वसंत मदीकुंटावर, संभाजी शेळके मा.सदस्य पंचायत समिती बिलोली बाबारावजी संगनोड, शंकर गंगुलवार स.शिक्षक इत्यादी सर्व मान्यवर व्यासपीठावर उपस्थित होते. प्रमुख पाहुण्यांच्या हस्ते प्रथम कार्यक्रमात विद्येची आराध्य देवता माता सरस्वतीच्या प्रतिमेचे पूजन करून कार्यक्रमास सुरुवात झाली. शाळेचे प्राचार्य संजय शेळके यांच्या प्रास्ताविकानंतर विद्यार्थी प्रतिनिधी स्वरूपात वर्ग दहावीतील विद्यार्थी ईश्वरी लाकडे, सादिया शेख,आयन शेख, यांनी आपले मनोगत मांडले तर वर्गशिक्षक उमाकांत कुलकर्णी, रमेश कासलोड व स.शि.भूषण कोलंबरे, संध्या पाठक, विजय दावलबाजे यांनी विद्यार्थ्यांना मार्गदर्शन केले व त्यांच्या पुढील परीक्षेसाठी शुभेच्छा दिल्या. 

यावेळी कार्यक्रमाचे अध्यक्षांनी विद्यार्थ्यांनी आई-वडिलांची सेवा करावी आणि त्यांना वृद्धाश्रमात पाठवू नये असे मोलाचे मार्गदर्शन केले. कार्यक्रमात शेवटी वर्ग दहावीच्या विद्यार्थ्यांकडून सर्व शिक्षक व शिक्षकेतर कर्मचारी यांना भेटवस्तू देण्यात आले आणि तसेच शाळेकडून सुद्धा विद्यार्थ्यांना परीक्षेच्या शुभेच्छा आणि सोबतच शैक्षणिक भेटवस्तू देण्यात आले. 

या कार्यक्रमाचे सूत्रसंचालन वर्ग नववीचे विद्यार्थीनींनी श्रावणी कत्रुवार हंसिका नरवाड यांनी केले. यावेळी शाळेचे संस्थापक अध्यक्ष सायरेड्डी ठक्कूरवार सचिव यशवंत संगमवार संचालिका रमा ठक्कूरवार प्राचार्य संजय शेळके हे उपस्थित होते. तर हा कार्यक्रम यशस्वी होण्यासाठी शाळेतील सर्व शिक्षक व शिक्षकेतर कर्मचाऱ्यांनी परिश्र म घेतले.