🔴 शिवसेना (शिंदे गट) देगलूर तालुकाध्यक्ष पदी उज्वल कुमार पालेकर यांची निवड.

🔴 शिवसेना (शिंदे गट) देगलूर तालुकाध्यक्ष पदी उज्वल कुमार पालेकर यांची निवड

शिवगर्जना न्यूज, 

देगलूर:- प्रतिनिधी

शिवसेना (शिंदे गट) नांदेड जिल्ह्याच्या वतीने आयोजित आढावा बैठकीत पक्षाच्या संघटनात्मक बांधणीला गती देण्यात आली. यावेळी शिवसेना नांदेड जिल्हा प्रमुख श्री. उमेश मुंढे व जिल्हाध्यक्ष (SC, ST, OBC विभाग) यांच्या मार्गदर्शनाखाली देगलूर तालुका (अनुसूचित जाती विभाग) अध्यक्ष म्हणून उज्वल कुमार सटवाजी पालेकर यांची अधिकृत निवड करण्यात आली आहे.

२१ मार्च २०२६ रोजी पार पडलेल्या या बैठकीत नवनिर्वाचित अध्यक्षांना नियुक्ती पत्र देऊन त्यांचा सन्मान करण्यात आला. पालेकर यांच्या निवडीमुळे देगलूर तालुक्यात पक्षाची विशेषतः अनुसूचित जाती विभागात पकड अधिक मजबूत होईल, असा विश्वास जिल्हा नेतृत्वाने व्यक्त केला आहे.

या प्रसंगी शिवसेना नांदेड जिल्हा उपप्रमुख व्यंकटराव पाटील खतगावकर, देगलूर तालुका प्रमुख गंगाधर तमलूरकर, शहर प्रमुख व्यंकटराव पुरमवार, जिल्हा सचिव (OBC विभाग) दत्ता पाटील कोकणे, तालुका संघटक रंगरावजी जाधव, हणेगाव सर्कल प्रमुख विठ्ठलराव नरुचे, शाखा प्रमुख रवीजी भाले यांच्यासह शिवसेनेचे असंख्य पदाधिकारी आणि शिवसैनिक मोठ्या संख्येने उपस्थित होते.

उज्वल कुमार पालेकर यांच्या निवडी बद्दल सर्व स्तरांतून त्यांचे अभिनंदन होत असून, आगामी काळात तालुक्यात पक्षाचे कार्य घराघरांत पोहोचवण्याचा निर्धार त्यांनी व्यक्त केला आहे.

शिवगर्जना न्यूज : चॅयनल, पोर्टल संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)