🛑 नवोदय परीक्षेत ईगल इंग्लिश स्कूल, सर्वसाधारण मधून जिल्ह्यात प्रथम.

🔴 नवोदय परीक्षेत ईगल इंग्लिश स्कूल, सर्वसाधारण मधून जिल्ह्यात प्रथम. 

शिवगर्जना न्यूज, 

नायगाव : बाळासाहेब पांडे

नायगाव तालुक्यातील रातोळी येथील ईगल इंग्लिश स्कूलचा विद्यार्थी शिंदे गुरुप्रसाद मोतीराम याने आपल्या उल्लेखनीय यशाने जवाहर नवोदय विद्यालय परीक्षेत सर्वसाधारण गटातून ग्रामीण भागातून जिल्ह्यात प्रथम येऊन संपूर्ण जिल्ह्याचे लक्ष वेधून घेतले आहे. त्याचे व शाळेचे सर्वत्र अभिनंदन होत आहे.

नुकत्याच जाहीर झालेल्या निकालात गुरुप्रसादने जिल्ह्यात प्रथम क्रमांक पटकावत शाळेसह गावाचे नाव उज्ज्वल केले आहे. गुरुप्रसादच्या या यशामागे त्याची सातत्यपूर्ण मेहनत, अभ्यासातील चिकाटी आणि शिक्षकांचे मार्गदर्शन महत्त्वाचे ठरले. सुरुवाती पासूनच अभ्यासू व जिद्दी असलेल्या गुरुप्रसादने प्रत्येक विषयात उत्कृष्ट कामगिरी करत हे यश संपादन केले.

ईगल इंग्लिश स्कूलने यशाची परंपरा कायम ठेवली असून नुकत्याच झालेल्या सैनिक स्कूल प्रवेश परीक्षेत या शाळेचे दोन विद्यार्थी पात्र ठरले आहेत. गुरुप्रसाद मोतीराम शिंदे, विराज शिवाजी पाटील ही असून त्या पाठोपाठ नवोदय मध्ये तीन विद्यार्थी यशस्वी झाले असून विराज शिवाजी पाटील व आदित्य साखरे हे प्रतिक्षा यादीत आहेत.

या सर्व विद्यार्थ्यांना शाळेचे मुख्याध्यापिका सौ. विजया पद्माकर कुलकर्णी, शिक्षकवृंद वडजे सर, दस्तुरे सर, शेख मॅडम व मुख्य मार्गदर्शक सौ. अनुजा पाटील मॅडम तसेच संस्थेचे अध्यक्ष प्रा जे.डी. पाटील, सचिव प्राचार्य शिवाजी पाटील, प्रशासकीय प्रमुख सौ. अनुजा पाटील या सह पालकांनी विशेष कौतुक केले असून, भविष्यातही अशाच प्रकारे यशाची परंपरा कायम ठेवन्यासाठी, विश्वास व्यक्त केला आहे.

दरम्यान, गुरुप्रसादच्या या यशामुळे ईगल इंग्लिश स्कूल, रातोळीची शैक्षणिक गुणवत्ता पुन्हा एकदा अधोरेखित झाली असून रातोळी परिसरात आनंदाचे वातावरण निर्माण झाले आहे.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)