🛑 नरसी-नायगाव मार्गावर भीषण अपघात; एक ठार, सात गंभीर जखमी.

226

By Shahaji Warkhinde

August 13, 2026

🛑 नरसी-नायगाव मार्गावर भीषण अपघात; एक ठार, सात गंभीर जखमी.

शिवगर्जना न्यूज,

नायगाव प्रतिनिधी : परमेश्वर पाटील

नरसी-नायगाव रस्त्यावर गुरुवारी सकाळी झालेल्या भीषण अपघाताने बेशिस्त अटोरिक्षा वाहतुकीचा गंभीर प्रश्न पुन्हा ऐरणीवर आला आहे. ॲटोरिक्षा आणि ट्रकच्या धडकेत नरसी येथील शेख इस्माईल शेख मौलाना यांचा जागीच मृत्यू झाला, तर सात प्रवासी गंभीर जखमी झाले. या अपघातात दोन शेळ्यांचाही मृत्यू झाला. अपघाताची तीव्रता एवढी होती की अटोरिक्षाचा अक्षरशः चेंदामेंदा झाला आणि काही प्रवासी रिक्षामध्येच अडकून पडले होते.

सूत्रानुसार मिळालेली माहिती, एम.एच. २६ एन. ५७६७ क्रमांकाच्या ॲटोरिक्षातून आठ प्रवासी आणि दोन शेळ्या नरसीहून नायगावकडे येत होते. यावेळी पेट्रोल पंपाजवळ ए.पी. ३९ यू. ५८१९ क्रमांकाचा ट्रक डिझेल भरण्यासाठी जात असतांना भरधाव अटोरिक्षा ट्रकच्या मागील बाजूस जोरात धडकला. या अपघातात शेख इस्माईल शेख मौलाना यांचा मृत्यू झाला. यामध्ये अनिता साहेबराव शिंदे कुंटूर, गणेश इरवंत कंदूरके धानोरा, करण शिवाजी नरसी, किरण खंडू भेदे नरसी, संभाजी सूर्यकार डोणगाव, फारुख खाजामिया कुरेशी बेटमोगरा, शेख मगदूम नरसी हे गंभीर जखमी झाले आहेत. जखमींना नायगाव ग्रामीण रुग्णालयात प्राथमिक उपचार करून पुढील उपचारासाठी नांदेड येथील शासकीय रुग्णालयात हलविण्यात आले.

वाहतूक विभागाने तातडीने नरसी-नायगाव मार्गावरील सर्व अटोरिक्षांची तपासणी करून बेकायदेशीर वाहतूक करणाऱ्यांवर कठोर कारवाई करावी, अन्यथा अशा अपघातांची मालिका थांबणार नाही, अशी मागणी नागरिकांतून होत आहे.

🔴मुख्य संपादक: श्री शहाजी वरखिंडे

मो. 9923072242

Previous article

🛑 दुगाव श्रेयाचा राज्यस्तरीय भरारी; गुणवत्ता यादीत १४ वा क्रमांक स्वातंत्र्य दिनी पालक मंत्री यांच्या हस्ते गौरव.

Next article

🛑 साहित्यिकांची मांदियाळी, कर्तृत्वाचा गौरव; सिंधुदुर्गनगरीत रंगला दिमाखदार सोहळा

Shahaji Warkhinde

ताज्या बातम्या

ताज्या बातम्या