🛑 टेंभुर्णी येथील गावकऱ्यांनीच केले आयुष्यमान आरोग्य मंदिराचे उद्घाटन.

🔴 नांदेड जिल्ह्यातील नायगाव तालुक्यातील टेंभुर्णी येथील गावकऱ्यांनीच केले आयुष्यमान आरोग्य मंदिराचे उद्घाटन.

शिवगर्जना न्यूज,
नांदेड प्रतिनिधी निळकंठ जाधव

नांदेड जिल्ह्यातील नायगाव तालुक्यातील- आरोग्य सेवेला गांभीर्याने न घेता लोकप्रतिनिधी व प्रशासनाने वारंवार दिरंगाई केल्यामुळे शासनाचे लाखो रुपये खर्चून बांधलेले टेंभुर्णी उपकेंद्राची नवीन इमारत धुळखात पडलेली होती.चार महिन्यापूर्वी २६ सप्टेंबर २०२५ रोजी मांजरम गावातील तरुणांनी पुढाकार घेऊन प्राथमिक आरोग्य केंद्राचे उद्घाटन केले होते. कदाचित हाच पॅटर्न लक्षात ठेवून काल प्रजासत्ताक दिनी प्रशासनाला जबरदस्त चपराक देण्यासाठी लोकप्रतिनिधी व प्रशासनाला नुमानता टेंभुर्णी उपकेंद्र आरोग्य मंदिराचे उद्घाटन अखेर गावकऱ्यांनीच केले. या घटनेची चर्चा सध्या तालुक्यामध्ये जोरात चालू आहे.

राष्ट्रीय स्वास्थ मिशन अंतर्गत टेंभुर्णी येथे सार्वजनिक आरोग्य विभागाच्या वतीने लाखो रुपये खर्चून आयुष्यमान आरोग्य मंदिराचे बांधकाम करण्यात आले होते. सत्ताधारी लोकप्रतिनिधी व प्रशासरांनी ही इमारत रुग्णांसाठी खुली करून द्यायला हवी होती परंतु तसे न होता या उप केंद्राची सेवा गावातच असलेल्या बौद्ध विहारांमध्ये देण्यात येत होती. गावातील सरपंच व गावकऱ्यांना ही गोष्ट कित्येक दिवसा पासून माहित होती परंतु प्रशासन आज नाव द्या रुग्णांसाठी हे इमारत खुली करून देईल अशी आशा गावकऱ्यांना वाटत होती. लोकप्रतिनिधी ची एकाधिकारशाही आणि प्रशासनाचा ताळमेळ जुळण्यामध्ये गावातील रुग्णांची हेळसांड होत होती. गावकरी ते रावकरी या म्हणी प्रमाणे कित्येक दिवस व महिने वाट पाहिल्या नंतर अखेर गावकऱ्यांनीच सर्वांच्या संमतीने काल भारताच्या ७७ व्या प्रजासत्ताक दिनानिमित्त या नवीन आयुष्यमान आरोग्य मंदिराचे उद्घाटन केले.

मांजरम सर्कल मधील ही दुसरी घटना असून जनतेनेच जणू शासनाच्या विविध इमारत उद्घाटनाचा धडका चालू केला की काय असे असे चित्र सध्यातरी मांजरम सरकारमध्ये पहावयास दिसत आहे.या दोन्ही घटनेतून लोकप्रतिनिधी आणि प्रशासनाने काहीतरी धडा घेतला पाहिजे अशी ही चर्चा सध्या गावकऱ्यांमध्ये चालू आहे.

शिवगर्जना न्यूज संपादक : श्री शहाजी वरखिंडे
बातम्या व जाहिरातीसाठी संपर्क 🗣📲📞
(9923072242)