🛑पूरग्रस्त शेतकऱ्यांना आर्थिक मदत करून दिलासा द्यावा — शिवराज पा.होटाळकर

🔴 पूर परिस्थितीत अडचणीत सापडलेल्या शेतकऱ्यांना मदत करून दिलासा द्यावा; अजित दादा, व कृषी मंत्री भरणे यांच्या कडे राष्ट्रवादी चे जिल्हाध्यक्ष शिवराज पा. होटाळकराची मागणी. 

शिवगर्जना न्यूज, 

बाळासाहेब पांडे, 

नायगाव : नायगाव तालुक्यासह नांदेड जिल्ह्यातील शेतकरी अतिवृष्टी व पूरस्थितीमुळे मोठ्या संकटात सापडले आहेत. गेल्या चार ते पाच वर्षां पासून पूर वादळामुळे शेतकऱ्यांचे प्रचंड नुकसान झाले असून त्यांना सरकारकडून योग्य तो दिलासा मिळत नसल्याची खंत शेतकऱ्यांनी व्यक्त केली आहे. या साठी तात्काळ मदत देऊन शेतकऱ्यांना दिलासा द्यावा अशी मागणी निवेदनातून करण्यात आली आहे. 

या संदर्भात मा. आमदार प्रताप पाटील चिखलीकर यांच्या नेतृत्वात राष्ट्रवादी काँग्रेस पक्षाचे जिल्हाध्यक्ष शिवराज पाटील होटाळकर यांनी उपमुख्यमंत्री अजीतदादा पवार, कृषी मंत्री दत्ता भरणे यांना निवेदन दिले आहे. नायगाव तालुक्यातील गावठाण नदी व शेतकऱ्यांच्या शेतीतील बांधकामे पाण्याखाली जात असल्याने शेतकरी आर्थिक संकटात सापडले आहेत. पिकांच्या विम्यासह शंभर टक्के नुकसानग्रस्त शेतकऱ्यांना तात्काळ मदत देण्यात यावी, अशी मागणी करण्यात आली आहे.

पत्रकात असेही नमूद करण्यात आले आहे की, २०२३-२४ व २०२४-२५ या हंगामात शेतकऱ्यांना पूर्ण पिक विमा मिळाला नाही. त्यामुळे शेतकऱ्यांना तातडीने आर्थिक मदत करावी, कर्जमाफी तसेच विशेष पॅकेज जाहीर करून दिलासा द्यावा. शेतकऱ्यांच्या पूर व अतिवृष्टीतील नुकसानीची तातडीने दखल घेऊन नुकसानग्रस्त शेतकऱ्यांना मदत करावी, अन्यथा आंदोलनाचा इशारा देण्यात आला आहे. या वेळी, माजी कृषी मंत्री माणिकराव कोकाटे, माजी आमदार अविनाश घाटे, माजी आमदार सुभाष साबणे, दिलीपराव धर्माधिकारी, हजर होते.

शिवगर्जना न्यूज संपादक : श्री शहाजी वरखिंडे  बातम्या व जाहिराती साठी संपर्क 🗣📲📞(9923072242)