🛑 माधवराव रेडेवाड हे ‘शिक्षक रत्न नागरी पुरस्काराने सन्मानित.

16

By Shahaji Warkhinde

September 7, 2025

🔴 माधवराव रेडेवाड ‘शिक्षक रत्न नागरी पुरस्काराने सन्मानित.

शिवगर्जना न्यूज,

बाळासाहेब पांडे

नायगाव : राष्ट्रीय शिक्षक दिनानिमित्त महात्मा जोतीराव फुले शिक्षण परिषद, महाराष्ट्र राज्य आयोजित शिक्षक गौरव सोहळा कुसुम सभागृह, नांदेड येथे मोठ्या उत्साहात पार पडला. परिवर्तनवादी चळवळीचे भाष्यकार, विचारवंत तथा माजी खासदार ब्रिगेडियर सुधीर सावंत यांच्या अध्यक्षतेखाली झालेल्या या सोहळ्यात माधवराव रेडेवाड यांना ‘शिक्षकरत्न नागरी पुरस्काराने’ सन्मानित करण्यात आले.

३३ वर्षां पासून अध्यापन क्षेत्रात कार्यरत राहून विद्यार्थ्यांच्या सर्वांगीण विकासासाठी उल्लेखनीय योगदान देणारे, पालक-शिक्षक-प्रशासन यांच्यात समन्वय साधणारे तसेच सामाजिक क्षेत्रात मोलाचे कार्य करणारे माधवराव रेडेवाड यांचा मान्यवरांच्या हस्ते मानपत्र व सन्मानचिन्ह प्रदान करून सपत्नीक गौरव करण्यात आला.

या प्रसंगी शिक्षणाधिकारी हिंगोली प्रशांत दिग्रसकर यांनी प्रत्यक्ष उपस्थित राहून “एका धडपडणाऱ्या शिक्षकाचा यथोचित सन्मान झाल्याचा आनंद आहे” अशी भावना व्यक्त केली. तसेच नांदेड शिक्षणाधिकारी दिलीपकुमार बनसोडे व शिक्षणाधिकारी (मा.) सलगर यांनीही शुभेच्छा दिल्या.

गौरव सोहळ्यास सामाजिक, राजकीय, कृषी, वैद्यकीय, शैक्षणिक व साहित्य क्षेत्रातील मान्यवरांसह चंद्रकांत गुंगेवाड, पिता विठ्ठलराव रेडेवाड, किशनराव सोने, डॉ. बालाजी आदमपूरकर, रमेश पिठ्ठलवाड, वसंतराव कलंबरकर, बाळासाहेब उरगुलवाड, डॉ. हणमंत मेकेवाड, तसेच असंख्य स्नेही उपस्थित होते.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)

Previous article

🛑 कु.शुभदा दरबस्तेवार विभागीय निबंध स्पर्धेत सर्वतृतीय.

Next article

🛑 कोलंबी येथील शंकरराव चव्हाण विद्यालयात शिक्षक दिन साजरा.

Shahaji Warkhinde

ताज्या बातम्या

ताज्या बातम्या