🛑 कु.शुभदा दरबस्तेवार विभागीय निबंध स्पर्धेत सर्वतृतीय.

🔴 कु.शुभदा दरबस्तेवार विभागीय निबंध स्पर्धेत सर्व तृतीय. 

शिवगर्जना न्यूज, 

कुंडलवाडी (सिध्दार्थ कांबळे) 

१५ ऑगस्ट २०२५ स्वातंत्र्य दिनाचे औचित्य साधून दर वर्षी प्रमाणे यंदाही स्व.श्री. शिवलालजी राठी स्मृती प्रतिष्ठान व श्री. हरिकिशनजी बजाज मेमोरियल माहेश्वरी शिक्षण विकास संस्था यांच्या संयुक्त विद्यमाने आयोजित विभागीय निबंध स्पर्धेत राजाराम काकांनी सहकार विद्या मंदिर या शाळेतील इयत्ता ९ वी ची विद्यार्थिनी कु. शुभदा सुभाष दरबस्तेवार या विद्यार्थिनीने तृतीय क्रमांक मिळवत स्तुत्य कामगिरी केली. “भारताला विश्वगुरु बनवण्यासाठी आपले कर्तव्य आणि जबाबदारी” ह्या विषयावर तिने आपले मत मांडले. ४२५ स्पर्धकांपैकी तिने पटकावलेला हा यश स्तुत्य आहे. तसेच आयोजकांतर्फे आयोजित शाळा निहाय स्पर्धेत यशस्वीतामध्ये कु. ऐश्वर्या भास्कर परसुरे प्रथम, कु. शुभदा सुभाष दरबस्तेवार द्वितीय तर कु. श्रावणी दीपक ढगे हिने तृतीय क्रमांक मिळवला. 

राजाराम काकाणी सहकार विद्या मंदिर, धर्माबादच्या विद्यार्थिनींनी विभागीय निबंध स्पर्धेत मिळवलेल्या उल्लेखनीय यशामुळे संपूर्ण धर्माबाद शहरात त्यांचे कौतुक होत आहे. या कामगिरीमुळे विद्यालयाची शैक्षणिक गुणवत्ता, विद्यार्थ्यांची प्रतिभा आणि शिक्षकांचे मार्गदर्शन यांचा उत्तम संगम पुनः एकदा अधोरेखित झाला आहे असे प्रतिपादन शाळेचे व्यवस्थापकीय संचालक श्री. सुबोधजी काकाणी यांनी केले. 

विद्यालयाचे प्राचार्य, शिक्षकवृंद व पालकांनी विद्यार्थिनींच्या या उज्ज्वल कामगिरीबद्दल हार्दिक अभिनंदन केले. 

सदरील विभागीय निबंध स्पर्धेत विजेत्यांना अनुक्रमे प्रथम रु ३१००/-, द्वितीय रुपये २१००/- व तृतीय रुपये ११००/- रुपये रोख पारितोषिक आणि प्रमाणपत्र देण्यात येणार आहे. तसेच केंद्र निहाय विजेत्यांना ही विशेष बक्षिसांची तरतूद करण्यास आली. सर्व स्पर्धकांना सहभाग प्रमाणपत्र देऊन प्रोत्साहित करण्यात येणार आहे. या स्पर्धेत राजाराम काकाणी सहकार विद्या मंदिर या शाळेचे सुमारे ८१ विद्यार्थी सहभागी झाले होते.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)