🛑 पालकमंत्री अतुल सावे यांचा दौरा हरनाळी,नागणी पूरग्रस्तांसाठी निराशाजनक.

🔴 पालकमंत्री अतुल सावे यांचा दौरा हरनाळी,नागणी गावच्या पूरग्रस्तांसाठी निराशाजनक. 

शिवगर्जना न्यूज, 

कुंडलवाडी (सिध्दार्थ कांबळे) 

बिलोली तालुक्यातील अनेक भागांमध्ये मोठ्या प्रमाणात अतिवृष्टी झाल्याने ग्रामीण भागातील हजारो हेक्टर जमीन पाण्याखाली गेली असून शेतकऱ्यांच्या पिकांचे मोठ्या प्रमाणात नुकसान झाले आहे. आणि शेकडो लोकांचे घरांमध्ये पाणी शिरल्यामुळे अनेकांचे संसार बेघर झाले असून यामध्ये हरनाळी, नागणी येथील रहिवासी आहेत. नागणी मांजरा नदीच्या पुलावरुन पाणी जात असल्यामुळे महसूल प्रशासनाने ग्रामीण भागातील नागरिकांना सतर्कतेचा इशारा दिला आहे. तर यामध्ये काही गावांचा संपर्क तुटला असून ज्या गावांचा संपर्क तुटला आहे. अशा पूरग्रस्तांना महसूल प्रशासन व पोलीस प्रशासनाच्या मदतीने दि. २८ जुलै रोजी कुंडलवाडी शहरातील के. रामलू मंगल कार्यालय येथे स्थलांतरित करण्यात आले आहे. स्थलांतरित करण्यात आलेल्या पूरग्रस्तांना जेवणाची व्यवस्था शहरातील सामाजिक कार्य करणारे दानशूर व्यक्ती यांच्याकडून व्यवस्था करण्यात आली. स्थलांतरीत झालेल्या पूरग्रस्तांना भेटण्यासाठी नांदेड जिल्ह्याचे पालकमंत्री अतुल सावे यांनी दि.२९ जुलै रोजी कुंडलवाडी शहराचा दौरा करून के.रामलू मंगल कार्यालय येथे येऊन पूरग्रस्तांना भेटले खरे मात्र पूरग्रस्तांच्या नेमक्या समस्या कोणत्या आहेत. हे ऐकून घेण्यासाठी नांदेड जिल्ह्याच्या पालकमंत्र्याकडे पंधरा मिनिटांचा सुद्धा वेळ नसल्यामुळे पूरग्रस्तांमध्ये मोठ्या प्रमाणात नाराजी पहावयास मिळाली असून यामध्ये अनेक पूरग्रस्त महिला पालकमंत्र्याच्या दौऱ्यावर नाराजगी व्यक्त केल्याचे दिसून आले आहे. 

कुंडलवाडी शहरातील जनसामान्य नागरिकांमधून पालकमंत्र्यांचा दौरा म्हणजे उंटावर बसून शेळ्या हाकण्यासारखा प्रकार झाला आहे. अशी प्रतिक्रिया अनेकांच्या बोलण्यातून ऐकावयास मिळाली आहे.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)