🛑 खतगावात मोटर सायकल चोर पोलिसांच्या ताब्यात.

🔴खतगावात मोटर सायकल चोर पोलिसांच्या ताब्यात. 

रामतीर्थ पोलिसांची मोठी कारवाई आरोपीसह ९ चोरीच्या मोटरसायकली जप्त. 

शिवगर्जना न्यूज, 

बिलोली प्रतीनीधी विलास शेरे 

बिलोली तालुक्यातील खतगाव येथे रामतीर्थ पोलिसांनी गुप्त माहितीच्या आधारे एका आरोपीच्या घरासमोर चोरीच्या मोटरसायकली असल्याच्या माहितीवरून धाड टाकून आरोपीसह ९ मोटरसायकल या जप्त करीत मोठी कामगिरी केली आहे. 

नांदेड जिल्हा पोलीस अधीक्षक अविनाश कुमार यांनी संपूर्ण नांदेड जिल्ह्यात ऑपरेशन फ्लश आऊट अंतर्गत पोलीस स्टेशन स्तरावर मोहीम राबवून चोरिच्या अगर विना कागदपत्र मोटार सायकल वर कार्यवाही करणे बाबत सर्व पो.स्टे. प्रभारी अधिकारी यांना आदेशीत केले होते. त्या अनुषंगाने १० रोजी रामतीर्थ पोलीस ठाण्याचे सहाय्यक पोलीस निरीक्षक विक्रम हराळे यांनी पो.स्टे. चे स.पो.उप.नि. श्यामसुंदर भवानगिरकर, आदमपूर बीट जमादार रामचंद्र काळे, पोलीस शिपाई अशोक यरपलवाड यांना पोलीस स्टेशन हद्दीत चोरीच्या अगर विना कागदपत्रे मोटार सायकलचा शोध घेऊन कार्यवाही करणे बाबत आदेश देऊन आदमपूर बीट हद्दीत रवाना केले. त्यावरुन पो.स्टे हद्दीत पेट्रोलींग करित असतांना गुप्त बातमीदारा मार्फत माहीती वरून आरोपी हानमंत अचुतराव वडेट्टीवार रा. खतगाव याचे ताब्यात त्याचे राहते घरासमोर ९ मोटार सायकल असुन त्या मोटार सायकली संशयीत आहेत. अशी माहीती वरुन दोन पंचा सह हणमंत अचूतवार, वडेटीवार याचे घरी छापा टाकून कार्यवाही केली असता तेथे आरटीओ पासींग नंबर नसलेल्या ९ मोटार सायकली मिळुन आल्या. सदर मोटार सायकल बाबत हानमंत अचुतराव वडेटीवार याचेकडे विचारपुस केली असता त्याचेकडे वाहनाचे कागदपत्र मिळुन आले नाही व मालकी हक्क संबधाने विचारपुस केली असता आरोपीने समाधानकारक उत्तर दिले नाही. सदर आरोपीने सदर मोटार सायकली चोरून अगर लबाडीने आणल्या आसाव्यात अशी खात्री झाल्याने त्याचे विरूध्द महाराष्ट्र पोलीस अधिनीयम कलम १२४ प्रमाणे गुन्हा दाखल करून एकुण ६,८५,००० रुपयाचा चा मुद्देमाल असलेले सदर ९ मोटारसायकल जप्त करण्यात आलेल्या आहेत. सदर जप्त मोटार सायकल यांची आरटीओ कडुन अधिक माहीती घेतली असता त्या मोटार सायकल तेलंगाणा राज्यातील असल्याचे समजले आहे. वरील पोलीस अधिकारी व अंमलदार यांनी केलेल्या उत्कृष्ट कामगीरीचे नांदेड जिल्हा पोलीस अधीक्षक अबिनाश कुमार यांनी कारवाई करणाऱ्या पोलीस अधिकारी व कर्मचारी यांचे कौतुक केले आहे.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)