🛑 डॉ निलेश बास्टेवाड यांचा भाजपामध्ये जाहीर प्रवेश.

🔴 डॉ निलेश बास्टेवाड यांचा भाजपामध्ये जाहीर प्रवेश. 

शिवगर्जना न्यूज, 

मराठवाडा प्रतिनिधी/ निळकंठ जाधव 

येथील टॉप परफॉर्मिंग हॉस्पिटल असलेल्या रेणुकाई मल्टी स्पेशलिटी संचालक डॉ. निलेश बास्टेवाड यांचा भाजपा मध्ये पक्ष प्रवेश राज्याचे माजी मुख्यमंत्री तथा खा.अशोकराव चव्हाण तसेच महानगराध्यक्ष अमर राजूरकर, भगवती हॉस्पिटल संचालक डॉ. अंकुश देवसरकर, भाजपा ज्येष्ठ नेते बालाजी बच्चेवार यांच्या प्रमुख उपस्थितीत खासदार चव्हाण यांच्या निवास स्थानी पार पडला. यावेळी डॉ. निलेश यांनी त्यांच्या डॉक्टर व सामाजिक कार्यकर्ते असलेल्या मित्र मंडळासमवेत भारतीय जनता पार्टी जाहीर प्रवेश केला. 

पक्ष पवेशाच्या निमित्ताने प्रतिक्रिया देतानी नमूद केले की, आपण रुग्ण सेवा सोबत च जनसेवा करण्याचं आपलं जे ब्रीद आहे ते कायम पक्षाची ध्येय धोरणे व देशाचे पंतप्रधान नरेंद्र मोदी यांच्या विकास कार्याची माहीती थेट जनतेच्या दरबारात पोहोचविण्याचे काम प्रामाणिक पणे करू अशी ग्वाही त्यांनी यावेळी उपस्थित दिली. 

डॉ. निलेश जयराम बास्टेवाड यांच्या समवेत डॉ. प्रशांत मेरगेवाड, डॉ.सोपान जाधव , डॉ. अरविंद जाधव, डॉ. संजय मोळके, डॉ. किरण खैराटकर, डॉ. धनंजय देवमाने, डॉ. इरबा तोटावाड व श्री. निलेश पल्लेवाड, संदिप जाधव, सचिन डाखोरे, रोहन चौधरी, शुभम मरेवार, अमोल मोहरे, दर्शन तोरणे, आकाश रुणवाल, ओमकार बंडलवाड, शुभम सांगळे यांच्यासह अनेक युवकांनी पक्ष प्रवेश केला. 

♦️वैद्यकीय क्षेत्रात काम करण्यासाठी अजूनही मोठ्या संधी खासदार अशोकराव चव्हाण. 

डॉ. निलेश यांच्या पक्ष प्रवेशावेळी बोलताना मा. मुख्यमंत्री अशोकराव चव्हाण बोलतांना नांदेड येथील वैद्यकीय क्षेत्रात काम करण्यासारखं खूप काही असून येथील डॉक्टर करत असलेले कार्य हे खूप मोलाच आहे. मोठ्या शहराच्या धर्तीवर अजूनही अद्यावत वैद्यकीय सेवा सुविधा शहरांमध्ये उपलब्ध व्हाव्यात व त्यासाठी शासनाचा दुवा म्हणून आपण काम करू व वैद्यकीय क्षेत्रातील येणाऱ्या अडचणी व येथे लागणाऱ्या विविध सुविधा करीता मदत आपण आपल्या परीने करत राहू. 

♦️शासकीय रुग्णालयात सुपर स्पेशालिटी हॉस्पिटल उभारणीसाठी प्रयत्न. 

नांदेडमध्ये सुपर स्पेशालिटी हॉस्पिटल, कॅन्सर हॉस्पिटल, ट्रॉमा केअर व बर्न युनिट उभारण्यासाठी माजी मुख्यमंत्री खा. अशोकराव चव्हाण यांनी केंद्र व राज्य सरकारकडे मागणी केली आहे. त्यांनी या संदर्भात केंद्रीय आरोग्यमंत्री जे.पी. नड्डा यांची भेट घेऊन सकारात्मक चर्चा केली आहे. या प्रकल्पामुळे नांदेडसह आसपासच्या जिल्हे व राज्यांतील रुग्णांना आधुनिक आरोग्य सुविधा मिळणार आहेत. या बाबत रीतसर निवेदन त्यांनी राज्य व केंद्र सरकार आदींना दिले आहे व शासनाच्या वतीने त्याला सकारात्मक बाब म्हणून स्वीकार केलेला आहे व त्यासही येत्या काही दिवसांमध्ये हिरवा कंदील मिळण्याची शक्यता यावेळी त्यांनी बोलून दाखवली. 

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)