🔴 देगलूर येथे लोकराजा छत्रपती शाहु महाराज यांची जयंती उत्साहात साजरी.

🔴 देगलूर येथे लोक राजा छत्रपती शाहु महाराज यांची जयंती उत्साहात साजरी. 

शिवगर्जना न्यूज, 

देगलूर प्रतिनिधी (9923072242) 

दिनांक २६ ०६/२०२५ रोजी देगलूर येथे नगरेश्वर मंदिर येथे राजर्षी शाहू महाराज यांची १५१ वी जयंती मोठ्या उत्साहात साजरी करण्यात आली. सुरुवातीस प्रमुख पाहुण्यांच्या हस्ते छत्रपती शाहु महाराज यांच्या प्रतिमेचे पुजन करण्यात आले. डॉ.सुनील जाधव यांनी जिजाऊ वंदना गायन करून मानवंदना देऊन अभिवादन करण्यात आले. प्रमुख वक्ते मधुकर महाराज बारूळकर, प्रमुख पाहुणे उपजिल्हाधिकारी अनुप पाटील, मुख्याधिकारी निलम कांबळे यांचे स्वागत करण्यात आले. अध्यक्ष स्थान उपजिल्हाधिकारी अनुप पाटील यांनी भुषविले.

यावेळी प्रमुख वक्ते मधुकर महाराज बारूळकर यांनी बोलते वेळेस सांगितले आताची सरकार रेशन दोन किलो मोफत देते पण शिक्षण मात्र पैशाने घ्यावे लागते. ज्यांच्याकडे पैसा आहे तीच व्यक्ती शिक्षण घेऊ शकेल अशी परिस्थिती आज तयार झालेली आहे. ही विचारधारा छत्रपती शाहू महाराजांच्या विचाराची नाही तर विचाराच्या विरोधातली आहे. आपले मित्र कोण शत्रू कोण हे आपण आजच्या दिवशी ओळखले पाहिजे. प्राथमिक शिक्षण सक्तीचे करून आपल्या पाल्याला शाळेत न पाठवणाऱ्या पालकांना दंड आकारण्यात येत असे. शिक्षण किती महत्त्वाचे व आवश्यक आहे ते शाहू महाराजांनी २० व्या शतकात कृतीतून करून दाखवलं. आताच शिक्षण आर्थिक दृष्टीने महाग व विकत घेतले जात असून शिक्षणाचे बाजारीकरण होत आहे ते रोखणे आवश्यक आहे असं यावेळी बारुळकर महाराज यांनी व्याख्यानातुन व्यक्त केले. 

यावेळी प्रमुख उपस्थिती डॉ. विनायक मुंडे, डॉ. उत्तम इंगोले, डॉ. पुजा गायकवाड, धोंडिबा कांबळे, मच्छिंद्र गवाले, विट्ठल रेड्डी, गोपाळ टेंबुर्ने, उत्तम वाडेकर, पंडित वाघमारे, दयानंद सुर्यवंशी, व्यंकट कांबळे, पुंडलिक टोके, प्रकाश बनाटे, ॲड रमेश जाधव, डॉ. सुनील जाधव, संजय कांबळे, बालाजी जाधव, जेजेराव पा. शिंदे, कैलास येसगे, दत्ता कोकणे, गौतम वाघमारे, संजय जोशी, सय्यद बाशी, इंजि कासिम सर, पी.कांबळे, निशिकांत कांबळे, सुर्यकांत सुवर्णकार, दाऊबे, अजय लोणे सह साधना हायस्कुल व सावित्रीबाई फुले हायस्कुल विद्यार्थी व शिक्षक उपस्थित होते. 

अध्यक्षीय भाषणात उपजिल्हाधिकारी अनुप पाटील यांनी शाहु महाराजांनी आपल्या कार्यकाळात जनतेच्या अडचणी जाणुन सोडवल्या, आरक्षण देण्याची पहिली कार्यवाही केली. विद्यार्थ्याना वस्तीगृह आदी सोयी देण्याचे काम केले, शेतकरी गोरगरीब वंचित लोकाना सुख सोयी च्या प्रवाहात आणण्याचे अनमोल कार्य, शिक्षण विषयक धोरणांवर सखोल संबोधन केले. 

प्रास्ताविक संजय कांबळे, सूत्र संचलन बालाजी जाधव, आभार प्रदर्शन डॉ. उत्तम इंगोले यांनी केले. खंडागळे सर, निलम कांबळे यांनी मनोगतातुन शाहु महाराजांच्या समाज गौरवशाली कार्यास व्यक्त केले.

व्याख्यानाचे आयोजन संविधान जागर समिती, संभाजी ब्रिगेड, अहिल्याबाई होळकर प्रतिष्ठान, संत रविदास महाराज विचार मंच, फुले शाहू आंबेडकर विचार मंच, सत्यशोधक विद्यार्थी संघटना, वंचित बहुजन आघाडी व इतर समविचारी संघटना यांनी केले. 

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)