🔴 SEBC आरक्षण डावलल्याचा आरोप; देगलूर महाविद्यालयाच्या भरती विरोधात — संभाजी ब्रिगेड आक्रमक.

🔴 SEBC आरक्षण डावलल्याचा आरोप; देगलूर महाविद्यालयाच्या भरती विरोधात — संभाजी ब्रिगेड आक्रमक.

शिवगर्जना न्यूज,

देगलूर : प्रतिनिधी

देगलूर महाविद्यालयाने दि. ६ ऑगस्ट २०२६ रोजी प्रसिद्ध केलेल्या भरती जाहिरातीत SEBC आरक्षण डावलल्याचा आरोप करत संभाजी ब्रिगेडने भरती प्रक्रिया तात्काळ स्थगित करण्याची मागणी केली आहे.

SEBC आरक्षणाचा नियमानुसार समावेश करून सुधारित जाहिरात प्रसिद्ध केल्यानंतरच भरती प्रक्रिया राबवावी, अशी ठाम मागणी निवेदनातून करण्यात आली आहे. आरक्षणाच्या नियमांकडे दुर्लक्ष करून भरती प्रक्रिया पुढे नेल्यास पात्र उमेदवारांवर अन्याय होण्याची शक्यता असल्याचा दावा संघटनेने केला आहे.

“आरक्षणाच्या हक्काशी तडजोड खपवून घेतली जाणार नाही. नियम डावलून भरतीत घोळ केल्यास संभाजी ब्रिगेड रस्त्यावर उतरेल,” असा कडक इशारा संघटनेने दिला आहे.

भरती जाहिरातीत SEBC आरक्षणाचा समावेश का करण्यात आला नाही, याची जबाबदारी नेमकी कोणाची? असा सवाल ही उपस्थित करण्यात आला आहे. प्रशासनाने तातडीने जाहिरात दुरुस्त करून पारदर्शक पद्धतीने भरती प्रक्रिया राबवावी; अन्यथा तीव्र आंदोलनाला सामोरे जाण्याची तयारी ठेवावी, असा इशारा निवेदनातून देण्यात आला आहे.

निवेदनाच्या प्रती उच्च व तंत्रशिक्षण मंत्री, जिल्हाधिकारी नांदेड, स्वामी SRTMU कुलगुरू व कुलसचिव, शिक्षण सहसंचालक, उपजिल्हाधिकारी देगलूर आणि देगलूर महाविद्यालय प्राचार्यांना देण्यात आल्या.

निवेदनावर संभाजी ब्रिगेड जिल्हाध्यक्ष जेजेराव पा. शिंदे, देगलूर-बिलोली विधानसभा अध्यक्ष देविदास पा. थडके, तालुकाध्यक्ष शहाजी पा. बाबरे, जिल्हा उपाध्यक्ष दत्ता पा. केरूरे, तालुका उपाध्यक्ष सतीश पा. भुताळे, गोविंद लवटे व ज्ञानेश्वर झमकाडे आदींच्या स्वाक्षऱ्या आहेत.

🔴मुख्य संपादक: श्री शहाजी वरखिंडे

मो. 9923072242