🛑 अंध विद्यालयातील विद्यार्थिनीच्या संशयास्पद मृत्यूने खळबळ; निष्पक्ष चौकशीसाठी पोलीस प्रशासनास निवेदन

🔴 देगलूर अंध विद्यालयातील विद्यार्थिनीच्या संशयास्पद मृत्यूची निष्पक्ष चौकशी करा

भाजपा महिला मोर्चाच्या जिल्हाध्यक्षांचे निवेदन

 शिवगर्जना न्यूज,

देगलूर : प्रतिनिधी

शहरातील अंध विद्यालयात शिक्षण घेणाऱ्या अल्पवयीन विद्यार्थिनीचा संशयास्पद मृत्यू झाल्याने या घटनेची निष्पक्ष व सखोल चौकशी करून दोषींवर कठोर कारवाई करावी अशी मागणी भाजपा महिला मोर्चा चे दोन्ही जिल्हाध्यक्ष व देगलूर भाजपा परिवाराच्या वतीने करण्यात आली.

या पार्श्वभूमीवर भाजपा महिला मोर्चाच्या प्रदेशाध्यक्षा चित्रा वाघ यांच्या सूचनेनुसार नांदेड जिल्हा ग्रामीण दक्षिणच्या जिल्हाध्यक्षा अनिता चोंडीकर, उत्तरच्या जिल्हाध्यक्षा मंगाराणी अंबुलगेकर व देगलूर शहराध्यक्षा भावना दाशेटवार यांच्या नेतृत्वाखाली पदाधिकाऱ्यांनी देगलूर पोलीस ठाण्यात भेट देऊन प्रभारी उपअधीक्षक वैभव पडवळ व पोलीस निरीक्षक बोलमवाड यांना निवेदन दिले.

अंध विद्यालयातील विद्यार्थिनीच्या मृत्यूची सर्व बाजूंनी चौकशी करून घटनेमागील सत्य समोर आणावे, दोषी आढळणाऱ्यांवर कायद्यानुसार कठोरात कठोर कारवाई करावी, तसेच संबंधित संस्थेचे व्यवस्थापन व विद्यालयातील संपूर्ण कार्यपद्धतीची कसून चौकशी करावी, अशी मागणी निवेदनातून करण्यात आली. पीडित विद्यार्थिनीच्या कुटुंबाला न्याय मिळावा, यासाठी या प्रकरणात कोणतीही बाब दुर्लक्षित करू नये, अशी अपेक्षाही व्यक्त करण्यात आली.

यावेळी भाजपा देगलूर-बिलोली युवा मोर्चाचे अध्यक्ष संदीप रामपुरे, शंकरजी कंतेवार, अशोक साखरे, अनिल खानापूरकर, पबितवार, प्रशांत दासरवाड, सचिन कांबळे, मुकुंद भूताळे, सुरेश मिसाळे, संजीव पांचाळ शहापूरकर, संगमकर, प्रदेश सचिव महादेवी मठपती, श्रुती तुडमे, सुरकुटलावर, संगनोर, फिरदोस, नागोरी, पत्की, संध्या कुलकर्णी, पवार, करूणा मुंगडे यांच्यासह भाजपा पदाधिकारी व कार्यकर्ते उपस्थित होते.

🔴मुख्य संपादक: श्री शहाजी वरखिंडे

मो. 9923072242