🛑 माजी खासदार खतगावकर यांच्या पक्ष प्रवेशाची २३ मार्चला गुढी उभारणार

73

March 12, 2025

🔴 माजी खासदार खतगावकर यांच्या पक्ष प्रवेशाची २३ मार्चला गुढी उभारणार.

शिवगर्जना न्यूज,

नांदेड : प्रतिनिधी निळकंठ जाधव

माजी खासदार भास्करराव पाटील खतगावकर व माजी आमदार ओमप्रकाश पोकर्णा यांचा राष्ट्रवादी काँग्रेस पक्षातील प्रवेश निश्चित झाला असून २३ मार्च रोजी नरसी येथे ते आपल्या पक्ष प्रवेशाची गुढी उभारणार असल्याची माहिती सूत्रांनी दिली आहे. आ. प्रतापराव पाटील चिखलीकर यांच्या उपस्थितीत राष्ट्रवादी काँग्रेस पक्षातील वरिष्ठ नेत्यांची बैठक मुंबई येथे झाली असून त्या बैठकीत निर्णय झाला असल्याची माहिती सूत्रांनी दिली आहे.

नांदेड येथील माजी मंत्री तथा माजी खासदार भास्करराव पाटील खतगावकर यांच्या राष्ट्रवादी काँग्रेस पक्षाच्या प्रवेशाची चर्चा गेल्या अनेक दिवसां पासून सुरू होती. तसेच उपमुख्यमंत्री एकनाथ शिंदे हे नांदेड येथे आभार सभेच्या निमित्ताने आले होते. त्यावेळी त्यांच्या शिवसेना प्रवेशाची हुल उठली होती. मात्र खतगावकर यांच्याकडून शिवसेना प्रवेशाचे संकेत दिले मिळाले नव्हते.

परंतु गेल्या काही दिवसां पासून खतगावकर यांचे मन काँग्रेस पक्षात लागत नव्हते म्हणून ते काँग्रेस पक्षाला सोडचिठ्ठी देणार हे निश्चित होते. राष्ट्रवादी काँग्रेस पक्षाचे राष्ट्रीय अध्यक्ष उपमुख्यमंत्री अजित पवार हे नांदेड येथे माजी आमदार मोहन आण्णा हंबर्डे यांच्या पक्ष प्रवेशासाठी नांदेड येथे आले त्यावेळी रात्री १० वाजण्याच्या सुमारास त्यांनी खतगावकर यांच्या निवासस्थानी भेट देऊन माजी खासदार भास्करराव पाटील खतगावकर व मिनल खतगावकर यांची भेट घेतली होती. त्यामुळे खतगावकर हे राष्ट्रवादी काँग्रेस पक्षात प्रवेश करणार हे निश्चित झाले होते.

माजी खासदार भास्करराव पाटील खतगावकर व माजी आमदार ओमप्रकाश पोकर्णा हे दोन दिवसांपूर्वी मुंबई येथे गेले होते. या मुंबई दौऱ्यात त्यांनी पक्षाचे राष्ट्रीय अध्यक्ष उपमुख्यमंत्री अजित पवार, प्रदेशाध्यक्ष खासदार सुनिल तटकरे, माजी केंद्रीय मंत्री प्रफुल्ल पटेल यांची भेट घेतली. यावेळी आमदार प्रताप पाटील चिखलीकर यांच्या उपस्थितीत पक्ष श्रेष्ठी सोबत त्यांच्या बैठका पार आणि खतगावकर व पोकर्णा यांचा राष्ट्रवादी काँग्रेस पक्षातील प्रवेश निश्चित झाला. राज्याचे उपमुख्यमंत्री अजित पवार व केंद्रीय मंत्री प्रफुल्ल पटेल यांच्या उपस्थितीत २३ मार्च रोजी नायगाव तालुक्यातील नरसी येथे प्रवेश सोहळ्या निमित्ताने भव्य सभा घेण्यात येणार आहे. त्यावेळी आपल्या असंख्य कार्यकर्त्यांसह ते राष्ट्रवादी काँग्रेस पक्षात प्रवेश करणार आहेत.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)

Buy now

🛑 माजी खासदार खतगावकर यांच्या पक्ष प्रवेशाची २३ मार्चला गुढी उभारणार

ताज्या बातम्या

🔴 जीवन आहे एक रंगमंच

🛑 वैभव सूर्यवंशी चा धमाका! सचिन तेंडुलकर विक्रम मोडीत रचला इतिहास

🛑 कै. नारायणराव चिद्रावार व्याख्यानमालेत डॉ. विठ्ठल लहाने यांचे व्याख्यान

ताज्या बातम्या

🔴 जीवन आहे एक रंगमंच

🛑 वैभव सूर्यवंशी चा धमाका! सचिन तेंडुलकर विक्रम मोडीत रचला इतिहास

🛑 कै. नारायणराव चिद्रावार व्याख्यानमालेत डॉ. विठ्ठल लहाने यांचे व्याख्यान

🛑 सौ.वैष्णवी वैभव नेटके राज्यस्तरीय राजमाता जिजाऊ जीवन गौरव पुरस्काराने सन्मानित

🛑 कॅम्पस मुलाखतीत कृषी महाविद्यालयाचा झेंडा तर २४ विद्यार्थ्यांची नामांकित कंपन्यांत निवड.