🛑 अवैध रेती वाहतूक करणारे तीन ट्रक जप्त

🛑 लेंडी नदी पात्रातून अवैध रेती वाहतूक करणारे तीन ट्रक जप्त

शिवगर्जना न्यूज, 

देगलूर {9923072242}

वाहतूक करणारे तीन ट्रॅक्टर तमलुर जवळील लेंडी नदी पात्रातून पोलिसांनी रेतीसह जप्त केले आहेत. ही कार्यवाही ८ मार्च रोजी रात्री करण्यात आली. दरम्यान शासकीय रेती केंद्राचे लिलाव होण्या अगोदरच रेती तस्करांनी लेंडी व मांजरा नदीमध्ये उच्छाद मांडला असून यावर त्वरित उपाय योजना करण्याची मागणी मराठवाडा जनता विकास परिषदेचे उत्तमराव भांजे यांनी जिल्हाधिकाऱ्यांकडे केली आहे.

पोलिसांनी दिलेल्या माहिती नुसार तमलुर जवळील लेंडी नदी पात्रातून गेल्या कांही दिवसापासून रात्रीला रेतीचे अवैध उत्खनन व वाहतूक सुरू असल्याची ओरड या भागातील नागरिकाकडून केली जात होती. ८ मार्च रोजी रात्री पोलीस उपनिरीक्षक नरहरी फड व त्यांच्या टीम ने लेंडी नदीत जाऊन पाहणी केली असता तेथे रेतीचे अवैध उत्खनन सुरू होते. पोलिसांना पाहताच ट्रॅक्टर चालक व मालक यांनी अंधाराचा फायदा घेत पळ काढला. तेथे नंबर प्लेट नसलेल्या तीन ट्रॉली ट्रॅक्टर व तीन ब्रास रेती असा पंधरा लाख बारा हजार रुपयाचा माल देगलूर पोलिसांनी जप्त केला असून ती वाहने देगलूर पोलीस स्थानकात लावण्यात आली आहेत. 

या प्रकरणी पोलिसांनी गुन्हा दाखल केला आहे. लेंडी व मांजरा नदीतील शासकीय रेती केंद्राच्या लिलावाची प्रक्रिया अद्यापही पूर्ण झालेली नाही. त्या अगोदरच रेती तस्करांनी या भागात उच्छाद मांडला आहे. या भागातील तलाठी, मंडळ अधिकारी व बीट जमादार यांच्या सहमतीने हा गोरखधंदा गेल्या कांही दिवसापासून राजरोस पणे सुरू आहे. त्यामुळे शासनाच्या लाखो रुपयांच्या महसुलावर पाणी फेरले जात आहे. या भागातील महसूल व पोलीस प्रशासनातील नियुक्त करण्यात आलेल्या कर्मचाऱ्यांची इतरत्र बदली करावी, अशी मागणी मराठवाडा जनता विकास परिषदेचे उत्तमराव भांजे यांनी जिल्हाधिकाऱ्यांकडे केली आहे.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞

(9923072242)