🛑 शिवगर्जना चा आवाज कर्तव्य दक्ष कुंडलवाडी पोलिसांनी तीन दिवसात केला गुन्हा उघड

🛑 शिवगर्जना चा आवाज, कर्तव्य दक्ष कुंडलवाडी पोलिसांनी तीन दिवसात केला गुन्हा उघड. 

♦️कुंडलवाडी शहरातील शतरंज गल्ली भागात राहणारा अल्पवयीन मुलगा निघाला चोरटा; मुलाला नोटीस देऊन आईच्या ताब्यात देण्यात आल्याची माहिती सहाय्यक पोलीस निरीक्षक ज्ञानेश्वर शिंदे यांनी “शिवगर्जना न्यूज” प्रतिनिधींशी बोलताना दिली आहे.

शिवगर्जना न्यूज, 

कुंडलवाडी (सिध्दार्थ कांबळे) 

बिलोली तालुक्यातील कुंडलवाडी शहरातील मुख्य बाजारपेठेतील दोन दुकानात २ मार्च रोजी च्या मध्यरात्री चोरी झाली होती. ही घटना दि.३ मार्च रोजी सकाळी ०६:०० वाजताच्या दरम्यान दुकान मालक दुकान उघडण्यासाठी गेले असता उघडकीस आल्यानंतर मुख्य रस्त्यावरील दोन दुकाने फोडल्याने कुंडलवाडी पोलिसां समोर चोरास पकडण्याचे आव्हान निर्माण झाले होते.

सहाय्यक पोलीस निरीक्षक ज्ञानेश्वर शिंदे व त्यांच्या सहकाऱ्यांनी या दोन्ही दुकानातील चोरी प्रकरणाचा तीन दिवसात गुन्हा उघड केला असून चोरटा अल्पवयीन मुलगा असून चोरट्याकडून चोरीतील ५८ हजार पैकी ५२ हजार १७६ रुपये जप्त करण्यात आले आहेत.

कुंडलवाडी शहरातील मुख्य बाजार पेठेतील मुख्य रस्त्यावर मैनोद्दीन शेख यांचे भुसार दुकान व अब्दुल रहीम बाबा यांचे किराणा दुकान आहे. दररोजच्या प्रमाणे दोन्ही दुकाने बंद करून दोन्ही मालक घरी गेले होते. आज दि. ३ मार्च रोजी सकाळी सहा वाजेच्या दरम्यान दुकान उघडण्यासाठी आले असता त्यांना दुकानाचे कुलूप अज्ञात चोरट्यांनी तोडल्याचे निदर्शनास आले.

चोरट्यांनी दुकान फोडल्यानंतर दुकानाचे कुलूप तोडून चोरी केल्यानंतर जसेच्या तसे कुलूप लावले. कुंडलवाडी पोलिसांना ही माहिती दिल्यानंतर सहाय्यक पोलीस निरीक्षक ज्ञानेश्वर शिंदे, पो.हे.काॅ.गफूर शेख, पो.हे.काॅ. शंकर चव्हाण आदींनी घटना स्थळी भेट दिली होती.

या घटनेत मैनोद्दीन शेख यांच्या दुकानातील गल्ल्यातून ५० हजार रुपये नगदी व अब्दुल रहीम बाबा यांच्या दुकानातील ८ हजार रुपये असे एकूण ५८ हजार रुपये चोरीला गेले आहेत याप्रकरणी मैनोद्दीन शेख यांनी दिलेल्या फिर्यादीवरून कुंडलवाडी पोलिसांनी अज्ञात चोरट्यां विरुद्ध गुन्हा दाखल केला होता.

यानंतर कुंडलवाडी पोलिसांनी घटनास्थळाच्या आजूबाजूची सी.सी.टीव्ही ची पाहणी केली तसेच गुन्ह्यातील आरोपीची ओळख सी.सी.टीव्ही फुटेज द्वारे करण्यात आली. आरोपी हा शहरातील शतरंज गल्ली भागातील रहिवासी असून गुन्हा घडल्या नंतर आरोपी हा त्याच्या आई सोबत तेलंगणा राज्यातील निजामबाद जिल्ह्यातील पोतगंल येथे गेला होता.

पोलीस अधीक्षक नांदेड सायबर विभागाची मदत कुंडलवाडी पोलिसांनी घेत आरोपीचे मोबाईल लोकेशन च्या आधारे निजामबाद जिल्ह्यातील बोकड येथे जात त्याच्या आईच्या उपस्थितीत अल्पवयीन मुलाकडून चोरीच्या गुन्ह्यातील ५८ हजार पैकी ५२ हजार १७६ रुपये जप्त केले आहेत. आरोपी अल्पवयीन असल्याने नोटीस देऊन त्याच्या आईच्या ताब्यात देण्यात आले आहे.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)