🛑 नगर पालिकेचा अनोखा प्रताप घनकचरा कंत्राटदारास दिले लाखो रुपयांचे जास्तीची रक्कम

🔴 बिलोली न.प.चा अनोखा प्रताप घनकचरा कंत्राटदाराला दिले लाखो रुपयांचे जादा रक्कम. बिल होते ५६ हजाराचे ; दिले ८ लाख रुपये. 

शिवगर्जना न्यूज, 

कुंडलवाडी (सिध्दार्थ कांबळे) 

बिलोली नगरपरिषद सन २०२० ते २०२२ या वित्तीय वर्षाच्या लेखापरीक्षणात १४ वा वित्त आयोग अंतर्गत घनकचरा व्यवस्थापन विषयक कामाच्या देयकाची तपासणी आणि संचिकेची तपासणी केली असता त्यामध्ये अनियमितता तसेच कंत्राटदारास जादा रक्कम दिल्याचे दिसून आले असल्याचे बिलोली शहरातील माहिती अधिकार तसेच सामाजिक कार्यकर्ते आणि सुप्रीम ह्यूमन राइट्स इंडिया चे राष्ट्रीय संघटक लक्ष्मीकांत कलमुर्गे यांनी म्हटले आहेत.

बिलोली शहरातील घनकचरा व्यवस्थापनाचे कार्यादेश पल्लवी बहुउद्देशीय सेवाभावी संस्था धानोरा बु.तालुका उमरी यांना कार्यालयाचे आदेश क्रमांक २०१८/६०४ दिनांक ३ नोव्हेंबर २०१८ नुसार एक वर्षासाठी म्हणजेच ३६५ दिवसा करिता देण्यात आलेले होते. सदर आदेशाची मुदत दिनांक २ नोव्हेंबर २०१९ रोजी संपली आहे. तसेच सदर कंत्राटदाराने पुढील कामाचे आदेश मिळणे बाबत पंधरा दिवस अगोदर नियमा प्रमाणे अर्ज सादर करणे आवश्यक असताना संबंधित कंत्राटदाराने दि. ३० नोव्हेंबर २०१९ रोजीच्या दिनांक खाडा खोड करून २९ नोव्हेंबर २०१९ रोजी मा. मुख्याधिकारी नगरपरिषद बिलोली यांना नवीन कार्यादेश मिळणे बाबतचा अर्ज सादर केला आहे. तसेच कार्यालयीन टिप्पणी दिनांक २९ नोव्हेंबर २०१९ नुसार सदर कामास पुढील एक वर्षासाठी कामाचे आदेश देणे बाबतची टिप्पणी सादर केली आहे. परंतु सदर टिपणीस मा.मुख्याधिकारी आणि मा.अध्यक्ष यांच्याकडून दिनांक ३० नोव्हेंबर २०१९ रोजी मंजुरी प्राप्त झाल्यामुळे सदर कामाचे देयक फक्त दि. ०१ नोव्हेंबर २०१९ ते ०२ नोव्हेंबर २०१९ या दोन दिवसासाठी अनुज्ञेय होते,परंतु लेखा विभागाने सदर कामाची देयक २९ दिवसाचे पारित करून देयकाची रक्कम संबंधित कंत्राट प्रदान करण्यात आली आहे. तेव्हा अनुज्ञेय रक्कम रुपये ५६,३३१ प्रदान करणे ऐवजी रक्कम रुपये ०८ लाख ४४ हजार ९६५ प्रदान केल्यामुळे संबंधित कंत्राटदारास रक्कम रुपये ०७ लाख ८८ हजार ६३४ जादा प्रदान करण्यात आले असल्याचे बिलोली शहरातील माहिती अधिकार तसेच सामाजिक कार्यकर्ते आणि सुप्रीम ह्यूमन राइट्स इंडिया चे राष्ट्रीय संघटक लक्ष्मीकांत कलमुर्गे यांनी म्हटले आहेत.       

सदर जादा रक्कम प्रदान रकमेचे जबाबदारी लेखा विभागाकडून वसूल करून योग्यता त्या शिर्षकाखाली भरण्याचे आदेश लेखा परीक्षकाकडून देण्यात आले आहे. तरी या घनकचरा व्यवस्थापन विषयांमध्ये कामाच्या देयकांमधील अनियमिततेबाबत पडताळणी करून योग्य ती मा.जिल्हाधिकारी नांदेड यांनी योग्य ती चौकशी करावी, अशा प्रकारची विनंती बिलोली शहरवासी यांच्या वतीने करण्यात येत आहे. याबाबत नक्कीच मा.जिल्हाधिकारी नांदेड यांनी विशेष लक्ष देऊन याबाबत पडताळणी करून योग्य ते चौकशी करतील तसेच संबंधितावर योग्य ती कायदेशीर कारवाई करतील असा विश्वास बिलोली शहरवासी यांच्या वतीने व्यक्त करण्यात आले आहे.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)