🛑 कर्तव्यात कसूर केल्याने केंद्र संचालक अनकाडे यांचे निलंबन

🔴 कर्तव्यात कसूर केल्याने केंद्र संचालक आर.ए. अनकाडे यांचे निलंबन. 

शिवगर्जना न्यूज, 

नायगाव ता. प्रतिनिधी : परमेश्वर जाधव

माध्यमिक शालांत व उच्च माध्यमिक प्रमाण पत्र परिक्षेच्या कामात कसूर व हय गय केल्यामुळे त्यांच्यावर नायगाव पोलीस ठाण्यात गुन्हा नोंद करण्यात आला. त्यामुळे अनकाडे यांनी सादर केलेला खुलासा अमान्य करुन त्यांना दि. ३ मार्च पासून जिल्हा परिषदेच्या सेवेतून निलंबित करण्यात आले आहे. जिल्हा परिषद मुख्य कार्यकारी या निर्णयावर तालुक्यात उलट सुलट चर्चा सुरू आहेत. 

जिल्हा परिषद शाळा घुंगराळा येथील मुख्याध्यापक आर.ए. अनकाडे यांची जनता माध्यमिक विद्यालय, नायगांव केंद्र क्र.५२७४ येथे केंद्र संचालक म्हणून नियुक्ती केली असता सदरील केंद्र संचालक यांनी त्यांचे माध्यमिक शालांत व उच्च माध्यमिक प्रमाण पत्र परीक्षा- २०२५ च्या कामात हय गय केली असून कर्तव्यात कसूर केल्याचे निदर्शनास आले आहे. त्यामुळे त्यांना कारणे दाखवा नोटीस बजावण्यात आली होती. मात्र सदर प्रकरणात पोलिस स्टेशन, नायगांव येथे गुन्हा नोंद झाला. तत्पूर्वी अनकाडे यांनी संदर्भीय नोटीसी प्रमाणे आपण सादर केलेला खुलासा सादरही केला होता. परंतु खुलासा अमान्य करण्यात आला. 

खुलासा अमान्य करण्यात आल्यानंतर आर.ए. अनकाडे यांनी मंडळाच्या कामात गैर वर्तणूक करुन महाराष्ट्र जिल्हा परिषद जिल्हा सेवा {वर्तणूक} नियम १९६७ चेनियम ३चा भंग केल्यामुळे त्यांना महाला जिल्हा परिषद जिल्हा सेवा {शिस्त व अपील} नियम १९६४ चे नियम ३ नुसार दि. ०३/०३/२०२५ पासून जिल्हा परिषद सेवेतून निलंबीत करीत आहे असे आदेश जिल्हा परिषदेच्या मुख्य कार्यकारी मिनल करणवाल काढले आहेत. निलंबन काळात संबंधिताचे मुख्यालय जिल्हा परिषद हायस्कूल बिलोली येथे ठेवण्यात आले आहे. 

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)