🛑 नरसीत अल्पवयीन मुलीचा लैंगिक छळ ॲट्रॉसिटी व पोस्को अंतर्गत गुन्हा दाखल

🔴 नरसीत अल्पवयीन मुलीचा लैंगिक छळ ॲट्रॉसिटी व पोस्को अंतर्गत गुन्हा दाखल . 

🔴 लैंगिक अत्याचार करणाऱ्या आरोपीला रामतीर्थ पोलिसांनी आज दि. ०२ मार्च रोजी अटक करून ताब्यात घेतल्याची माहिती सहाय्यक पोलीस निरीक्षक श्रीधर जगताप यांनी दिली आहे.

शिवगर्जना न्यूज, 

नायगाव :

नायगाव तालुक्यातील नरसी येथील एका नराधमाने अनुसूचित जातीतील अल्पवयीन मुलीचा लैंगिक छळ तर केलाच पण तिच्या आई-वडिलाला दि.२७ फेब्रुवारी २०२५ रोजी जबर मारहाण करून गंभीर जखमी केले. त्यानंतर पुन्हा बोलत का नाहीस, म्हणून तोंडावर ॲसिड टाकून जीवे मारण्याची धमकी दिली. या प्रकरणी दि. २८ फेब्रुवारी रोजी रात्री उशिरा पर्यंत रामतीर्थ पोलिसांत आरोपींवर ॲट्राॅसिटीसह पोस्कोचा गुन्हा दाखल करण्यात आला आहे.

नरसी येथील शामनगर भागात राहणारा आरोपीने तू मला का बोलत नाहीस म्हणून घर ते शाळेपर्यंत पाठलाग करत पेपर सुटल्यानंतर एका ज्यूस सेंटरमध्ये बसून फोटो काढून लैंगिक छळ केला. तसेच आरोपीच्या आई व बहिणीने फिर्यादीच्या आई-वडिलांस लाथा बुक्क्यांनी जबर मारहाण करून जखमी केले. तू मला नाही बोलल्यास तुझ्या तोंडावर ॲसिड टाकून जिवंत मारण्याची धमकी ही आरोपीने पिडीत मुलीला दिली.

अल्पवयीन मुलीच्या फिर्यादीवरून अरबाज अजिज शेख, ममताज, तब्बु रा. शामनगर नरसी ता.नायगाव यांच्या विरोधात रामतीर्थ पोलीसात गुन्हा .रजि.नंबर ६६/२०२५ कलम ७८,७५ (१),११५(२),३५२,३५१,(२)(३),(५) भारतीय न्याय संहिता २०२३ सह कलम ८,१२ पोस्को नुसार कलम ३(१) (आर), (एस) ३, (२), (व्ही.ए.)अनुसूचित जाती अनुसूचित जमाती प्रतिबंधक कायद्यानुसार गुन्हा दाखल करण्यात आला आहे.आरोपीस अद्याप तरी अटक करण्यात आले नाही. सदरील घटनेची माहिती मिळताच पोलीस उप विभागीय अधिकारी रफिक चंद व रामतीर्थ पोलीस ठाण्याचे सहाय्यक पोलीस निरीक्षक श्रीधर जगताप यांनी भेट दिली.

रामतीर्थ पोलीस ठाण्याच्या हद्दीत गुंडगीरी करणाऱ्यांची संख्या वरच्यावर वाढत चाललेली पहावयास मिळत असून गावगुंड चक्क रामतीर्थ पोलीसांना तीन-तीन तास वेठीस धरण्याचे प्रकार वाढले आहेत. तरीही अशा लोकांना अभय देण्याचे काम होत असल्याची चर्चा या परिसरात होताना ऐकावयास मिळत आहे. रामतीर्थ पोलीस ठाण्याला एका सक्षम अधिकाऱ्याची गरज असल्याचे येथील नागरिकांमधून आता बोलले जात आहे.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)