🔴नायगाव विधानसभा मतदारसंघात भाजपा पदाधिकारी यांच्यात उमेदवारीसाठी स्पर्धा रंगली.

🔴 नायगाव विधानसभा मतदारसंघात भाजपा पदाधिकारी यांच्यात उमेदवारी साठी स्पर्धा रंगली.

◼️ शिवराज पा. होटाळकर, डॉ.मीनल पा.खतगावकर, श्रावण पा. भिलवंडे बालाजी बच्चेवार, कवळे गुरुजी. यांचा जोमाने जनसंपर्क वाढविण्यास सुरूवात.

शिवगर्जना न्यूज,
नांदेड प्रतिनिधी : निळकंठ जाधव

डॉ.मीनल पाटील खतगावकर हे नायगाव विधानसभा निवडणूक अपक्ष लढविणार असल्याचे नायगाव विधानसभेतील मतदार व कार्यकर्ते खतगावकर कुटुंबीय यांनी अशी माहिती दिली.

नायगाव विधानसभा मतदार संघातून भारतीय जनता पक्षाच्या उमेदवारी साठी स्पर्धा लागली असून, आमदार राजेश पवार यांना निवडणूक रिंगणातून बाद करण्यासाठी पक्षांतर्गत स्पर्धा लागली आहे. भारतीय जनता पक्षातील तगड्या उमेदवारांमुळे पक्ष श्रेष्ठी व आमदार राजेश पवार यांची दमछाक होणार असल्याचे दिसून येत असून, आमदार राजेश पवार व विरोधकांनी मतदार संघात जनसंपर्क वाढविण्यास सुरवात केली आहे.

नायगाव विधानसभा मतदारसंघ हा महायुतीत रिपब्लिकन पार्टी ऑफ इंडिया आठवले गटाकडे असून या मतदार संघात आमदार राजेश पवार हे आठवले यांच्या कोट्यातून भारतीय जनता पक्षाच्या बी फार्म घेऊन आमदार म्हणून निवडून आले आहेत. भारतीय जनता पक्षाच्या मतदार संघातील सर्व मातब्बर नेत्यांनी आमदार राजेश पवार यांना विरोध करुन उमेदवारी पदरात पाडून घेण्यासाठी धडपड सुरू केली आहे. भारतीय जनता पक्षाच्या ज्या नेत्यांना विधानसभा निवडणुकीत भारतीय जनता पक्षाच्या बी फार्म घेऊन निवडणूक लढविण्याची शक्यता त्यांना अगोदर हा मतदारसंघ रिपब्लिकन पार्टी ऑफ इंडिया आठवले गट यांच्याकडून सोडवून घेणे गरजेचे आहे. त्यानंतर उमेदवारी मिळविण्यासाठी स्पर्धा करावी लागणार आहे.

महायुतीत भारतीय जनता पक्षाच्या अक्कल हुशारीमुळे नायगाव विधानसभा मतदार संघात कमळ फूलले. नायगाव विधानसभा मतदार संघात भारतीय जनता पक्षाचे पदाधिकारी प्रदेश कार्यकारिणी सदस्य बालाजी बच्चेवार, माजी उप सभापती श्रावण भिलवंडे, माजी सभापती शिवराज पाटील होटाळकर, माजी जि.प. सदस्य तथा गुरुजी उद्योग समुहाचे अध्यक्ष मारोतराव कवळे गुरुजी यांनी निवडणूक लढविण्याची तयारी सुरू केली आहे. मा. सभापती शिवराज पाटील होटाळकर यांच्या जनसंवाद दौऱ्या निमित्ताने मतदार संघातील गाव निहाय भेटी सुरू करुन जनसंपर्क मोहीम हाती घेतली आहे. शिवराज पाटील होटाळकर यांच्या जनसंवाद मेळाव्याला प्रत्येक गावात मोठा जनाधार मिळत आहे. होटाळकर यांचे गावा गावात स्वागत करण्यात येत आहे. त्यामुळे त्यांच्या अपेक्षा वाढल्या आहेत, कोणत्याही परिस्थितीत विधानसभा निवडणुक लढविण्याची इच्छा शक्ती वाढत आहे. गुरुजी उद्योग समुहाचे अध्यक्ष मारोतराव कवळे गुरुजी यांनी वेग वेगळ्या उपक्रमातून नायगाव विधानसभा मतदार संघातील मतदार यांच्या गाठी भेटी घेण्यास सुरुवात केली आहे. गुरुजी उद्योग समुहातील कर्मचारी यांना पुढे करुन त्यांनी मुख्यमंत्री लाडकी बहीण योजनेची अर्ज भरुन घेण्यासाठी आपल्या उद्योगातील कर्मचारी व कामगार यांना कामाला लावले आहे. तसेच त्यांनी गुणवंत विद्यार्थी यांचा सत्कार यासह विविध उपक्रमातून आपली ओळख निर्माण करुन विधानसभा निवडणुकीची तयारी सुरू केली आहे.

नायगाव पंचायत समितीचे माजी उप सभापती श्रावण भिलवंडे यांनी नरसी येथे भव्य वाढदिवस साजरा करुन आपण मागे नसल्याचे दाखवून दिले आहे. त्याच प्रमाणे त्यांनी आपण एकमेव पक्षाचे निष्ठावंत असून इतर इच्छुक हे पक्षात नव्याने असल्याचे सांगत आहेत. भारतीय जनता पक्षात गेल्या अनेक दिवसांपासून निष्ठेने काम केल्यामुळे पक्ष श्रेष्ठी आपला विचार करेल असा विश्वास व्यक्त करत आहेत. भा.ज.पा. प्रदेश कार्यकारिणी सदस्य बालाजी बच्चेवार यांनी मात्र दररोज वेगवेगळ्या गावात जाऊन कार्यकर्ते व पदाधिकारी यांच्याशी संवाद साधत आहेत. भारतीय जनता पक्षाच्या वरिष्ठ नेत्यांनी मराठा समाजाच्या उमेदवारांचा विचार केला तर आपल्याला संधी मिळेल यांची वाट पाहत आहेत. आज पर्यंत या मतदार संघातून इतर जातींच्या उमेदवाराचा विचार केला नाही. त्यामुळे या वेळी पक्षाने इतर जातीचा विचार केला तर बच्चेवार यांची लॉटरी लागू शकते म्हणून ते जनसंपर्क साधत आहेत. आमदार राजेश पवार यांनी आपल्या हक्काचे देवदर्शन अस्त्र बाहेर काढले असून मतदार संघातील त्यांच्या पदाधिकारी व कार्यकर्ते यांना तिरुपती दर्शन वारी सुरू केली आहे. त्यांनी पहिल्या टप्प्यात आपल्या जवळच्या एक हजार कार्यकर्त्यांना तिरुपती वारी केल्याने पदाधिकारी व कार्यकर्ते यांच्यात चैतन्य निर्माण झाले आहे. तिरुपती देव दर्शन आमदार यांच्या फायद्याचे की तोट्याचे हे भविष्य काळ ठरविणार आहे. एकूण भारतीय जनता पक्षात उमेदवारी मिळविण्यासाठी स्पर्धा सुरु झाली आहे.