🛑 राधिका फाउंडेशन बहुउद्देशीय सेवाभावी संस्थेचा पितृपक्षात अनोखा उपक्रम.

11

By Shahaji Warkhinde

October 12, 2026

🔴 पितृपक्षात राधिका फाउंडेशनचा अनोखा सामाजिक उपक्रम; बेघर वृद्धांना अन्नदान व वस्त्रदान.

वृद्धाश्रमातील आजी-आजोबांच्या चेहऱ्यावर फुलले आनंदाचे हास्य.

शिवगर्जना न्यूज, नाशिक प्रतिनिधी : डॉ. शाम जाधव

नाशिक : पितृपक्षाचे औचित्य साधून राधिका फाउंडेशन बहुउद्देशीय सेवाभावी संस्था, नाशिक यांच्या वतीने जाणीव निवारा बेघर वृद्धाश्रमात अन्नदान, वस्त्रदान आणि जीवनावश्यक वस्तूंचे वाटप करून सामाजिक बांधिलकी जपणारा अनोखा उपक्रम राबविण्यात आला.

संस्थेच्या संस्थापक अध्यक्षा डॉ. चेतना ताई सेवक यांच्या पुढाकारातून देशाच्या विविध भागांतून आलेल्या महिलांना सोबत घेऊन हा सेवाभावी उपक्रम आयोजित करण्यात आला. यासाठी जाणीव निवारा वृद्धाश्रमाच्या अध्यक्षा प्रणिता पाटील यांच्याशी संपर्क साधून आवश्यक परवानगी घेण्यात आली.

या उपक्रमांतर्गत वृद्धाश्रमातील आजी-आजोबांना प्रेमपूर्वक भोजन देण्यात आले. आजींनी आवडीने मांडे या पारंपरिक खाद्यपदार्थाचा आस्वाद घेतला. तसेच वृद्ध महिलांना साड्यांचे वाटप करण्यात आले. याशिवाय बिस्किटे, किराणा साहित्य, बेडशीट आणि सतरंजी वाटप करण्यात आले. या सेवाकार्यातून वृद्धांप्रती आदर, प्रेम आणि आपुलकी व्यक्त करण्यात आली.

यावेळी उपस्थितांनी वृद्धाश्रमातील ज्येष्ठ नागरिकांची अत्यंत आपुलकीने व काळजीपूर्वक सेवा केली जात असल्याचे अनुभवले. आश्रमाच्या व्यवस्थापक प्रणिता ताई, सचिन सर आणि त्यांच्या सहकाऱ्यांनी आश्रमातील कार्याची सविस्तर माहिती उपस्थितांना दिली.

या सामाजिक उपक्रमात संस्थापक अध्यक्षा डॉ. चेतना ताई सेवक, महावीर इंटरनॅशनल संस्थापक अध्यक्ष अनिल नहार, महेंद्र आहेर, विकी कुटे, राजेंद्र बाफना, वंदना बनकर, ममता बारहाते, रेखा जाधव, धनश्रीपवार, आशा सोनवणे, मीना बोरदे, पूनम केदारे, शुभांगी गीत, मीनल मूर्तडक, वर्षा कल्याणी, स्नेहा शिपी, संध्या सावंत, रेखा काळे, शुभांगी भांबरे, नितू महाजन, सीमा पंडित, अलका कुरणे, वैशाली खैरनार, सुषमा दुगड यांच्यासह अनेक महिला व सामाजिक कार्यकर्त्यांनी सहभाग घेतला.

वृद्धसेवेतून सामाजिक बांधिलकीचा संदेश

पितृपक्षाच्या निमित्ताने वृद्धांची सेवा करून त्यांच्या चेहऱ्यावर आनंद फुलविणारा हा उपक्रम समाजासाठी प्रेरणादायी ठरला. कार्यक्रमाच्या शेवटी आश्रमातील आजी-आजोबांनी सर्व दाते व कार्यकर्त्यांना आशीर्वाद देत कृतज्ञता व्यक्त केली.

राधिका फाउंडेशनच्या वतीने या उपक्रमासाठी सहकार्य करणाऱ्या सर्व दानशूर दात्यांचे आणि सहकाऱ्यांचे अभिनंदन करून आभार मानण्यात आले.

मुख्य संपादक : श्री. शहाजी वरखिंडे मो. 9923072242

Previous article

🔴पितृपक्ष निमित्त नाशिक सेवाकार्याचा उपक्रम; दिव्यांग विद्यार्थ्यांना पोषण आहार व जीवनकौशल्याचे मार्गदर्शन.

Next article

🔴 मांजरमकर यांना ‘शिवरत्न जिवाजी महाले शौर्य पुरस्कार–२०२६’ प्रदान.

Shahaji Warkhinde

ताज्या बातम्या

ताज्या बातम्या