🛑 नायगाव तालुका आरोग्य सेवा कर्मचारी संघटना अध्यक्ष भालेराव महेश विश्वनाथ

8

By Shahaji Warkhinde

October 3, 2026

🔴 भालेराव महेश विश्वनाथ नायगाव तालुका आरोग्य सेवा कर्मचारी संघटनेचे अध्यक्ष

नवनियुक्त कार्यकारिणीचा प्रवेश कार्यक्रम उत्साहात; कर्मचारी हितासाठी संघटितपणे काम करण्याचा निर्धार.

शिवगर्जना न्यूज,

नांदेड प्रतिनिधी

नायगाव तालुक्यातील जिल्हा परिषद आरोग्य विभागातील महिला व पुरुष आरोग्य कर्मचाऱ्यांच्या विविध प्रश्नांसाठी कार्यरत असलेल्या महाराष्ट्र राज्य जिल्हा परिषद आरोग्य सेवा कर्मचारी संघटना २५७/८९, नांदेड जिल्हा कर्मचारी संघटना यांच्या नायगाव तालुका कार्यकारिणीचा प्रवेश कार्यक्रम दि. २ ऑक्टोबर २०२६ रोजी नांदेड येथील हॉटेल ताज पाटील, आय.टी.आय. कॉर्नर, विसावा नगर येथे उत्साहात पार पडला.

यावेळी भालेराव महेश विश्वनाथ यांची नायगाव तालुका अध्यक्षपदी निवड करण्यात आली. संघटनेचे अध्यक्ष शिवराज उर्फ महेश जाधव यांच्या मार्गदर्शनाखाली झालेल्या या कार्यक्रमास प्रमुख पाहुणे राजेशजी कुंटूरकर उपस्थित होते. त्यांनी उपस्थितांना मार्गदर्शन करत नवनियुक्त पदाधिकाऱ्यांना शुभेच्छा दिल्या.

आरोग्य कर्मचाऱ्यांच्या विविध प्रश्नांवर संघटितपणे कार्य करण्याचे महत्त्व यावेळी अधोरेखित करण्यात आले. कर्मचाऱ्यांच्या न्याय्य मागण्यांसाठी संघटित प्रयत्न करणे तसेच संघटनेचे कार्य नायगाव तालुक्यातील सर्व स्तरापर्यंत पोहोचविण्याचा निर्धार नवनियुक्त पदाधिकाऱ्यांनी व्यक्त केला.

या कार्यक्रमास नांदेड जिल्ह्यासह इतर जिल्ह्यांतील संघटनेचे पदाधिकारी व कार्यकर्ते मोठ्या संख्येने उपस्थित होते. यावेळी हिंगोली जिल्हाध्यक्ष बबन कुटे, जिल्हा कोषाध्यक्ष एन.ए. कोकाटे, जिल्हा उपाध्यक्ष राजरत्न पुंडगे, कार्याध्यक्ष गोपाल बाके, तालुकाध्यक्ष आशिष पंडित यांच्यासह विविध पदाधिकाऱ्यांनी उपस्थितीसह नायगाव तालुका कार्यकारिणीचे अभिनंदन केले.

नायगाव तालुका कार्यकारिणी

अध्यक्ष भालेराव महेश विश्वनाथ, उपाध्यक्ष साईनाथ अशोक स्वामी, उपाध्यक्ष मीनाताई चांदू गायकवाड, सचिव श्री. भद्रे विजय, सहसचिव साईनाथ चंपतराव काळे, कोषाध्यक्ष अनिल शिवाजी गायकवाड, कार्याध्यक्ष श्रीराम नारायण पाटील, प्रसिद्धी प्रमुख अब्दुल सत्तार गफार शेख,

प्रवक्ता सूर्यवंशी गणेश जळबा, सदस्य श्रीमती विद्याताई जगनाथ नरवाडे, योगेश सखाराम सवडे, पवळे श्यामसुंदर दत्तात्रय, जयमाला नागोराव गायकवाड, ज्योती मधुकर पांचाळ, किरण संतोष बरुडे, श्री. प्रणव पुरुषोत्तम लोखंडे, श्री. मनोज बालाजी गोकुळे आणि श्री. मधुकर अशोकराव सोलंकर.

नवनियुक्त कार्यकारिणीच्या उपस्थितीत आरोग्य कर्मचारी बांधव व भगिनींकडून पदाधिकाऱ्यांचे अभिनंदन करण्यात आले. आगामी काळात कर्मचारी हिताच्या विविध प्रश्नांवर संघटना अधिक सक्रियपणे कार्य करणार असल्याचा विश्वास यावेळी व्यक्त करण्यात आला.

कार्यक्रमाचे सूत्रसंचालन व आभार प्रदर्शन श्री. धीरज बंडे यांनी केले.

🔴मुख्य संपादक: श्री शहाजी वरखिंडे मो. 9923072242

Previous article

🛑 बाळासाहेबांचे विचार म्हणजे अंगार, फक्त फुंकर मारण्याची गरज — संपर्क प्रमुख किशोर पोतदार

Next article

🛑 एस.टी. प्रवाशांची जहीराबादच्या श्री साई परिवार ढाब्यावर लूट? ₹४०च्या नाश्त्याचे ₹७०

Shahaji Warkhinde

ताज्या बातम्या

ताज्या बातम्या