🛑 बाळासाहेबांचे विचार म्हणजे अंगार, फक्त फुंकर मारण्याची गरज — संपर्क प्रमुख किशोर पोतदार

🔴 बाळासाहेबांचे विचार म्हणजे अंगार, फक्त फुंकर मारण्याची गरज — संपर्क प्रमुख किशोर पोतदार

देगलूरात शिवसेना (उद्धव बाळासाहेब ठाकरे) पक्षाची बैठक; शिंदे गटातील पदाधिकारी यांचा पक्ष पवेश.

शिवगर्जना न्यूज,

देगलूर, प्रतिनिधी :

शिवसेनाप्रमुख हिंदुहृदयसम्राट बाळासाहेब ठाकरे यांचे विचार म्हणजे अंगार आणि निखारा असून, शिवसैनिक आजही त्यांच्या विचारांनी प्रेरित आहेत. या विचारांना फक्त फुंकर मारण्याची गरज आहे, असे प्रतिपादन नांदेड लोकसभा संपर्क प्रमुख किशोर पोतदार यांनी केले.

देगलूर-बिलोली विधानसभा मतदारसंघातील शिवसेना (उद्धव बाळासाहेब ठाकरे) पक्षाच्या प्रमुख पदाधिकाऱ्यांची बैठक ३० सप्टेंबर रोजी सायंकाळी ७ वाजता हॉटेल स्वाद ओंकार रेसिडेन्सी येथे पार पडली. यावेळी ते बोलत होते.

या बैठकी दरम्यान एकनाथ शिंदे यांच्या नेतृत्वाखालील शिवसेनेतील काही पदाधिकारी, सरपंच व उपसरपंच यांनी शिवसेना (उद्धव बाळासाहेब ठाकरे) पक्षात प्रवेश केला. नव्याने प्रवेश केलेल्या पदाधिकाऱ्यांना निश्चितच न्याय व योग्य संधी दिली जाईल, असे पोतदार यांनी सांगितले. शिवसैनिक हा लढणारा आहे, रडणारा नाही, असेही त्यांनी स्पष्ट केले.

यावेळी पोतदार यांनी पक्ष फुटीवर टीका करताना, उद्धव ठाकरे यांनी शिवसैनिकांना व जनतेला न्याय देण्यासाठी मंत्री पदे दिली; मात्र त्याच पदांचा दुरुपयोग करून मिळविलेला पैसा पक्ष फोडण्यासाठी वापरण्यात आल्याचा आरोप केला. शिवसेना (उद्धव बाळासाहेब ठाकरे) पक्ष आजही सक्षम असून, आगामी निवडणुकांमध्ये गद्दारांना धडा शिकविल्याशिवाय जनता व शिवसैनिक स्वस्थ बसणार नाहीत, असेही ते म्हणाले.

बैठकीला नांदेड जिल्हाप्रमुख बबनराव बारसे, सहसंपर्कप्रमुख दयाल गिरी, नांदेड महानगरप्रमुख प्रकाश मारावार, विजय मुंडकर, उपजिल्हाप्रमुख महेश पाटील, देगलूर तालुका प्रमुख बालाजी पाटील इंगळे खुतमापुरकर, बिलोली तालुका प्रमुख शिवकुमार बाबणे सगरोळीकर, मुखेड तालुका प्रमुख उमेश पाटील आडलूरकर, विधानसभा मतदारसंघ प्रमुख पांडुरंग पाटील थडके देगावकर, विधानसभा संघटक राजेंद्र इंगळे खानापूरकर, शहर प्रमुख भगवान जाधव, बाबुराव मिनकीकर, युवा सेना तालुका प्रमुख तथा सोशल मीडिया प्रमुख भागवत पाटील सोमुरकर यांच्यासह विविध पदाधिकारी उपस्थित होते.

याशिवाय शिवसेना व युवा सेनेचे तालुका, शहर, विभाग व उपविभाग स्तरावरील पदाधिकारी, अल्पसंख्याक सेनेचे तालुकाध्यक्ष इस्माईल शेख पठाण यांच्यासह देगलूर-बिलोली विधानसभा मतदारसंघातील सुमारे १०० प्रमुख पदाधिकारी बैठकीला उपस्थित होते.

दरम्यान, पक्षात प्रवेश केलेल्या पदाधिकाऱ्यांचा भगवी शाल व पुष्पहार घालून सत्कार करण्यात आला. ठाणे येथील शिवसेना पदाधिकारी प्रदीप पुर्णेकर यांच्या निघृण हत्येचा निषेध नोंदवून उपस्थितांनी दोन मिनिटे स्तब्धतेने भावपूर्ण श्रद्धांजली अर्पण केली.

🔴मुख्य संपादक: श्री शहाजी वरखिंडे                  मो. 9923072242