🛑 देगलूर तालुक्यातील ग्रामपंचायतींचे सरपंच आरक्षण जाहीर; राजकीय हालचालींना वेग

🔴 देगलूर तालुक्यात सरपंच आरक्षणाचा बिगुल. २०२६ ते २०३१ साठी आरक्षण जाहीर; इच्छुकांच्या मोर्चेबांधणीला वेग, गावागावातील राजकीय समीकरणे बदलणार

शिवगर्जना न्यूज,

देगलूर : प्रतिनिधी

देगलूर तालुक्यातील ग्रामपंचायतींच्या सरपंच पदासाठी सन २०२६ ते २०३१ या कालावधीचे आरक्षण जाहीर करण्यात आले आहे. तहसीलदार देगलूर तथा प्राधिकृत अधिकारी यांच्या स्वाक्षरीने प्रसिद्ध करण्यात आलेल्या आरक्षण तक्त्यामुळे गावागावातील राजकीय वातावरण चांगलेच ढवळून निघण्याची चिन्हे आहेत. आरक्षण कोणत्या प्रवर्गाला पडले, यावर अनेक इच्छुकांच्या राजकीय वाटचालीची दिशा ठरणार असून गावपातळीवर आतापासूनच मोर्चेबांधणीला वेग येण्याची शक्यता आहे.

प्रसिद्ध करण्यात आलेल्या आरक्षण तक्त्यानुसार तालुक्यातील ग्रामपंचायतींचे अनुसूचित जाती, अनुसूचित जमाती, नागरिकांचा मागास प्रवर्ग आणि सर्वसाधारण अशा विविध प्रवर्गांमध्ये आरक्षण करण्यात आले आहे.

अनुसूचित जातीसाठी ११ ग्रामपंचायती

अनुसूचित जाती प्रवर्गासाठी मंगाजीवाडी, तुंबरपल्ली, करडखेड, लोणी/पुंजरवाडी, हाणेगाव, करडखेडवाडी, बोरगाव, तुपशेळगाव, चाकूर, कोटेकल्लूर आणि सांगवी उमर या ग्रामपंचायतींचा समावेश आहे.

अनुसूचित जाती महिला प्रवर्गासाठी १२ ग्रामपंचायती

मुजळगा, कारेगाव, देवापूर, लिंगनकेरुर, बळेगाव, भक्तापूर, वझरगा, देगाव, मनसक्करगा, वन्नाळी, आचेगाव आणि बल्लूर या ग्रामपंचायती अनुसूचित जाती महिला प्रवर्गासाठी आरक्षित करण्यात आल्या आहेत.

अनुसूचित जमातीसाठी ३ ग्रामपंचायती

येरगी, करेमलकापूर आणि कावळगड्डा या ग्रामपंचायतींचा अनुसूचित जमाती प्रवर्गात समावेश आहे.

अनुसूचित जमाती महिला प्रवर्ग

माळेगाव म., कावळगाव आणि वळग या ग्रामपंचायती अनुसूचित जमाती महिला प्रवर्गासाठी आरक्षित करण्यात आल्या आहेत.

नागरिकांचा मागास प्रवर्गासाठी ८ ग्रामपंचायती

झरी/पेडपल्ली, कुतूबशहापूरवाडी, चैनपूर, नंदुरा/शहापूर, मंडगी, मरतोळी, लख्खा आणि हाळी या ग्रामपंचायती नागरिकांचा मागास प्रवर्गासाठी आरक्षित आहेत.

तर नागरिकांचा मागास प्रवर्ग महिला यासाठी कुंभारपल्ली, कोकलगाव, तडखेल, थडीसावरगाव, नागराळ, बागनटाकळी, शेळगाव आणि टाकळी ज. या ग्रामपंचायतींचा समावेश करण्यात आला आहे.

सर्वसाधारण प्रवर्गासाठी २३ ग्रामपंचायती

सर्वसाधारण प्रवर्गासाठी अंबुलगा, कुरुडगी बू., केदारकुंठा, क्षिरसमुद्र, किनी/किनी तांडा, सांगवी करडखेड, तमलूर, भोकसरेखेडा, कुडली, खानापूर, रामपूर प. होट्टल, बिजलवाडी, बेंबरा, कबीरवाडी, मानूर बु., भायेगाव, मेदनकल्लूर, शहापूर, शिवणी, शेवाळा, सोमूर, हावरगा आणि होट्टल या ग्रामपंचायतींचा समावेश आहे.

सर्वसाधारण महिला प्रवर्गातही २३ ग्रामपंचायती

आलूर, हनुमान हिप्परगा, वझर, शिळवणी, सुंडगी, सुगाव, रमतापूर, येडूर, गवंडगाव, भूत्तनहिप्परगा, दावणगीर, मरखेल, नरंगल बु., निपाणी सावरगाव, कामाजीवाडी, इब्राहीमपूर, खुतमापूर, ढोसणी, काठेवाडी, देरगाव, आमदापूर आणि आदमापूर आदी ग्रामपंचायतींचा सर्वसाधारण महिला प्रवर्गात समावेश असल्याचे आरक्षण तक्त्यात नमूद आहे.

आरक्षण जाहीर होताच इच्छुकांच्या हालचालींना वेग

सरपंच पदाचे आरक्षण जाहीर झाल्याने आता गावागावातील इच्छुक उमेदवारांची राजकीय गणिते जुळवण्यास सुरुवात होणार आहे. कोणत्या प्रवर्गासाठी सरपंच पद आरक्षित झाले, यावर संभाव्य उमेदवारांची नावे पुढे येणार असून स्थानिक राजकीय गटांनाही नव्याने रणनीती आखावी लागणार आहे.

काही गावांमध्ये विद्यमान राजकीय समीकरणांना धक्का बसण्याची शक्यता असून, नव्या चेहऱ्यांना संधी मिळण्याची शक्यता निर्माण झाली आहे. त्यामुळे आरक्षण जाहीर झाले असले तरी खऱ्या राजकीय हालचालींना आता सुरुवात होणार असल्याचे चित्र देगलूर तालुक्यात दिसून येत आहे.

एकूणच, सरपंच आरक्षणाच्या घोषणेनंतर देगलूर तालुक्यात ग्रामपंचायत निवडणुकीपूर्वीच गावागावातील राजकीय वातावरण तापण्याची चिन्हे दिसू लागली आहेत.

🔴मुख्य संपादक: श्री शहाजी वरखिंडे                  मो. 9923072242