🛑 ठाकरे शिवसेनेच्या इशाऱ्याचा परिणाम; मागणीला प्रशासनाची सकारात्मक दखल

🛑 ठाकरे शिवसेनेच्या इशाऱ्याचा परिणाम; मागणीला प्रशासनाची सकारात्मक दखल.

कर्जमाफी झालेल्या शेतकऱ्यांना नव्याने पीक कर्ज देण्याबाबत देगलूर एस.बी.आय. शाखेचे पत्र

शिवगर्जना न्यूज,

देगलूर : प्रतिनिधी

कर्जमाफीस पात्र असूनही केवळ संबंधित गाव बँकेच्या दत्तक गावांच्या यादीत शेतकऱ्यांचे नाव नसल्याचे कारण पुढे करून पिक कर्जापासून वंचित ठेवण्यात येत असल्याच्या तक्रारीनंतर शिवसेना (ठाकरे) उपजिल्हाप्रमुख महेश पाटील यांनी घेतलेल्या आक्रमक भूमिकेला यश आले आहे. शिवसेना उद्धव बाळासाहेब ठाकरे पक्षाच्या वतीने २१ सप्टेंबर रोजी बँकेला टाळे ठोकून तीव्र, निदर्शने आंदोलन करण्याचा इशारा दिल्यानंतर स्टेट बँक ऑफ इंडिया, देगलूर शाखेच्या व्यवस्थापन तेजेश गुरुनवाड यांनी कर्जमाफी झालेल्या शेतकऱ्यांना पीक कर्ज देण्याबाबत लेखी पत्र दिले आहे.

सविस्तर, शिवसेना उद्धव बाळासाहेब ठाकरे पक्षाच्या वतीने १८ सप्टेंबर रोजी देगलूर येथील एस.बी.आय. शाखा व्यवस्थापकांना तेजेश गुरुनवाड यांना निवेदन देऊन कर्जमाफीस पात्र असलेल्या, मात्र बँकेच्या दत्तक गावांच्या यादीत नसलेल्या शेतकऱ्यांना पीक कर्ज उपलब्ध करून देण्याची मागणी केली होती. संबंधित शेतकरी अनेक वर्षांपासून बँकेमार्फत पीककर्ज घेत असतांनाही (दत्तक गाव) या अटीमुळे नव्याने कर्ज देण्यास टाळाटाळ होत असल्याचा आरोप त्यांनी केला होता. या पार्श्वभूमीवर एस.बी.आय. देगलूर शाखेच्या शाखा व्यवस्थापक तेजेश गुरुनवाड यांनी महेश पाटील यांना लेखी पत्र दिले.

या पत्रात बँकेने कर्ज माफी झालेल्या शेतकऱ्यांबाबत जिल्हा अग्रणी बँकेच्या सूचनांनुसार कर्ज देण्याचा निर्णय घेतल्याचे नमूद केले आहे. तसेच संबंधित गाव दत्तक गावात नसले तरी पात्र शेतकऱ्यांना नवीन कर्ज देण्याची कार्यवाही सुरू करण्यात आल्याचे पत्रात स्पष्ट करण्यात आले आहे. त्यामुळे २१ सप्टेंबर रोजी करण्यात येणाऱ्या आंदोलनापूर्वीच बँकेकडून लेखी आश्वासन मिळाल्याने शिवसेनेच्या पाठपुराव्याला यश आल्याचे बोलले जात आहे.

आता बँकेने दिलेल्या लेखी आश्वासनानुसार पात्र शेतकऱ्यांना प्रत्यक्ष पीक कर्जाचा लाभ किती लवकर मिळतो, याकडे शेतकऱ्यांचे लक्ष लागले आहे.“कर्जमाफी झालेल्या आणि पीक कर्जासाठी पात्र असलेल्या शेतकऱ्यांना कर्ज मिळाले पाहिजे. बँकेने लेखी पत्र दिले असून आता प्रत्यक्ष कर्ज वाटप लवकर होणे अपेक्षित आहे,” असे मत शिवसेना उपजिल्हाप्रमुख महेश पाटील यांनी व्यक्त केले. दरम्यान — शेतकरी बांधवांच्या सर्व मागण्या शाखा व्यवस्थापक तेजेश गुरुनवाड यांचा पुष्पहार घालून सत्कार केला. यावेळी शिवसेना

उपजिल्हाप्रमुख महेश पाटील देगलूर शिवसेना तालुका प्रमुख बालाजी पाटील  खुतमापुरकर, देगलूर बिलोली विधानसभा मतदारसंघ प्रमुख पांडुरंग पाटील थडके देगावकर, शिवसेना देगलूर शहर प्रमुख बाबुराव मिनकीकर, युवा सेना तालुका प्रमुख तथा शिवसेना सोशल मीडिया प्रमुख भागवत पाटील सोमुरकर, मुखेड शिवसेना तालुकाप्रमुख उमेश पाटील आडलूरकर, शहर संघटक मष्णाजी पैलावार, माजी उपजिल्हा प्रमुख नागनाथ वाडेकर, उपविभागीय प्रमुख हाणमंत राजुरे लख्खेकर, शाखाप्रमुख शिवाजी जाधव पाटील सह ईतर कार्यकर्ते उपस्थित होते.

🔴मुख्य संपादक: श्री शहाजी वरखिंडे                   मो. 9923072242