🛑 बैलपोळ्यावर दुष्काळाचे सावट, बळीराजाची चिंता वाढली.

21

By Shahaji Warkhinde

September 9, 2026

🛑 बैलपोळ्यावर दुष्काळाचे सावट, बळीराजाची चिंता वाढली.

पाऊस नसल्याने सणाचा बाजार खाडावला; वरुणराजासाठी गावोगावी प्रार्थना

शिवगर्जना न्यूज,

बाळासाहेब पांडे

नांदेड जिल्हा : शेतकऱ्यांचा जिव्हाळ्याचा सण असलेल्या बैलपोळ्यावर यंदा दुष्काळाचे सावट गडद झाले आहे. पावसाने दडी मारल्याने खरीप पिके संकटात सापडली असून, शेतकऱ्यांसमोर आर्थिक अडचणी उभ्या ठाकल्या आहेत. त्यामुळे दरवर्षी उत्साहात साजरा होणाऱ्या बैलपोळ्याचा आनंद यंदा काहीसा फिका पडला आहे.

पावसाअभावी शेतकऱ्यांची आर्थिक परिस्थिती बिकट झाल्याने पोळ्याच्या खरेदी-विक्रीवरही मोठा परिणाम झाला आहे. बैलांची सजावट, रंग, दोर, झुली तसेच पूजेसाठी लागणाऱ्या साहित्याच्या बाजारपेठेत अपेक्षित गर्दी दिसत नसल्याचे चित्र अनेक ठिकाणी पाहायला मिळत आहे. त्यामुळे सणाचा बाजारही खाडावल्याचे व्यापाऱ्यांकडून सांगितले जात आहे.

दरम्यान, पावसाअभावी शेतकरी आणि ग्रामस्थांच्या चिंतेत दिवसेंदिवस वाढ होत आहे. वरुणराजाने कृपादृष्टी करावी, पाऊस पडावा आणि कोरड्या पडलेल्या शिवाराला नवसंजीवनी मिळावी, यासाठी नांदेड जिल्ह्यातील अनेक गावांमध्ये प्रार्थना केली जात आहे.

बैलपोळा हा केवळ सण नसून शेतकरी आणि बैलांच्या अतूट नात्याचा उत्सव आहे. मात्र यंदा पावसाने पाठ फिरवल्याने बैलांच्या अंगावरची सजावट आहे, पण शेतकऱ्यांच्या चेहऱ्यावर समाधान नाही, अशी भावनिक परिस्थिती जिल्ह्यात निर्माण झाली आहे. आता बळीराजाचे डोळे आभाळाकडे लागले असून, वरुणराजाच्या आगमनाची प्रतीक्षा कायम आहे.

🔴मुख्य संपादक: श्री शहाजी वरखिंडे मो. 9923072242

Previous article

🔴 देगलूरमध्ये १२० उत्कृष्ट शिक्षकांचा गौरव; नशामुक्तीचीही दिली शपथ

Next article

🛑 बाल विकास मंडळाचा अमृतमहोत्सवी प्रवास; गुणवंत विद्यार्थ्यांचा गौरव अन् शालेय साहित्याचे वाटप

Shahaji Warkhinde

ताज्या बातम्या

ताज्या बातम्या