🛑 धनंज मध्ये माणुसकीचा आदर्श! बौद्ध समाजाच्या दुःखात मराठा बांधवांची रात्रभर साथ.

148

By Shahaji Warkhinde

September 8, 2026

🔴 धनंज मध्ये माणुसकीचा आदर्श! बौद्ध समाजाच्या दुःखात मराठा बांधवांची रात्रभर साथ.

शिवगर्जना न्यूज,

नायगाव : बाळासाहेब पांडे

नायगाव तालुक्यातील धनंज येथील नागरबाई केरबा धडेकर, पत्रकार माधव धडेकर यांच्या मातोश्री, यांचे नुकतेच निधन झाले. त्यांच्या निधनाने धडेकर कुटुंबावर दुःखाचा डोंगर कोसळला.

या दुःखद प्रसंगी बौद्ध समाजाच्या सोबत उभे राहत मराठा समाजातील बांधवांनी रात्रभर जागून काढत अंत्यविधी होईपर्यंत कुटुंबीयांना साथ दिली.

नागरबाई धडेकर यांच्या निधनाची माहिती मिळताच मराठा समाजातील बांधवांनी धडेकर कुटुंबीयांची भेट घेत दुःखात सहभागी होत आधार दिला. केवळ सांत्वनापुरते उपस्थित न राहता त्यांनी रात्रभर जागून कुटुंबीयांसोबत वेळ घालवला आणि अंत्यविधी पूर्ण होईपर्यंत साथ सोडली नाही. या कृतीतून जात-पात आणि जातिभेदाच्या पलीकडे माणुसकीचे नाते! मोठे असल्याचा संदेश मिळाला. नागरबाई धडेकर यांना अखेरचा निरोप देण्यासाठी गावातील सर्व महिला-पुरुष मंडळी, तंटामुक्ती अध्यक्ष, पोलीस पाटील, तालुक्यातील पत्रकार बांधव, ग्रामरोजगार सेवक, इंजिनियर, पोलीस कर्मचारी, कंत्राटदार, नातेवाईक तसेच मित्रमंडळी मोठ्या संख्येने उपस्थित होते. विविध क्षेत्रातील व्यक्तींनी उपस्थित राहून धडेकर कुटुंबीयांच्या दुःखात सहभागी होत त्यांना धीर दिला.

या प्रसंगी स्वरसांगित गायन पार्टी, रुईचे प्रमुख तथा ढोलकी वादक पत्रकार माधव यांनी नागरबाई धडेकर यांच्या आठवणींना उजाळा देताना “जिथल्या तिथं का सोडून सार गेलीस कोणत्या वना आई! परतून ये ना पुन्हा आमची आई… या भावस्पर्शी गीतातून श्रद्धांजली अर्पण केली. गीताचे स्वर वातावरणात घुमताच उपस्थितांच्या डोळ्यांत अश्रू तरळले. दुःखाच्या वातावरणात उपस्थित प्रत्येकाचे मन हेलावून गेले.

यावेळी माधव पवार यांनी गीताच्या माध्यमातून धनंज ग्रामस्थांचे आभार मानले. दुःखद प्रसंगी धडेकर कुटुंबीयांच्या पाठीशी खंबीरपणे उभे राहून आधार देणाऱ्या गावातील सर्व महिला-पुरुष व मित्रमंडळी सहकार्याबद्दल त्यांनी कृतज्ञता व्यक्त केली.

विशेष म्हणजे, बौद्ध समाजातील कुटुंबाच्या दुःखात मराठा समाजबांधवांनी रात्रभर जागून दिलेली साथ ही केवळ मदत नव्हे, तर सामाजिक बांधिलकी आणि बंधुभावाचे जिवंत उदाहरण ठरले. सुखाच्या प्रसंगी अनेक जण सोबत असतात; मात्र दुःखाच्या प्रसंगी खंबीर पणे पाठीशी उभे राहणारे हातच खऱ्या नात्याची आणि माणुसकीची ओळख करून देतात.

नागरबाई केरबा धडेकर पश्चात तीन खूप मोठा परिवार असून त्यांच्या निधनाने कुटुंबीयांसह ग्रामस्थांमध्ये हळहळ व्यक्त होत आहे धनंज येथील या प्रसंगातून “माणुसकीला जात नसते; दुःखाला भिंती नसतात” हा संदेश अधोरेखित झाला असून सामाजिक एकोप्याचा आदर्श निर्माण झाला आहे.

🔴मुख्य संपादक: श्री शहाजी वरखिंडे

मो. 9923072242

Previous article

🛑 नांदेड जिल्हा कोरडा दुष्काळ जाहीर करावा व हेक्टरी एक लक्ष रूपये आर्थिक मदत द्यावी— संभाजी ब्रिगेड.

Next article

🔴 देगलूरमध्ये १२० उत्कृष्ट शिक्षकांचा गौरव; नशामुक्तीचीही दिली शपथ

Shahaji Warkhinde

ताज्या बातम्या

ताज्या बातम्या