🛑 गणेशोत्सवाच्या पार्श्वभूमीवर देगलूर पोलिसांची शांतता समिती बैठक संपन्न; शांतता व सलोखा राखण्याचे आवाहन

🛑 गणेशोत्सवाच्या पार्श्वभूमीवर देगलूर पोलिसांची शांतता समिती बैठक संपन्न; शांतता व सलोखा राखण्याचे आवाहन.

शिवगर्जना न्यूज,

देगलूर प्रतिनिधी

दिनांक ०१/०९/२०२६ रोजी देगलूर नगरेश्वर मंदिर येथे येणाऱ्या गणेश उत्सव व दही हंडी उत्सव निर्विघ्न पार पाडावेत यासाठी शांतता समिती बैठक डी.वाय.एस.पी. किरण पोपळघट यांच्या अध्यक्षते खाली नगरेश्वर मंदिर देगलूर येथे पार पडली.

यावेळी मंचावर डी.वाय.एस.पी. किरण पोपळघट, तहसिलदार भरत सुर्यवंशी, बी.डी.ओ. श्रीकांत बळदे, उपकार्यकारी अभियंता भालचंद्र साठे, सहाय्यक बी.डी.ओ.फासले, उप मुख्याधिकारी स्वाती वाकोडे, स्वच्छता निरीक्षक गौरव जाधव यांचे स्वागत डी.वाय.एस.पी. वैभव पडवळ व पी.आय. सुर्यमोहन बोलमवाड यांनी देगलूर पोलिस स्टेशन च्या वतीने केले.

सर्व गणेश मंडळ अध्यक्ष, सदस्य यांच्या अडचणी व सुचना जाणुन घेऊन संबंधित विभागातील अधिकाऱ्यांनी त्या वर उपाय करावा या वर चर्चा झाली. नशा, सामाजिक तेढ मुक्त गणेश उत्सव, दही हंडी व आगामी दुर्गा उत्सव साजरे व्हावे ही सर्वांची सामुहिक जबाबदारी असून कुणा एकाने हे कार्य अशक्य आहे यावर सुचना दिल्या.

महेश पाटील, कैलास येसगे, भगवान जाधव, मीरा भाई यांनी व ईतर गणेश मंडळ पदाधिकारी यांनी महत्वाच्या सुचना या वेळी मांडल्या व प्रशासकीय अधिकारी यांनी त्या सोडवणार असे संबोधित केले.

शांतता बैठकीस राजकीय व सामाजीक क्षेत्रातील पदाधिकारी, पत्रकार, सुजाण नागरिक, व्यापारी, गणेश मंडळ पदाधिकारी मोठ्या संखेने उपस्थित होते.

प्रास्ताविक विष्णु चामलवाड, डॉ. सुनील जाधव यांनी आभार प्रदर्शन केले.

🔴मुख्य संपादक: श्री शहाजी वरखिंडे मो.9923072242