🛑 अटकळी परिसरात शेतकऱ्यांना मोठ्या पावसाची प्रतीक्षा.

16

By Shahaji Warkhinde

July 22, 2026

🛑 अटकळी परिसरात शेतकऱ्यांना मोठ्या पावसाची प्रतीक्षा.

शिवगर्जना न्यूज,

बिलोली प्रतीनीधी : विलास शेरे

बिलोली : पावसाळा सरू होऊन जवळपास दीड महिना उलटला असतानाही अर्जापुर व परिसरात अद्याप समाधानकारक पाऊस झालेला नाही. सुरुवातीला झालेल्या अल्प पावसाच्या भरवशावर शेतकऱ्यांनी महागडे बियाणे, खते व इतर कृषी निविष्ठा खरेदी करून पेरणी केली. मात्र त्यानंतर पावसाने दडी मारल्याने अनेक शेतकऱ्यांवर दुबार पेरणीचे संकट ओढवले होते.

अल्प पावसामुळे काही शेतकऱ्यांच्या शेतातील बियाण्यांना मोड आले, तर काही ठिकाणी बियाणे उगवलेच नाही. त्यामुळे शेतकरी मोठ्या चिंतेत सापडले होते. गेल्या दोन ते तीन दिवसांपासून अर्जापूर व परिसरात रिमझिम स्वरूपाचा पाऊस झाला असला तरीही शेतकऱ्यांना मोठ्या पावसाची प्रतीक्षा आहे.

शेतक-यांनी उसनवारीचे पैसे तसेच बँकेकडून कर्ज घेऊन बियाणे, खते व इतर साहित्याची खरेदी करून पेरणी केली आहे. मात्र पावसाचे अनिश्वित बातावरण कायम असल्याने पिकांचे भवितव्य काय, असा प्रश्न शेतकऱ्यांसमोर उभा आहे. कर्जाची परतफेड, मुलांचे शिक्षण, घर खर्च आणि

शेतीवरील वाढता खर्च अशा अनेक समस्यांना शेतकरी बांधवांना सामोरे जावे लागत परिसरात आहे. पावसाअभावी कोरड्या दुष्काळासारखी परिस्थिती निर्माण होण्याची शक्यता व्यक्त केली जात आहे. मोठा पाऊस न झाल्याने उष्णतेची लाटही कायम असून नागरिकांना उकाड्याचा त्रास सहन करावा लागत आहे. पाणीटंचाईची परिस्थिती निर्माण होऊ नये, यासाठी दमदार पावसाची नितांत गरज आहे. गेल्या दीड महिन्यात शेतीला आवश्यक असा समाधानकारक पाऊस न झाल्याने शेतकरी संकटात सापडले होते. मात्र गेल्या दोन-तीन दिवसांपासून सुरू असलेल्या हलक्या व रिमझिम पावसामु‌ळे पिकांना काही प्रमाणात आधार मिळाला असून त्यामुळे तिबार पेरणीचे संक्ट तूर्तास टळले. तरीही मोठ्या पावसाची प्रतीक्षा आहे असे बळीराजांनी व्यक्त केली.

🔴 मुख्य संपादक: श्री शहाजी वरखिंडे

मो. 9923072242

Previous article

🛑 शेतमजुरी करून घरी परतणाऱ्या महिलेचा एसटी बसच्या धडकेत दुर्दैवी मृत्यू

Next article

🛑 कृषी व अन्न तंत्र महाविद्यालयात स्व. अजितदादा पवार यांना अभिवादन.

Shahaji Warkhinde

ताज्या बातम्या

ताज्या बातम्या