🛑लेंडी प्रकल्पातील निकृष्ट कामाची चौकशी करण्याच्या मागणीसाठी आंदोलन — शिवसेना ठाकरे

🔴 लेंडी प्रकल्पातील घळभरणीच्या निकृष्ट कामाची चौकशी करण्याच्या मागणीसाठी शिवसेना ठाकरे पक्षाच्या वतीने “हलगी बजाओ” आंदोलन संपन्न.

शिवगर्जना न्यूज,

देगलूर प्रतिनिधी

देगलूर. — लेंडी प्रकल्पातील घळभरणीच्या कामामध्ये निकृष्ट दर्जाचे साहित्य वापरून काम निकृष्ट दर्जाचे होत असल्याने या प्रकल्पाच्या कामाची चौकशी करून अधिकाऱ्यांवर सुजाता कन्स्ट्रक्शन कंपनीवर कारवाई करण्यात यावी या मागणीसाठी भक्तापुर रोडवरील लेंडी प्रकल्पाच्या कार्यकारी अभियंता यांच्या प्रवेश दारावर निदर्शने करुन हलकी बजाओ आंदोलन करण्यात आले. या बाबतीत अधिक माहिती अशी की मुखेड तालुक्यातील बहुप्रतिक्षित महाराष्ट्र/ तेलंगणा राज्यातील शेतकऱ्यांना वरदान असलेल्या लेंडी प्रकल्पाचे घळभरणीचे काम चालू असुन या कामात अधिकाऱ्यांना हाताशी धरून निकृष्ट दर्जाचे माती, मुरुम, रेती आदी साहित्य वापरून काम निकृष्ट दर्जाचे करण्यात येत आहे वापरण्यात येणारे साहित्य धरणाच्या पाणलोट क्षेत्रातून खोदकाम करुन साहित्य वापरण्यात येत आहे त्यामुळे या कामाची चौकशी करून दोषी अधिकाऱ्यांवर व सुजाता कन्स्ट्रक्शन कंपनीवर कारवाई करण्यात यावी या मागणीसाठी भक्तापुर रोडवरील लेंडी प्रकल्पाच्या कार्यकारी अभियंता प्रणव मुदगल यांच्या प्रवेश दारावर निदर्शने करुन हलकी बजाओ आंदोलन करण्यात आले यावेळी शिवसेना उपजिल्हाप्रमुख महेश पाटील देगलूर बिलोली विधानसभा मतदारसंघ प्रमुख पांडुरंग पाटील थडके देगावकर, शिवसेना देगलूर शहर प्रमुख भगवान जाधव, युवा सेना तालुका प्रमुख तथा शिवसेना सोशल मीडिया प्रमुख भागवत पाटील सोमुरकर, युवा सेना शहर प्रमुख विनोद सोनकांबळे, युवा सेना शहर समन्वयक संतोष कांबळे, शिवसेना शहर संघटक मष्णाजी पैलावार, उपविभाग प्रमुख हाणमंत राजुरे लख्खेकर, शिवसेना तालुका सचिव शिवाजी सोनकांबळे मुजळगेकर, आदी प्रमुख पदाधिकारी उपस्थितीत होते.

यावेळी पोलीस सह्यायक निरिक्षक पवार, पोलिस उपनिरीक्षक मोरे, पोलिस उपनिरीक्षक आडेकर, जमादार सगरोळीकर तामलवाडी, बेग, ठाकुर, बोलमवाड पोलीस बंदोबस्त मोठ्या प्रमाणावर तैनात करण्यात आला होता.

🔴मुख्य संपादक: श्री शहाजी वरखिंडे

मो. 9923072242