🛑 नायगाव घरफोडीचा गुन्हा दोन दिवसांत उघडकीस ९ लाख ३६ हजार ६०० रु. मुद्देमाल जप्त.

🛑 नायगाव येथील घरफोडीचा गुन्हा दोन दिवसांत उघडकीस; ९ लाख ३६ हजार ६०० रु. मुद्देमाल जप्त.

शिवगर्जना न्यूज,

नायगाव : बाळासाहेब पांडे

नायगाव : नायगाव पोलीस ठाणे हद्दीतील घरफोडीचा गुन्हा स्थानिक गुन्हे शाखा, नांदेडच्या पथकाने अवघ्या दोन दिवसांत उघडकीस आणला असून, आरोपीसह एका विधिसंघर्षग्रस्त बालिकेकडून चोरीस गेलेला ९ लाख ३६ हजार ६०० रुपयांचा मुद्देमाल जप्त करण्यात पोलिसांना यश आले आहे.

पोलीस अधीक्षक नांदेड मा. श्री. डॉ. नीलाभ रोहन यांच्या मार्गदर्शनाखाली स्थानिक गुन्हे शाखेने ही कारवाई केली.

या प्रकरणाच्या तपासासाठी पोलीस निरीक्षक श्री. अतुल भोसले यांनी पथकाला सूचना दिल्या होत्या. स्थानिक गुन्हे शाखेचे पो.उप नि. नागनाथ तुकडे व त्यांच्या पथकाने गोपनीय माहिती, तांत्रिक तपास व सीसीटीव्ही फूटेज आधारे तपास सुरू केला. तपासादरम्यान फिर्यादीचा मुलगा शुभम कौठकर याच्याकडे चौकशी करण्यात आली असता त्याने गुन्ह्याची कबुली दिली. चौकशीत शुभम कौठकर याने आपल्या मैत्रिणीच्या मदतीने घरफोडीचा कट रचल्याचे उघड झाले. फिर्यादी कुटुंब देवदर्शनासाठी बाहेर जाणार असल्याची माहिती तसेच घराची अतिरिक्त चावी कुठे ठेवलेली आहे आणि घरात मोठी रक्कम असल्याची माहिती त्याने संबंधित विधिसंघर्षग्रस्त बालिकेला दिली होती.

पूर्व नियोजनानुसार दिनांक २६ जून २०२६ रोजी फिर्यादी कुटुंब बाहेर गेल्यानंतर संबंधित विधिसंघर्षग्रस्त बालिकेने अतिरिक्त चावीच्या सहाय्याने घरात प्रवेश करून लोखंडी पेटीत ठेवलेली ९ लाख ७० हजार रुपयांची रक्कम चोरून नेली होती. पोलिसांनी तातडीने कारवाई करून चोरीतील ९ लाख ३६ हजार ६०० रुपयांची रोख रक्कम हस्तगत केली असून पुढील कायदेशीर कार्यवाही सुरू आहे.

ही कारवाई पोलीस अधीक्षक डॉ. नीलाभ रोहन, अपर पोलीस अधीक्षक श्रीमती अर्चना पाटील (भोकर), अपर पोलीस अधीक्षक श्री. सूरज गुरव (नांदेड) व पोलीस निरीक्षक अतुल भोसले यांच्या मार्गदर्शनाखाली पोउपनि नागनाथ तुकडे व त्यांच्या पथकाने केली.

या कारवाईत सपोउपनि दारासिंग राठोड, पोहेका मोहन हाके, पोकॉ महेश बडगु, पोकॉ ब्रह्मानंद लामतुरे, पोकॉ शिलराज ढवळे, मपोहेका शितल सोळंके, पोकॉ लहू चाटे व पोकॉ आबाराव पिंगलवाड यांनी सहभाग घेतला.

🔴मुख्य संपादक: श्री शहाजी वरखिंडे

मो. 9923072242