🛑 मुंबई मराठी पत्रकार संघाच्या निवडणुकीत परिवर्तन पॅनेलचा पैकीच्या पैकी जागांवर विजय. 👊💥

🔴 मुंबई मराठी पत्रकार संघाच्या निवडणुकीत परिवर्तन पॅनेलचा ऐतिहासिक पराक्रम

📌 सलग दुसऱ्यांदा पंधराच्या पंधरा जागांवर विजय; अध्यक्षपदी संदीप चव्हाण यांना विक्रमी ३६६ मते.

शिवर्जना न्यूज,

मुंबई प्रतिनिधी : गुरुनाथ तिरपणकर

मराठी पत्रकार संघाच्या २०२६-२०२८ या द्वैवार्षिक निवडणुकीत संदीप चव्हाण यांच्या नेतृत्वाखालील परिवर्तन पॅनेलने सलग दुसऱ्यांदा पंधराच्या पंधरा जागा जिंकत नवा इतिहास रचला. मागील निवडणुकी प्रमाणेच यंदाही संपूर्ण कार्यकारिणीवर परिवर्तन पॅनेलने निर्विवाद वर्चस्व प्रस्थापित केले.

अध्यक्ष पदाच्या निवडणुकीत संदीप चव्हाण यांनी ३६६ मते मिळवत पत्रकार संघाच्या इतिहासातील सर्वाधिक मतांचा विक्रम नोंदविला. त्यांचे प्रतिस्पर्धी विष्णू सोनवणे यांना १०८ मते मिळाली. उपाध्यक्ष पदी स्वाती संजय घोसाळकर (३२४) व राजेंद्र हुंजे (२८९) विजयी झाले. या पदासाठी संतोष गायकवाड (१३१), रवींद्र भोजने (१०१) आणि नितीन सोनवणे (९८) यांचा पराभव झाला. कार्यवाह पदी शैलेश शिर्के (२७०) यांनी विजय मिळविला. मंगेश वरवडेकर यांना १०८, तर दीपक परब यांना ३७ मते मिळाली. कोषाध्यक्ष पदी जगदीश भोवड (३३५) विजयी झाले. त्यांचे प्रतिस्पर्धी कुलदीप घायवट यांना १३६ मते मिळाली. विश्वस्त पदी प्रकाश कुलकर्णी (३११) विजयी झाले. अरविंद सुर्वे यांना १५० मते मिळाली.

कार्यकारिणी सदस्यांच्या नऊ जागांसाठी परिवर्तन पॅनेलचे गजानन सावंत (३०९), विनोद साळवी (२९१), आत्माराम नाटेकर (२८९), दिवाकर शेजवळकर (२८८), रजनीश राणे (२८४), अंशुमन पोयरेकर (२७६), सारंग दर्शने (२७४), राजेश खांडे (२७३) आणि किरीट गोरे (२६८) हे विजयी झाले.

या निवडणुकीत उमा कदम (१६९), नंदकुमार पाटील (१६८), आशीष बनसोडे (१६८), महेंद्र जगताप (१६५), काशिनाथ म्हादे (१६४), श्रीकांत भोसले (१४७), केतन खेडेकर (१३४), नितीन सोनवणे (१०६) आणि अमृत सुतार (१७) यांचा पराभव झाला.

आम्ही लोणावळा विश्रामधाम नूतनीकरणासह केलेल्या विकासकामांवर मतदारानी दाखविलेला हा विश्वास असल्याची प्रतिक्रिया अध्यक्ष संदीप चव्हाण यांनी व्यक्त केली.

या निकालामुळे परिवर्तन पॅनेलने सलग दुसऱ्यांदा पत्रकार संघाच्या सर्वच्या सर्व १५ जागांवर विजय मिळवण्याचा मान पटकावला असून, संघाच्या इतिहासातील हा आणखी एक ऐतिहासिक टप्पा ठरला आहे. अध्यक्षपदासह सर्व प्रमुख पदांवर परिवर्तन पॅनेलच्या उमेदवारांनी मोठ्या मताधिक्याने विजय मिळवत सदस्यांनी त्यांच्या कामगिरीवर पुन्हा एकदा विश्वास व्यक्त केला.निवडणूक अधिकारी म्हणून श्रीकांत नाईक, विजय तारी, दशरथ राणे, गुरुनाथ तिरपणकर आणि पत्रकार संघाच्या कर्मचारी वृदांचे सहकार्य लाभले.

🔴मुख्य संपादक: श्री शहाजी वरखिंडे

मो. 9923072242