🛑 आर्थिक व सामाजिक दृष्ट्या दुर्बल‎ परिस्थितीतील गरजवंत विद्यार्थ्यांना शैक्षणिक साहित्य वाटप.

🔴 वसुनंदिनी फाउंडेशन जळगाव यांच्या तर्फे आर्थिक व सामाजिक दृष्ट्या दुर्बल‎ परिस्थितीतील गरजवंत विद्यार्थ्यांना शैक्षणिक साहित्य वाटपाचा कार्यक्रम संपन्न.

शिवगर्जना न्यूज,

प्रतिनिधी डॉ. शाम जाधव

शेगाव आज रोजी शाळेतील आठव्या वर्गापर्यंतच्या‎ विद्यार्थ्यांना शासनाकडून पाठ्यपुस्तके‎ मोफत मिळतात, परंतु त्या व्यतिरिक्त‎ लागणारे इतर शैक्षणिक साहित्य उदा.‎ वही, पेन, पेन्सिल, कंपास, दप्तर आदि‎ साहित्य काही विद्यार्थ्यांना त्यांचे‎ पालक देऊ शकत नाहीत. अंगी गुण असूनही केवळ आर्थिक परिस्थिती अभावी अनेक विद्यार्थ्यांना शिक्षण घेणे दुरापास्त होते. ही बाब लक्षात घेऊन आर्थिक व सामाजिक दृष्ट्या दुर्बल‎ परिस्थितीतील गरजवंत विद्यार्थ्यांना शैक्षणिक मदत करण्यासाठी सामाजिक, आरोग्य, शैक्षणिक, साहित्यिक व सांस्कृतिक क्षेत्रात उल्लेखनीय भरीव कामगिरी करणा-या वसुनंदिनी फाउंडेशन या संस्थेमार्फत राष्ट्रीय रेल्वे यात्री सोशल वेल्फेअर फाऊंडेशन खामगाव यांच्या सहकार्याने दिनांक २३ जून २०२६ रोजी माटरगाव ता. शेगाव जिल्हा बुलढाणा येथे संयुक्त रित्या शैक्षणिक साहित्य वाटपाचा कार्यक्रम राबविण्यात आला. इयत्ता १ ली ते ८ वी पर्यंतच्या आर्थिक व सामाजिक दृष्ट्या दुर्बल‎ परिस्थितीतील एकूण ५५ गरजवंत विद्यार्थ्यांना शालेय साहित्याच्या संचाचे (Education Kit) वाटप करण्यात आले. एका शालेय साहित्याच्या संचामध्ये (Kit) दप्तर (School Bag), वह्या आणि रजिस्टर्स, पेन, पेन्सिल, खोडरबर, आणि कटर कंपास बॉक्स पाण्याची बाटली आणि डबा, पायाभूत पाठ्यपुस्तके इत्यादी वस्तूंचा समावेश करण्यात आला.

कार्यक्रमाच्या अध्यक्ष स्थानी सौ.माधुरी कुळकर्णी संस्थापक सचिव वसुनंदिनी फाउंडेशन जळगाव उपस्थित होत्या. प्रमुख पाहुणे म्हणून मा. दीपमाला कांबळे संस्थापक अध्यक्षा राष्ट्रीय रेल्वे यात्री सोशल वेल्फेअर फाऊंडेशन खामगाव यांची उपस्थिती होती. कार्यक्रमाचे उद्घाटन मा.विद्याधर सोनवणे संस्थापक अध्यक्ष वसुनंदिनी फाउंडेशन जळगाव यांनी केले. कार्यक्रमाचे सूत्रसंचालन मा.नंदगोपाल पांडे संस्थापक अध्यक्ष राष्ट्रीय रेल्वे यात्री सोशल वेल्फेअर फाऊंडेशन खामगाव यांनी केले.

कार्यक्रमाच्या उद्घाटन प्रसंगी बोलतांना मा.विद्याधर सोनवणे संस्थापक अध्यक्ष वसुनंदिनी फाउंडेशन जळगाव यांनी सदर शैक्षणिक साहित्याचे वाटप हा उपक्रम वंचित आणि गरजू विद्यार्थ्यांना शैक्षणिक प्रवासात मदत करण्यासाठी उपयुक्त होईल. या अंतर्गत वह्या, पुस्तके, दप्तर, पेन, पेन्सिल, कंपास आणि गणवेश यांसारख्या आवश्यक वस्तूंचे मोफत वाटप करण्यात आल्यामुळे मुलांमध्ये शिक्षणाची गोडी निर्माण होण्यास, तसेच पालकांचा आर्थिक भार हलका होण्यास नक्कीच मदत होईल. ग्रामीण व आर्थिक दुर्बल घटकातील पालकांना मुलांच्या शैक्षणिक साहित्याचा खर्च करणे कठीण जाते, अशा वेळी या वाटपामुळे मोठी मदत होते. अनेकदा साहित्या अभावी मुले शाळा सोडतात किंवा गैरहजर राहतात. साहित्याची उपलब्धता नवीन दप्तर, वह्या व पेन मिळाल्यामुळे विद्यार्थ्यांमध्ये नवचैतन्य निर्माण होवून शाळेतील नियमित उपस्थितीस प्रोत्साहन मिळेल असे मत व्यक्त केले.

शैक्षणिक साहित्य वाटपाचे आयोजन वसुनंदिनी फाउंडेशन अध्यक्ष विद्याधर सोनवणे आणि सचिव माधुरी कुलकर्णी, दीपमाला कांबळे संस्थापक अध्यक्षा राष्ट्रीय रेल्वे यात्री सोशल वेल्फेअर फाऊंडेशन खामगाव, नंदगोपाल पांडे संस्थापक अध्यक्ष राष्ट्रीय रेल्वे यात्री सोशल वेल्फेअर फाऊंडेशन खामगाव यांनी केले. तसेच कार्यक्रम यशस्वी करण्यासाठी दोन्ही परिवारातील ज्योती बाविस्कर खामगाव, गणेश मोरे माटरगाव, सीमा पांडव, छाया सरदार नागझिरी, दीपक मोरे माटरगाव, निवृत्ती वाघ डोलारखेड, सोनाजी मोरे माटरगाव, राजेश फुटवाइक माटरगाव, सचिन करमोडा, गजानन खवले हिंगणा, नीरज खंडेलवाल यांचे विशेष अनमोल सहकार्य लाभले. सदर शैक्षणिक साहित्य वाटपाचा कार्यक्रम दिनांक २३ जून २०२६ रोजी माटरगाव ता. शेगाव जिल्हा बुलढाणा येथे उत्साहात पार पडला.

🔴मुख्य संपादक: श्री शहाजी वरखिंडे

मो. 9923072242