🛑 नगर परिषद देगलूर येथे २३ जून “एकल महिला दिन” साजरा.

🔴 नगर परिषद देगलूर येथे २३ जून “एकल महिला दिन” साजरा.

शिवगर्जना न्यूज,

देगलूर : 9923072242

देगलूर : दिनांक २३ जून २०२६ रोजी नगर परिषद देगलूर येथे मा. मंत्री महिला व बाल विकास महाराष्ट्र राज्य आणि मा आयुक्त महिला व बालविकास विभाग महाराष्ट्र राज्य पुणे यांच्या सूचनां प्रमाणे “अंतरराष्ट्रीय विधवा दिन” निमित्ताने “एकल महिला दिन” साजरा करण्यात आला. ज्यामध्ये देगलूर शहरातील विधवा, घटस्फोटित अथवा परित्यक्ता अश्या प्रकारच्या एकल महिला यांचा मेळावा आयोजित करण्यात आला. ज्यामध्ये शासनास ‘एकल महिला धोरण’ निश्चित करण्यासाठी एकल महिलांकडून रोजगार, मालमत्ता हक्क विषयक, निवारा विषयक, शासकीय योजना अमलबजावणी बाबत, न्यायालयीन प्रक्रियेतील कायदेशीर अडचणी बाबत तसेच एकल महिलांच्या सुरक्षेविषयी अभिप्राय नोंदविण्यात आले.

♦️महाराष्ट्रातील महत्त्वाचा निर्णयः ‘एकल महिला दिवस’

महाराष्ट्रात या संदर्भात एक अत्यंत पुरोगामी पाऊल उचलण्यात आले आहे. राज्य शासनाने विधवा महिलांचा सन्मान राखण्यासाठी ‘विधवा’ या शब्दाऐवजी ‘एकल महिला’ हा शब्द वापरण्याचे निर्देश दिले आहेत. त्यामुळे महाराष्ट्रात हा दिवस “एकल महिला दिवस” म्हणूनही ओळखला जातो आणि यादिवशी त्यांच्या सक्षमीकरणासाठी विशेष योजना राबविल्या जातात.

या कार्यक्रमाच्या अध्यक्षस्थानी देगलूर नगर परिषदेचे स्वीकृत सदस्य सय्यद मोहियोद्दीन अहेमदसाब होते तर कार्यक्रमात उपस्थित एकल महिलांना नगर परिषद देगलूर आस्थापना विभागाच्या डॉ. विजया येरगुलवार तसेच लेखापाल स्वाती क्षत्रिय आणि नारी शक्ती शहरस्तर संघाच्या अध्यक्षा श्रीमती शारदा सुभाष पाटील यांनी स्वयंरोजगार तयार करून स्वावलंबी बनावे आणि समर्थपणे आपल्या कुटूंबाची जबाबदारी स्वीकारून कुटूंबाची प्रगती साधावी याबाबत बहुमोल मार्गदर्शन केले. कार्यक्रम प्रसंगी शहरातील काही यशस्वी एकल महिला यांचा सन्मान करण्यात आला. कार्यक्रमास देगलूर शहरातील २७० महिला उपस्थित होत्या. कार्यक्रम यशस्वीते साठी नगर परिषद जन्म मृत्यू विभागाच्या अश्विनी राठोड, नागमनी भुताळे तसेच NULM विभागाचे ज्योती वाघमारे आणि कपिल कांबळे यांनी प्रयत्न केले.

🔴मुख्य संपादक: श्री शहाजी वरखिंडे

मो. 9923072242