🛑 आपले साहित्य हे दुसऱ्यांच्या काळजाला भिडावे – विनोद अष्टुळ

🔴 आपले साहित्य हे दुसऱ्यांच्या काळजाला भिडावे – विनोद अष्टुळ

शिवगर्जना न्यूज,

कराड प्रतिनिधी

कवींनी विचारांचा वारसा जपायचा आहे. माणसांना जोडण्यासाठी एकमेकांचा हुंकार ऐकण्यासाठी आपण अशा साहित्य संमेलनामध्ये भेटत असतो. फक्त माझी कविता माझा फोटो एवढेच करून चालणार नाही. काळजाची कविता काळजापर्यंत पोहोचली पाहिजे. आपले साहित्य एखाद्या सम्राटासारखं राजासारखं असले पाहिजे. मी लिहिलेली कविता वाचताना स्वाभिमान वाटला पाहिजे. माझी कविता दुसऱ्याला कळतेय दुसऱ्याच्या काळजाला भिडतेय म्हणून मी साहित्यरत्न आहे साहित्य सम्राट आहे. आज साहित्याचा खजिना जिवंत ठेवण्यासाठी गंध माणुसकीचा जपण्याची आवश्यकता आहे. आपल्या साहित्यातील चांगल्या आणि वाईट गोष्टी एकमेकांना प्रेमाने सांगितल्या पाहिजेत. आपल्याला मिळालेला हा साहित्य खजिना वारसा हक्काने आपण जपूया. पुस्तक आलं आणि गेलं. असं झालं तर खजिना संपायला वेळ लागणार नाही.असे विचार अष्टुळ यांनी व्यक्त केले.

माझं कविताचं गाव जकातवाडी राजधानी सातारा व गुंफण अकादमी मसूर यांच्या संयुक्त विद्यमाने पहिले राज्यस्तरीय कवी संमेलन एम्पायर क्लासेस कराड येथे आयोजित केले होते. त्यावेळी ते बोलत होते.

व्यासपीठावर संमेलन अध्यक्ष अशोक मोहिते, शिवचरित्र अभ्यासक ॲड.संभाजीराव मोहिते, गटशिक्षणाधिकारी बिपिन मोरे, संस्थापक अध्यक्ष प्रल्हाद पारटे, सुषमा आलेकर, डॉ.बसवेश्वर चेनगे, स्वाती बाजारे, सत्यवान मंडलिक, विश्वास नेरकर, पत्रकार सुनील गुरव, सदानंद माळी उपस्थित होते.

मान्यवरांच्या हस्ते प्रतिमापूजन झाल्यानंतर शिवगर्जनेने साहित्य संमेलनाची सुरुवात झाली. यावेळी मान्यवरांच्या हस्ते ई-बुक आणि गंध माणुसकीचा या काव्यसंग्रहाचे प्रकाशन झाले.

व्यासपीठावरील मान्यवरांच्या मनोगतानंतर या राज्यस्तरीय साहित्य संमेलनासाठी आलेल्या राज्यातील अनेक कवी कवयित्री अमोल मांढरे, जयश्री काळे, अनिता मुंडे, विजया पाटील, हेमा पाटील, भाग्यश्री दीक्षित, आनंद जाधव, संजय शेवाळे, रोशन पिलेवान, संजय परीट, माधवी ढेकळे, स्वाती बाजार, संध्या पाटील, शमीम पटेल, सुनील गुरव, या सर्वांनी बाप, आई, बायको, मोबाईल, प्रेम, पाऊस, महागाई, राजकारण, समाजकारण अशा अनेक विविध विषयांवरच्या कविता सादर करून काव्य रसिकांची मने जिंकली. साहित्य संमेलनाचे सूत्रसंचालक माधवी ढेकळे यांनी तर बसवेश्वर चेनगे यांनी आभार व्यक्त केले.

🔴मुख्य संपादक: श्री शहाजी वरखिंडे

मो. 9923072242