🛑 बारावी परीक्षेत हलगर्जीपणा; केंद्र संचालक व पर्यवेक्षकांवर निलंबनाची कारवाई प्रस्तावित.

🔴 राणी लक्ष्मीबाई विद्यालयात बारावी परीक्षेत हलगर्जीपणा; केंद्रसंचालक व पर्यवेक्षकांवर निलंबनाची कारवाई प्रस्तावित. 

शिवगर्जना न्यूज, 

नायगाव : बालासाहेब पांडे

उच्च माध्यमिक प्रमाणपत्र परीक्षा २०२६ दरम्यान झालेल्या पेपर जीवशास्त्र विषयाच्या दिवशी गंभीर हलगर्जीपणा मुळे नायगाव तालुक्यातील बहुचर्चित राणी लक्ष्मीबाई परीक्षा केंद्रातील केंद्र संचालक व संबंधित पर्यवेक्षकांवर निलंबनाची कारवाई संस्था चालक यांच्या कडे पत्र पाठवून जिल्हाधिकारी यांच्या आदेशाने माध्यमिक शिक्षणाधिकारी नांदेड यांच्या कडून प्रस्तावित करण्यात आली आहे. या मुळे सर्वत्र खळबळ उडाली आहे.

श्री कदम धनाजी सहशिक्षक संत ज्ञानेश्वर विद्यालय धुपा, केंद्रसंचालक (राणी लक्ष्मीबाई कनिष्ठ महाविद्यालय, ता. नायगाव) यांच्याकडे इयत्ता १२ वी परीक्षेचे केंद्रसंचालक म्हणून जबाबदारी होती. तर गडगा येथील नाथोबा विद्यालयाचे सह शिक्षक श्रीकांत पाटील हे पर्यवेक्षक म्हणून कार्यरत होते.

दिनांक २५ फेब्रुवारी २०२६ रोजी दिवसभरात झालेल्या विषयाच्या पेपरदरम्यान मा. उपजिल्हा कार्यक्रम समन्वयक (भा.रा.शि.) राठोड यांनी केंद्रास भेट दिली असता गंभीर अनियमितता निदर्शनास आल्या. तपासणीत आढळलेल्या प्रमुख बाबी पुढील प्रमाणे –मंडळाच्या सूचनांनुसार तसेच कॉपी मुक्त अभियानाचा भाग म्हणून विद्यार्थ्यांची व्यवस्थित तपासणी करण्यात आली नव्हती. त्यामुळे एका परीक्षार्थ्याकडे मोठ्या प्रमाणात गैरप्रकाराचे साहित्य आढळून आले. पर्यवेक्षकांना त्यांच्या कामकाजाबाबत योग्य मार्गदर्शन करण्यात आले नव्हते. काही पर्यवेक्षकांनी कर्तव्याकडे दुर्लक्ष केल्याचे स्पष्ट झाले असून संबंधितांना जबाबदार धरण्यात आले आहे.

परीक्षा केंद्रात प्रशासनाकडून शिस्तबद्ध नियोजन व नियंत्रणाचा अभाव दिसून आला. जिल्हा दक्षता समितीने वारंवार सूचना करूनही केंद्रावर अपेक्षित ती कार्यवाही न झाल्याचे नमूद करण्यात आले आहे. यामुळे परीक्षा प्रक्रियेबाबत केंद्र संचालकांनी जाणीव पूर्वक दुर्लक्ष केल्याचे प्राथमिक निष्कर्षात स्पष्ट झाले आहे.

या पार्श्वभूमीवर महाराष्ट्र खाजगी शाळा सेवाशर्ती नियमावली १९८१ नुसार केंद्र संचालक व संबंधित पर्यवेक्षकांवर निलंबनाची कारवाई प्रस्तावित करण्यात आली असून, त्याबाबतचा अहवाल तात्काळ सादर करण्याचे आदेश देण्यात आले आहेत.

दरम्यान, या घटनेमुळे अगोदरच नायगाव तालुक्यात चर्चेत असलेले राणी लक्ष्मीबाई विद्यालय येथील कारभाराबद्दल प्रश्न चिन्ह निर्माण झाले आहे. पण या प्रकरणाचा नाहक बळी केंद्रसंचालक व पर्यवेक्षक ठरल्याची तालुक्यातील शैक्षणिक वर्तुळात चर्चा असून या घटनेने खळबळ उडाली असून परीक्षेच्या नियोजनात होणाऱ्या त्रुटी व हलगर्जी पणा व पारदर्शकतेबाबत प्रशासनाने कठोर भूमिका घेतल्याचे स्पष्ट झाले आहे.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)