🛑 पांचाळ कुटुंबाला मदतीचा हात मित्र मंडळाकडून आर्थिक मदत.

🔴 पांचाळ कुटुंबाला मदतीचा हात यूवा उद्योजक अमित भाऊ बोंडले मित्र मंडळाकडून ₹३५,००० ची आर्थिक मदत.

दिपक गजभारे

नायगाव : प्रतिनिधी

घुंगराळा येथील युवक स्व.श्रीधर पांचाळ यांचे नुकतेच अल्पशा आजाराने दुःखद निधन झाले. गायन-वादन करून कुटुंबाचा उदरनिर्वाह करणाऱ्या श्रीधर पांचाळ यांच्या अकाली निधनामुळे त्यांच्या कुटुंबावर दुःखाचा डोंगर कोसळला असून आर्थिक संकटही निर्माण झाले आहे.

या कठीण प्रसंगी सामाजिक बांधिलकी जपत युवा उद्योजक अमित भाऊ बोंडले व साहेबराव पाटील सुगावे यांनी पुढाकार घेत मित्रमंडळाच्या सहकार्याने स्व.श्रीधर पांचाळ यांच्या कुटुंबाला ३५ हजार रुपयांची रोख आर्थिक मदत सुपूर्द केली.

यावेळी मदतीची रक्कम कुटुंबीयांच्या स्वाधीन करताना उपस्थितांनी त्यांचे सांत्वन केले. तसेच भविष्यातही आवश्यक ते सहकार्य करण्याची भावना व्यक्त करण्यात आली. समाजातील गरजू आणि संकटग्रस्त कुटुंबांना मदतीचा हात देण्याची परंपरा कायम राखत अमित भाऊ बोंडले मित्र मंडळाने केलेल्या या मदतकार्याचे परिसरातून सर्वत्र कौतुक होत आहे.

स्व.श्रीधर पांचाळ, यांच्या पश्चात आई-वडील, पत्नी, दोन मुली व एक मुलगा असा परिवार आहे. कुटुंबाचा प्रमुख आधारस्तंभ हरपल्याने त्यांच्या कुटुंबासमोर अनेक आर्थिक व सामाजिक अडचणी निर्माण झाल्या आहेत. त्यांच्या मुलांच्या शिक्षणासाठी तसेच कुटुंबाच्या भविष्यासाठी शासनाच्या विविध योजनांचा लाभ मिळवून देण्यासाठी प्रयत्न करण्यात येणार असल्याचे अमित भाऊ बोंडले यांनी सांगितले. विशेषतः त्यांच्या मुलांना व पत्नीस क्रांतिज्योती सावित्रीबाई फुले बालसंगोपन योजना तसेच इतर शासकीय योजनांचा लाभ मिळवून देण्यासाठी आवश्यक पाठपुरावा करण्यात येणार असल्याची ग्वाही त्यांनी यावेळी दिली.

संकटाच्या काळात समाजातील दानशूर व्यक्ती, मित्रपरिवार आणि ग्रामस्थ एकत्र येऊन दिलेली ही मदत निश्चितच कुटुंबासाठी आधारवड ठरणारी असल्याची भावना उपस्थितांनी व्यक्त केली.

यावेळी साहेबराव पाटील सुगावे, तिरुपती पाटील सुगावे, मारोती कचलवाड, जळबा पाटील सुगावे, दत्तात्रय पाटील सुगावे, व्यंकटराव पाटील ढगे, पंडित पाटील सुगावे, भगवान पाटील सुगावे, माजी सरपंच प्रतिनिधी मोहनराव जोगेवार, गुत्तेदार, मोहन तुरटवाड, ग्रा.प.सदस्य बालाजी तुरटवाड, व्यंकटराव पाटील ढगे, अशोक सुगावे, चांडोळकर, विठ्ठल यमलवाड, चांदपाशा शेख, साधू बोंडले, गणपत गजभारे, दिगंबर गंगासागरे, कैलास पाटील सुगावे, वंचित बहुजन आघाडीचे जिल्हा उपाध्यक्ष दिपक गजभारे, खाजामियां शेख, बबन पाटील जगताप, अजीम शेख, विलास बोंडले, विजय यमलवाड, लक्ष्मण कासराळे, विकास कळकटवाड, भाजपा ता.सरचिटणीस शंकर यमलवाड, योगेश तुरटवाड, व्यंकट यलपलवाड, माधव कंचलवाड, गंगाधर पांचाळ, अच्युत पांचाळ, शंकर पांचाळ, आकाश कळकटवाड, राहुल बोंडले, राजू पांचाळ, चंदू पांचाळ, यांच्यासह गावातील अनेक मान्यवर, सामाजिक कार्यकर्ते, मित्रपरिवार व ग्रामस्थ मोठ्या संख्येने उपस्थित होते.

🔴मुख्य संपादक: श्री शहाजी वरखिंडे

मो. 9923072242