🛑 मांजरम येथे राज्यस्तरीय जनसंवाद ग्रामीण साहित्य संमेलन उत्साहात संपन्न.

🔴 मांजरम येथे राज्यस्तरीय जनसंवाद ग्रामीण साहित्य संमेलन उत्साहात संपन्न. 

मान्यवरांच्या पुरस्काराबरोबर जनसंवाद व संविधान जागृतीचा संदेश. 

शिवगर्जना न्यूज, 

नायगाव : बाळासाहेब पांडे

मुकनायक वाचनालय मांजरम व सप्तरंगी साहित्य मंडळ, नांदेड जिल्हा यांच्या संयुक्त विद्यमाने आयोजित राज्य स्तरीय ग्रामीण साहित्य संमेलन दि. २२ फेब्रुवारी २०२६ रोजी कै. माधवराव शिंदे गुरुजी साहित्य नगरी, मांजरम येथे स्वर्गीय दिगंबर भाई शिंदे विचारमंच येथे उत्साहात संपन्न झाले. साहित्य, संस्कृती, विचार आणि जनसंवादाची समृद्ध मेजवानी या संमेलनातून साहित्य प्रेमींना अनुभवता आली.

संमेलनाचे उद्घाटन उद्योजक बालाजी बच्चेवार यांच्या हस्ते झाले. अध्यक्षस्थानी प्रा. डॉ. रामकृष्ण बदने होते. विशेष प्रकाशन व पुरस्कार वितरण कार्यक्रमास अप्पर जिल्हाधिकारी पांडुरंग बोरगावकर, व रिपाईचे राज्याध्यक्ष मधुकर मांजरमकर, ऍड.विजय गोनारकर, जगण गोनारकर, डॉ हनुमंत भोपाळे, अनुरत्न वाघमारे, सचिन कांबळे कॉन्ट्रॅक्टर पुणे, हौसाजी वारघडे, शिवाजी कोंकेवाड यांच्यासह अनेक मान्यवर उपस्थित होते.

या संमेलनात मूकनायक वाचनालयाचे संस्थापक डी.के. वाघमारे गुरुजी यांना जीवनगौरव पुरस्कार, ज्येष्ठ पत्रकार बाळासाहेब पांडे यांना राज्यस्तरीय बाळशास्त्री जांभेकर पुरस्कार, भीमराव तरटे, जगनराव गोणारकर, साहेबराव देवदे, प्रा. संजयकुमार मांजरमकर, प्रा. गजानन देवकर बळीराम नव्हारे गुरुजी, शंकर माने वजीरगावकर, शिवाजी शिंदे, शिवाजी मलदोडे, संजय पाटील, श्रीकांत गोणारकर, कपिल डुमणे, शाहीर विलास शिंदे किशोर वाघमारे बारुळकर, माधुरी पिंगळे या सर्वांना सप्तरंगी साहित्य मंडळ व मूकनायक वाचनालय तर्फे साहित्य, पत्रकारिता, सामाजिक व सांस्कृतिक क्षेत्रातील उल्लेखनीय कार्य केल्याबद्दल पुरस्कार देऊन गौरव करण्यात आला.

या वेळी उद्घाटकीय भाषणात बालाजी बचेवार यांनी ग्रामीण भागात साहित्य संमेलनाचे केलेले धाडस म्हणजे कौतुकास्पद घटना असल्याचे नमूद केले तर ऍड विजय गोनारकर यांनी आपल्या सुंदर भाषणात उपस्थितांची मन जिंकली. अप्पर जिल्हाधिकारी यांनी संविधान व वाचन संस्कृतीची आजच्या काळात किती गरज आहे हे सांगत संविधान पारायणाची आवश्यकता व्यक्त केली.

अध्यक्षीय भाषणात प्रा. डॉ. रामकृष्ण बदने यांनी साहित्य हे समाजमन घडविणारे प्रभावी माध्यम असून आजच्या काळात कमी होत चाललेल्या संवादाच्या पार्श्वभूमीवर जनसंवादाची गरज अधिक असल्याचे सांगितले. ग्रामीण संस्कृती, बोली भाषा, परंपरा आणि ग्रामीण जीवनातील प्रश्नांना साहित्याद्वारे वाचा फोडण्याचे आवाहन त्यांनी केले. साहित्य संमेलने ही सामाजिक जागृती आणि लोकशाही बळकट करणारी प्रकाशाची केंद्रे असल्याचे त्यांनी नमूद केले.

प्रास्ताविक व मनोगत रणजीत गोनारकर, जीवन मांजरमकर, अनुरत्न वाघमारे यांनी केले. प्रारंभी शाहीर विलास शिंदे मांजरमकर यांनी स्वागत गीत गायले, संचलन कैलास धुतराज यांनी तर आभार प्रदन्याधर ढवळे यांनी मानले.

दुपारच्या सत्रात भारतीय संविधानाच्या अमृत महोत्सवी वर्षात माझी भूमिका या परिसंवादात माजी प्राचार्य माधव गाडेकर लातूर यांच्या अध्यक्षतेखाली प्रा.डॉ सुरेश वाघमारे लातूर व प्रा.डॉ हनुमंत भोपळे नांदेड यांनी उत्कृष्ट विचार मांडत सहभाग नोंदवला. त्या नंतर प्रसिद्ध कथाकार पत्रकार राम तरटे यांचे प्रभावी कथा कथन झाले.

सायंकाळी पार पडलेल्या कवी संमेलनात कविराज प्रा.आनंद सुर्वे, शिवराज लोखंडे, माधव रहाटे, प्रा.अशोक कुबडे, दत्ता वंजे, शिवाजी होळकर, शंकर माने, रुचिरा बेटकर, रुपाली वैद्य व ईतर कवीं उपस्थित कविसंमेलन रंगले. कवि संमेलनाचे सूरेख असं सुत्रसंचलन मा.अनुरत्न वाघमारे व व्यंकट आनेराये सर आभार ज्योती परांजपे यांनी मांडले. 

कै. भाई दिगंबर शिंदे विचार मंचावर दिवसभर काव्यवाचन, परिसंवाद, कथाकथन, गझल संध्या आणि राज्यस्तरीय कवीसंमेलन असे विविध कार्यक्रम पार पडले. या कार्यक्रमाच आकर्षण ठरले ते प्रारंभी काढलेली ग्रंथ दिंडी. ग्राम पंचायत कार्यालय समोरील छत्रपती शिवाजी महाराज यांच्या प्रतिमेला मानवंदना करून सुरुवात झाली. या नंतर महामानवाच्या प्रतिमेला वंदन करीत ही दिंडी गावातील मुख्य भागातून फिरवण्यात आली. लेझिम पथक, बँड पथक, भजनी, महिला सहभाग महत्वाचा ठरला तसेच चित्र व नाणे प्रदर्शनाचेही आयोजन करण्यात आले.

संमेलनाच्या यशस्वी आयोजनासाठी संयोजक जीवन मांजरमकर, स्वागताध्यक्ष सचिन कांबळे, शिवाजी कोंकेवाड, जिल्हाध्यक्ष रणजीत गोणारकर व सप्तरंगी साहित्य मंडळाच्या पदाधिकाऱ्यांनी व दिलीप शिंदे, सुरेश शिंदे, शिवाजी शिंदे, विलास शिंदे, संतोष शिंदे, मांजरमकर ग्रामस्थ यांनी परिश्रम घेतले.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)