🛑 अस्वलाच्या हल्ल्यात बळीराजा ठार — नांदेड जिल्ह्यातील घटना

67

By Shahaji Warkhinde

February 13, 2026

🔴 अस्वलाच्या हल्ल्यात बळीराजा ठार — नांदेड जिल्ह्यातील घटना.

शिवगर्जना न्यूज,

किनवट प्रतिनिधी :अमोल भरणे

किनवट : अस्वलाने केलेल्या हल्ल्यात एक शेतकरी ठार, तर आठ जण गंभीर जखमी झाल्याची घटना तालुक्यातील दयाळ धानोरा येथे घडली. या घटनेमुळे परिसरात प्रचंड दहशत असून वनविभागाने तातडीने अस्वलाचा बंदोबस्त करावा अशी मागणी होत आहे.

दयाळ धानोरा येथील दत्ता बळीराम जाधव हे रात्री शेतात पिकाला पाणी देण्यासाठी गेले होते. पाणी देत असतानाच अस्वलाने त्यांच्यावर हल्ला केला. जाधव यांनी मदतीसाठी हाका दिल्याने इतर शेतकरी त्यांच्या मदतीसाठी धावून आले. या हल्ल्यात दत्ता जाधव हे ठार झाले, तर रमेश बळीराम जाधव, शंकर तानाजी जाधव, सुदर्शन दत्ता पवार, पंडित जयसिंग जाधव, विनोद शेषराव राठोड, अरविंद शेषराव जाधव, संजय दत्ता जाधव हे गंभीर जखमी झाले. यापैकी चंद्रसिंग राठोड यांची प्रकृती चिंताजनक असल्याचे सांगण्यात आले.

या घटनेची माहिती मिळताच वन विभागाचे वनपाल बी.डी. डवरे, वनरक्षक सी. पी. गडलिंगे, बी. एम. सोनकांबळे, एम.एम. पाडदे तसेच इस्लापूर पोलीस ठाण्याचे सहायक पोलीस निरीक्षक उमेश भोसले यांनी घटनास्थळी धाव घेतली. जखमींना तात्काळ उपचारासाठी शिवनी

प्राथमिक आरोग्य केंद्रात आणण्यात आले वैद्यकीय अधिकारी डॉक्टर रवींद्र टोणपे यांची जखमीवर प्राथमिक उपचार करून गंभीर जखमींना पुढील उपचारासाठी नांदेड येथे पाठवले. या बचावकार्यात बीट जमादार आर. के. राठोड, ओ.एल. डिडेवार, ए. व्ही. मडावी तसेच भाजपा मा. तालुकाध्यक्ष व सामाजिक कार्यकर्ते बालाजी अल्लेवार, माजी सैनिक प्रकाश जाधव, सरपंच रोहिदास पवार, माजी सरपंच उत्तम नानू राठोड आणि स्थानिक तरुणांनी महत्त्वाचे सहकार्य केले.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)

Previous article

🛑 निर्मितीमूल्य शिक्षणातून समाजाचा सर्वांगीण विकास शक्य… डॉ. किन्हाळकर

Next article

🔴 प्रा. राजकुमार दासरवार यांना पीएच.डी. बहाल

Shahaji Warkhinde

ताज्या बातम्या

ताज्या बातम्या