🛑 जात्यावरच्या ओव्यांनी मराठी साहित्य वैभव संपन्न केले — कवी नारायण पूरी.

45

By Shahaji Warkhinde

January 24, 2026

🔴 जात्यावरच्या ओव्यांनी मराठी साहित्य वैभव संपन्न केले — कवी नारायण पूरी.

♦️ देगलूर महाविद्यालयाच्या वार्षिक स्नेह संमेलनाचे थाटात उद्घाटन.

शिवगर्जना न्यूज,

देगलूर प्रतिनिधी

आज एकविसाव्या शतकामध्ये मोबाईल, इंटरनेट व सोशियल मिडीयाच्या माध्यमातून संवाद साधने सुलभ झाले आहे मात्र आज तरुणांच्या हातातील मोबाईल मुळे अनेक समस्या निर्माण होत आहेत. त्यासाठी युवकांनी मोबाईलचा योग्य पद्धतीने वापर केला पाहिजे. महाराष्ट्र राज्याला संत व महान साहित्यिक व कवींचा वारसा लाभलेला असून या मातीतील महिलांनी जात्यावरच्या ओव्या गाऊन मराठी साहित्य वैभव संपन्न केले आहे त्यात महिला वर्गाचे विशेष योगदान आहे. आई, आत्या, काकू, आजी यांच्याकडून जाते फिरवताना गायल्या जाणाऱ्या ओव्या आज लुप्त होत आहेत अशी खंत महाराष्ट्र राज्यातील प्रसिद्ध कवी व गायक नारायण पूरी यांनी व्यक्त केले. ते देगलूर महाविद्यालयातील वार्षिक स्नेह संमेलनाचे उद्घाटक म्हणून बोलत होते. कार्यक्रमाचा अध्यक्षस्थानी अडत व्यापारी शिक्षण संस्थेचे अध्यक्ष प्रकाश पाटील बेम्बरेकर होते. व्यासपीठावर प्रमुख पाहुणे अडत व्यापारी शिक्षण संस्थेचे उपाध्यक्ष जनार्धन चिद्रावार, सचिव डॉ कर्मवीर उनग्रतवार, सहसचिव राजकुमार महाजन, संस्थेच्या कार्यकारिणी मंडळाचे सदस्य सूर्यकांत नारलावार, देवेंद्र बालाजीराव मोतेवार, गंगाधरराव जोशी, चंद्रकांत नारलावार, गुरुराज, चिद्रावार, रविंद्र अप्पा द्याडे, विजय उनग्रतवार, महाविद्यालयाचे प्राचार्य डॉ. मोहन खताळ, प्रा. डॉ. दूडूकनाळे उपस्थित होते.

प्रारंभी मान्यवरांच्या हस्ते दिप प्रज्वलन व स्वामी रामानंद तीर्थ यांच्या प्रतिमेचे पूजन करण्यात आले. प्रा. सोमनाथ पवार व प्रकाश सोनकांबळे यानी स्वागत गीत गाऊन स्वागत केले. कार्यक्रमाचे प्रास्ताविक प्राचार्य डॉ मोहन खताळ यांनी महाविद्यालयाच्या स्थापनेपासून ते आज पर्यंतच्या विकासावर प्रकाश टाकला. महाविद्यालयाच्या शैक्षणिक, क्रिडाविषयक, संशोधनात्मक विविध विकास कामाच्या अहवालाचे वाचन स्नेहसंमेलनाचे प्रभारी प्रा.डॉ. संजय पाटील यांनी केले. यावेळी कार्यकारिणी सदस्य गंगाधरराव जोशी यांनी मार्गदर्शन केले.

अध्यक्षीय समारोप प्रसंगी संस्थेचे सचिव डॉ.कर्मवीर उंग्रतवार यांनी वार्षिक स्नेहसंमेलन हे प्रत्येक तरुण व तरुणींच्या जीवनातील अविस्मरणीय काळ असतो. कला, साहित्य, क्रीडा व सांस्कृतिक स्पर्धेच्या माध्यमातून सुप्त कला गुणांना विकसित करण्याची सुवर्ण संधी विद्यार्थ्यांना प्राप्त होत असते त्यासाठी मिळालेल्या प्रत्येक संधीचा लाभ घ्यावा असे आवाहन केले. याप्रसंगी उपप्राचार्य डॉ. अनिल चिद्रावार, डॉ.व्ही.जी. शेरीकर, पर्यवेक्षक संग्राम पाटील, कार्यालय अधीक्षक गोविंद जोशी, यांच्यासह सर्व प्राध्यापक व कर्मचारी, विद्यार्थी व विद्यार्थिनी बहुसंख्येने उपस्थित होते. कार्यक्रमाचे सूत्र संचालन डॉ. राजेश्वर दुडूकनाळे तर आभार प्रा. संग्राम पाटील यांनी मानले.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)

Previous article

⚫ आशाताई राजीव ताटे यांचे दुःखद निधन.

Next article

🛑 देगलूर तालुक्यात अध्यात्मिक जागृतीचा एकनाम सप्ताह प्रवचन सोहळ्याचे भव्य आयोजन.

Shahaji Warkhinde

ताज्या बातम्या

ताज्या बातम्या