🛑 मुंबई मनोज जरांगे चा टोला बसला! युतीत फूट! उपोषण सुरू होताच दोन आमदार भेटीला..

🛑 मनोज जरांगे पाटलांचा बसला टोला! युतीत फूट! उपोषण सुरू होताच दोन आमदार भेटीला..

शिवगर्जना न्यूज, 

मुंबई प्रतिनिधी / दीपमाला मोकळ

मुंबई : मराठा आरक्षणाची मागणी घेऊन मनोज दादा जरांगे पाटील हे आंतरवली सराटी गावातून मुंबईत पोचले आहेत. आझाद मैदानावर जरांगे पाटलांचं उपोषण सुरु असून कोणत्याही परिस्थितीत गुलाल अंगावर घेतल्या शिवाय इथून हलणार नाही, गोळ्या घातल्या तरी मागे हटणार नाही अशी गर्जना मनोज जरांगे पाटील यांनी केली आहे.

कोटी चा जनसमुदाय यावेळी जरांगे पाटील यांच्या सोबत असून संपूर्ण मुंबईत मराठ्यांचं भगवं वादळ बघायला मिळत आहे. मनोज जरांगे पाटील यांच्या उपोषणाला विरोधी पक्षासह सत्ताधारी पक्षातील नेत्यांकडून सुद्धा पाठिंबा मिळताना दिसतोय. त्यातच आता मनोज जरांगे पाटील यांनी आझाद मैदानावर उपोषणाला सुरुवात करताच दोन आमदार त्यांच्या भेटीसाठी दाखल झालेत.

जे दोन आमदार मनोज जरांगे पाटील यांच्या भेटीसाठी आझाद मैदानावर गेले आहेत. एक आहेत शरद पवार गटाचा तर दुसरे अजित पवार गटाचे. शरद पवार गटाचे बीडचे आमदार संदीप क्षीरसागर तर अजित पवार गटाचे माजलगावचे आमदार प्रकाश सोळंके हे मनोज जरांगे पाटलांच्या स्टेजवर दाखल झाले आहेत. मराठा आरक्षणाच्या संदर्भात या आमदारांनी आधीच जरांगे पाटलांना जाहीर पाठिंबा दिला आहे. संदीप क्षीरसागर यांनी जरांगे यांचं आंतरवली सराटी मधून निघाल्या नंतरच स्वागत केलं होते, तर प्रकाश सोळंके यांनी या आंदोलनात प्रत्यक्ष सहभागी होणार असल्याचे जाहीर केले होते. याच पार्श्वभूमीवर दोन्ही नेत्यांनी मनोज जरांगे पाटील यांची उपोषण स्थळी भेट घेतली. 

मनोज जरांगे हे सर्व समाजा सोबत असून ते जे करत आहेत ते योग्यच आहे. सरकारने ठाम निर्णय घेण्याची हीच वेळ आहे. विरोधी पक्षाचा आमदार म्हणून आम्ही निवेदन देणार आहोत. मनोज दादा जे आवाहन करतील आम्ही तसे करू. मनोज दादा ओ.बी.सीं. वर अन्याय झाला तरीही रस्त्यावर उतरतात. महादेव मुंडे यांच्यासाठी सुध्दा ते मैदानात उतरले होते. त्यामुळे मनोज जरांगे यांच्या भूमिकेला आपला जाहीर पाठिंबा असल्याचे संदीप क्षीरसागर यांनी म्हंटले आहे.

♦️कोणकोणत्या नेत्यांचा जरांगे पाटलांना जाहीर पाठिंबा –

◼️ओमराजे निंबाळकर – खासदार, धाराशिव लोकसभा ◼️कैलास पाटील – आमदार, धाराशिव-कळंब विधानसभा ◼️संजय ऊर्फ बंडू जाधव – खासदार, परभणी लोकसभा ◼️उत्तमराव जानकर, आमदार माळशिरस विधानसभा ◼️बजरंग सोनवणे खासदार, बीड लोकसभा ◼️नारायण आबा पाटील, आमदार करमाळा विधानसभा ◼️संदीप क्षीरसागर आमदार, बीड विधानसभा ◼️राजेश विटेकर – आमदार पाथरी विधानसभा ◼️विजयसिंह पंडित – आमदार, गेवराई विधानसभा ◼️प्रकाश सोळंके – आमदार, माजलगाव विधानसभा ◼️राजू नवघरे – आमदार- वसमत विधानसभा ◼️डॉ. बाबासाहेब देशमुख, आमदार सांगोला विधानसभा. 

♦️जरांगे पाटील यांच्या मागण्या

१) मराठा समाजाला ओबीसी प्रवर्गातून आरक्षण द्यावे. 

२) मराठा कुणबी एक आहेत याची अंमलबजावणी झाली पाहिजे. 

३) हैदराबाद गझेटियर लागू करा तसेच सातारा, मुंबई गॅझेटियर लागू करावे, अशी मागणी मनोज जरांगेंनी केली.

४) सगेसोयरे धोरणाची अंमलबजावणी करावी. ज्याची कुणबी नोंद सापडली आहे त्याचे सगे सोयरे घ्या पोट जात म्हणून घ्या.

५) मराठा समाजाच्या नोंदी शोधण्यासाठी स्थापन केलेल्या शिंदे समितीला मुदतवाढ द्यावी

६) मराठा आंदोलकांवरील सर्व गुन्हे मागे घ्यावेत.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)