🛑नायगाव शहरात चोऱ्यांचे सत्र सुरू, पोलिसांकडून कानाडोळा!

🔴 नायगाव शहरात चोऱ्यांचे सत्र सुरू, पोलिसांकडून कानाडोळा!

ब्लू बेल्स इंग्लिश स्कूल जवळ शनिवारी रात्री घर व दुकान फोडले. 

शिवगर्जना न्यूज, 

बाळासाहेब पांडे / प्रतिनिधी

नायगाव : नायगाव शहरात गेल्या काही महिन्यां मध्ये चोऱ्यांचे सत्र थांबतच नाही. शहरातील नागरिक भीतीच्या छायेत जीवन जगत असताना, पोलिस विभाग मात्र अजूनक्षही पूर्वीच्या एकाही चोरीचा उलगडा करण्यात अपयशी ठरला आहे.    

कधी रात्री तर कधी दिवसा ढवळ्या दुकाने, घरे फोडली जात आहेत, मात्र नायगाव पोलिस ठाण्याचे पोलिस निरीक्षक हे सर्व प्रकारांकडे जाणीवपूर्वक दुर्लक्ष करत असल्याचा आरोप नागरिकांकडून होत आहे.

या विषयी वृत्त असे की नायगाव शहरातील विश्वकर्मा नगर येथील कपनीत काम करणारे कर्मचारी भुजंग मीरकुठे हे मेव्हणा मृत्यू पावल्याने बाहेर गावी गेल्याचे पाहून चोरट्यांनी घर फोडले, तर त्याच्या शेजारी असलेल दुकान ही चोरट्याने फोडून घरातून दागिने तर दुकानातून नगदी पैसे मिळून २० हजाराच्या जवळ पास मुदे माल लंपास केला. विशेष म्हणजे पावती नसल्याने तीन तोळे सोने जाऊन सुद्धा पोलिसांनी पावती अभावी तक्रार घेतली नसल्याची माहिती मिरकुटे यांनी आमच्या प्रतिनिधी जवळ दिली महत्वाची बाब म्हणजे चार तोळ्याचे मिरकुटे यांच्या पत्नीचे दागिने दुसरी कडे ठेवल्याने ते वाचले हे विशेष आहे. नायगाव पोलिसात शनिवारी सायंकाळी उशिरा नायगाव पोलिसात मिरकुटे यांच्या फिर्यादी वरून गुन्हा नोंदवण्यात आला आहे.

मिरकुटे यांनी चार ते पाच लाखाचे दागिने गेले म्हटल्याने डॉग बोलावून व हाता पायाचे ठसे घेण्यात आले पण नेहमी प्रमाणे काहीच सुगावा लागला नाही. पोलिस जमादार यांचा विधायक कामा पेक्षा अवैध कामावर डोळा

यात अधिक चिंतेची बाब म्हणजे, नायगाव शहराचे पोलीस जमादार सांगवीकर हे आपल्या कर्तव्याकडे दुर्लक्ष करून अवैध मार्गाने संपत्ती मिळविण्यात गुंतले असल्याची जोरदार चर्चा आहे. जनतेच्या सुरक्षेसाठी नेमलेले हेच अधिकारी व्यक्तिगत फायद्यासाठी कायद्याच्या चौकटीला हरताळ फासत आहेत, असा लोकांचा आरोप आहे. अनेक अवैध मार्गाने पैसे कमावणे हा उद्योग येथील पोलिस जमादार सांगवीकर यांचा असून त्यांचे लागेबांधे सर्वत्र असल्याची चर्चा होत आहे. 

♦️पोलिस प्रशासनाची निष्क्रियता.

▪️चोऱ्यांचे वाढते प्रकार

▪️एकाही घटनेचा उलगडा नाही

▪️अधिकारी वर्गाकडून दुर्लक्ष

▪️जमादारांचा कथित भ्रष्ट मार्गाने “माया” गोळा करण्याकडे कल

नायगावकरांनी यावर तीव्र नाराजी व्यक्त करत वरिष्ठ पोलीस अधिकाऱ्यांनी तत्काळ चौकशी करावी, अशी मागणी लावून धरली आहे. नागरिकांच्या सुरक्षेची जबाबदारी घेणाऱ्या यंत्रणेकडूनच जर गंभीरतेचा अभाव दिसून आला, तर कायद्यावरचा जनतेचा विश्वासच डळमळीत होईल अशी चिंता निर्माण झाली आहे.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)