🔴 श्री शंभो ग्रुप आयोजित १०८ कावड यात्रेला उत्स्फूर्त प्रतिसाद.🔱

🔴 श्री शंभो ग्रुप आयोजित १०८ कावड यात्रेला उत्स्फूर्त प्रतिसाद. 🔱 🔱

भक्ति भाव, उत्साह आणि सामाजिक सलोख्याचा अद्भुत संगम. 

शिवगर्जना न्यूज, बाळासाहेब पांडे

नायगाव : महिन्याच्या पवित्र पार्श्वभूमीवर श्री शंभो ग्रुप, नायगाव यांच्या वतीने दिनांक ३ ऑगस्ट २०२५ रोजी भव्य १०८ कावड यात्रेचे आयोजन करण्यात आले. या यात्रेला नायगाव व परिसरातील शेकडो शिव भक्तांनी उत्स्फूर्त प्रतिसाद दिला.

ही पवित्र यात्रा श्री गोदावरी गंगा, बळेगाव येथून गंगाजल भरून प्रारंभ झाली. टाळ–मृदंगाच्या गजरात, “हर हर महादेव” व “बम बम भोले” च्या जय घोषात, संपूर्ण मार्ग भक्ति भावाने गूंजून गेला. अखेरीस, ही यात्रा श्री क्षेत्र गंगनबीड येथे पोहोचून महादेवाच्या पिंडीवर जलाभिषेक करून संपन्न झाली.

श्री शंभो महादेवाच्या कृपेने व सदगुरू मन्ना महाराज कोंलबीकर यांच्या आशीर्वादाने यात्रा अत्यंत यशस्वी पणे पार पडली. महिलांचा लक्षणीय सहभाग आणि सर्व पक्षीय नेत्यांची उपस्थिती हे या यात्रेचे विशेष वैशिष्ट्य ठरले.

यात्रेच्या आयोजनात अध्यक्ष श्री. विश्वनाथ मेडेवार, उपाध्यक्ष श्री. अविनाश चालीकवार, माधव पाटील कल्याण, नरेश गंदेवार, साईराम कोटावार, सिद्धेश्वर सुताडे, तसेच मार्गदर्शक श्री. धनंजय कवटिकवार, आशिष मामिडवार, मनोज डोंगळीकर यांचे विशेष योगदान लाभले.

मा. राजेश कुंटूरकर, सुभाष पा. कल्याण, हनमंत नर्तावार यांची उपस्थिती यात्रेला अधिक गौरवशाली ठरली.

ही यात्रा धार्मिक श्रद्धेच्या बरोबरीने सामाजिक सलोखा, शिस्त व सेवाभाव यांचे उदाहरण ठरली. श्री शंभो ग्रुपचे सर्व सदस्य या यात्रे साठी अहो रात्र परिश्रम घेत होते. त्यांच्या समन्वयातून हे आयोजन एक अविस्मरणीय सोहळा ठरला.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)