🛑बिलोली-कुंडलवाडी कॉर्नरच्या रोडच्या कामास सुरुवात नागरिकांत समाधान.

🔴 बिलोली-कुंडलवाडी कॉर्नरच्या रोडच्या कामास सुरुवात नागरिकांत समाधान. 

शिवगर्जना न्यूज, 

कुंडलवाडी / सिध्दार्थ कांबळे

बिलोली शहरातील नरसी डिचपल्ली महामार्गवरील बिलोली ते कुंडलवाडी या सहा कि.मी. रस्त्याच्या वादाच्या बाबतीत छ. संभाजीनगर उच्च न्यायालयाच्या खंडपिठाने सार्वजनिक बांधकाम विभागाच्या बाजूने जवळपास एक महिन्यापूर्वी निर्णय दिल्यानंतर ही, संबंधित रोड चे काम जैसे थे स्थितीत असल्याने या कामाचं घोडं आत्ता नेमकं कुठं अडलं? या बाबतीत सार्वजनिक बांधकाम विभागाकडून संबंधित गुत्तेदाराला साईड कॉर्नर दिले जात आहे का अशी चर्चा शहरातील नागरिकांमधून होताच बांधकाम विभागाची झोप उडाली व लगेच रस्त्याच्या दुरुस्तीचे काम आज पासून सुरू झाले, याबद्दल नागरिकांत समाधान व्यक्त होत आहे.

◾बिलोली ते धर्माबाद असा २२ कि. मी. सिमेंट रस्ता मंजूर होऊन जवळपास २१ कि. मी. रस्त्याचे काम जवळपास पूर्ण झाले परंतु शहरातील नरसी डिचपल्ली या महामार्ग लगत च्या कुंडलवाडी कॉर्नरचा ५०० मिटरचा वाद हा त्या रस्त्याच्या कडेला असलेल्या अतिक्रमन धारकांनी न्यायालयात नेला होता. त्याचा निकाल लागून जवळपास दीड महिना झाला असून या रस्त्याच्या बांधकामास अद्याप सुरुवात झाली नाही. या रस्त्याच्या एका बाजूस वाहतूक होत असतांना दुसऱ्या बाजुस गुत्तेदाराने रस्त्यावर पूल बांधून लगत खड्डे पाडून ठेवल्याने वाहतुकीस मोठ्या प्रमाणात अडथळा येत आहे. हा रस्ता सरस्वती देवस्थान असलेल्या बासरला जाण्यासाठी मुख्य रस्ता असल्याने यावर वाहनांची नेहमीच रेल चेल असते. परंतु सध्या मुख्य शहरातच रस्त्याचे काम रखडल्याने वाहतुकीची मोठ्या प्रमाणात कोंडी होत आहे. उच्च न्यायालयाचा निर्णय लागल्यानंतरही बांधकाम करण्याचं नेमक कुठं घोडं अडलं? असा प्रश्न उपस्थित करत या रस्त्याकडे संबंधित गुत्तेदार व सार्वजनिक बांधकाम विभागाचे जाणीव पूर्वक दुर्लक्ष केले जात आहे का? कि गुत्तेदाराला संबंधित विभागा कडून साईड कॉर्नर दिली जात आहे, का अशी चर्चा शहरातील नागरिकांमधून होताच बांधकाम विभाग प्रशासन जागे झाले व सकाळीच यंत्रणा कामाला लागली असून रस्ता दुरुस्तीचे काम प्रगती पथावर चालू आहे.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)