🛑 महावितरणच्या कंत्राटी कर्मचाऱ्यांच्या पगारीवर डल्ला.

🔴 महावितरणच्या कंत्राटी कर्मचाऱ्यांच्या पगारीवर डल्ला. ◼️बोगस कर्मचाऱ्यांच्या नावावर उचलली जातो पगार. ◼️अर्ध्या पेक्षाही कमी पगार फोन पे ने मात्र अधिकारी कुंभकर्णी झोपेत. 

शिवगर्जना न्यूज, 

कुंडलवाडी / सिध्दार्थ कांबळे

जिल्ह्यातील महावितरणच्या कंत्राटी कर्मचाऱ्यांचे आर्थिक पिळवणूक होत असून त्यावर कंत्राटी कर्मचारी जाब विचारले तर नोकरी वरून काढून टाकण्याची धमकी देण्यात येत असल्याची व्यथा कंत्राटी कर्मचाऱ्यांनी माहिती अधिकार कार्यकर्ते तथा युवा रोजगार परिषदेचे अध्यक्ष लक्ष्मीकांत कलमूर्गे यांच्याकडे मांडली आहेत.

महाराष्ट्र राज्य विद्युत वितरण कंपनी मर्यादित अंतर्गत कर्मचारी भरतीसाठी खाजगी कंपनीला कंत्राट दिला जातो. त्या कंपनीला मनुष्यबळ पुरवठा करण्याचे काम असते. मात्र त्या कंत्राटी कर्मचाऱ्यांचे पगार थेट त्या कर्मचाऱ्यांच्या बँक खात्यात जमा होतो. रुजू झालेल्या सर्व कर्मचाऱ्यांचे संपर्क पोर्टल मध्ये नोंद घेतल्या जाते त्यांची नोंद संपर्क पोर्टल मध्ये झाल्या नंतर त्यांचे मूळ शैक्षणिक कागदपत्रे तसेच बँक खाते पासबुक, डेबिट कार्ड, चेक बुक इत्यादी अत्यावश्यक कागदपत्रे त्याच कर्मचाऱ्याजवळ राहण्या ऐवजी मनुष्यबळ केलेला कंत्राटदार स्वतः जवळ ठेवतो असे अनेक कर्मचाऱ्यांनी सांगितले आहेत. कंत्राटी कर्मचाऱ्यांचे पगार त्याच्या बँक खात्यात जमा झाल्या नंतर त्यातील अर्ध्या पेक्षाही जास्त पैसे कंत्राटदार काढून घेतो आणि उर्वरित क्षुल्लक रक्कम त्या कर्मचाऱ्यांना फोन पे नी त्यांचा पगार केला जातो अशी धक्कादायक माहिती युवा रोजगार परिषदेचे अध्यक्ष लक्ष्मीकांत कलमुर्गे यांनी दिली. 

औरंगाबाद प्रादेशिक कार्यक्षेत्रात कार्यरत असलेल्या बाह्यस्त्रोत कंत्राटी कामगारांच्या अनेक तक्रारी कार्यालयात प्राप्त होत असतात. बाह्य स्त्रोत कंत्राटी कामगारांचे आर्थिक शोषण होत आहे. नांदेड अधीक्षक अभियंता आणि मुख्य अभियंता यांना वारंवार तक्रार करून ही कारवाई करण्यासाठी दिरंगाई करत असल्याचे दिसून येत आहे. महावितरण वरिष्ठ अधिकाऱ्यांनी यांकडे विशेष लक्ष देऊन संबंधीत दोषींवर कारवाई करण्याची अत्यंत गरज असल्याचे कलमूर्गे यांनी म्ह्टले आहे. 

अनेक ठिकाणी तर नियम बाह्य आणि बेकायदेशीर कंत्राटी कर्मचाऱ्यांची भरती करून त्यांच्या अनाधिकृतपणे संपर्क पोर्टल मध्ये नाव नोंदवून त्यांचा पगार काढला जातो. काम करणारे कर्मचारी वेगळे आणि पगार निघणारे कर्मचारी वेगळे असतात. शासनाच्या नियमावली सह व्यवस्थापकीय संचालक यांनी दिली असतानाही बेकादेशीर काम करणाऱ्या भ्रष्टाचारी दोषींवर मात्र वरिष्ठांचे अंकुश नसल्याचे किंवा त्यांचे लक्ष नसल्याचे दिसून येत असल्याचे युवा रोजगार परिषदेचे लक्ष्मीकांत कलमुर्गे यांनी म्हटले आहे.

काही ठिकाणी तर कर्मचारी काम केले नसतानाही त्यांच्या नावाने पगार उचलले असल्याचे धक्कादायक माहिती समोर आले आहे. सदरील प्रकरणाची कंत्राटी कर्मचारी प्रत्यक्षात स्व हस्ताक्षरात लिहून दिली आहे की, तो कर्मचारी तिथे काम केले नसतानाही त्याच्या नावाने पगार उचलले गेले आहे.

हजेरी पटावर घोळच घोळ असून प्रत्यक्षात वेगळे तर संपर्क पोर्टलवर वेगळेच दिसून येत आहे. महावितरणच्या अधिकाऱ्यांची अंधाधुंद कारभार चालू असल्याचे स्पष्ट आहे. वरिष्ठ अधिकारी यांकडे लक्ष देऊन संबंधी दोषींवर कारवाई करणार का असा सवाल लक्ष्मीकांत कलमुर्गे यांनी केली आहे.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)