🛑 शिवसेनेच्या वतीने कर्ज माफी सह इतर मागण्यांसाठी हणेगाव ते देगलूर पद यात्रा.

🔴 शिवसेनेच्या वतीने कर्ज माफी सह इतर मागण्यांसाठी हणेगाव ते देगलूर पद यात्रा. 

शिवगर्जना न्यूज, 

देगलूर प्रतिनिधी

देगलूर : शिवसेना उद्धव बाळासाहेब ठाकरे पक्षाच्या वतीने दि. ०४/०८/२०२५ रोजी दूसरा श्रावण सोमवार हणेगाव ते देगलूर शेतकऱ्यांच्या कर्ज माफी सह इतर मागण्या संदर्भात हणेगाव ते देगलूर पदयात्रा सकाळी ९ वाजता हणेगाव येथून काढण्यात येत आहे तरी सर्व शेतकरी शेत मजूर दिन दलीत बांधवांनी पद यात्रेत उपस्थित रहावे. असे आवाहन उपजिल्हाप्रमुख महेश पाटील देगलूर शिवसेना तालुकाप्रमुख बालाजी पाटील इंगळे खुतमापुरकर उप तालुकाप्रमुख मानाजी पाटील लोणे लोणीकर, उप तालुकाप्रमुख पुरुषोत्तम अन्सापुरे विभाग प्रमुख दिलीप महाराज इनामदार, शंकर पाटील देवकत्ते युवा सेना तालुका समन्वयक तथा शिवसेना सोशल मीडिया नेटवर्क प्रमुख भागवत पाटील सोमुरकर, सरपंच बालाजी चोपडे यांनी केले आहे या बाबतीत अधिक माहिती अशी की शिवसेना उद्धव बाळासाहेब ठाकरे यांच्या पक्षाच्या वतीने हणेगाव ते देगलूर उपजिल्हाधिकारी कार्यालया पर्यंत शेतकऱ्यांची कर्जमाफी करण्यात यावी शेतकऱ्यांना वृध्दपकाळ पेंशन योजना जाहीर करावी शेतकऱ्यांना तात्काळ २०२४ चा पिक विमा वाटप करण्यात यावा, जलजीवन मिशन अंतर्गत पाणी पुरवठ्याचे काम त्वरीत पुर्ण करण्यात यावे. देगलूर – हणेगाव, देगलूर- मानुर, देगलूर-मुक्राबाद आदि रस्त्याचे काम तात्काळ सूरु करावे. निराधार वृध्दपकाळ योजनेच्या अनुदानात वाढ करण्यात यावे, दारिद्र् रेषेची अथवा २१००० /रु. उत्पन्नाच्या प्रमाण पत्राची जाचक अट रद्द करण्यात यावी. हणेगाव येथे राष्ट्रीयकृत बँक चालू करण्यात यावी. आदी मागण्यासाठी पदयात्रा काढण्यात येत आहे, पद यात्रा शिवसेना तालुका प्रमुख बालाजी पाटील इंगळे खुतमापूरकर यांच्या नेतृत्वाखाली, व शिवसेना उपजिल्हाप्रमुख महेश पाटील यांच्या मार्गदर्शनाखाली काढण्यात येत आहे तरी शेतकरी, शेत मजूर, शिवसैनिक वृद्ध, युवा मोठ्या संख्येने उपस्थितीत रहावे असे आवाहन उपजिल्हाप्रमुख महेश पाटील देगलूर शिवसेना तालुका प्रमुख बालाजी पाटील इंगळे खुतमापुरकर यांनी प्रसिद्धीस दिलेल्या पत्रकात म्हटले आहे. 

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)